Dhanush : ఆ అమ్మాయి వ‌ల్లే జీవితం నాశ‌నం.. మ‌రోసారి వైర‌ల్‌గా మారిన ధ‌నుష్ వ్యాఖ్య‌లు
త‌మిళ స్టార్ హీరో ధ‌నుష్ (Dhanush) గురించి ప్ర‌త్యేకంగా చెప్పాల్సిన ప‌ని లేదు. రఘువరన్‌ బీటెక్ చిత్రంతో తెలుగు ప్రేక్ష‌కుల హృద‌యాల్లో చెద‌రని ముద్ర వేశాడు.
- Published By: 10TV Digital Team ,Published On : September 6, 2023 / 07:19 PM IST
Dhanush
Dhanush first love story : త‌మిళ స్టార్ హీరో ధ‌నుష్ (Dhanush) గురించి ప్ర‌త్యేకంగా చెప్పాల్సిన ప‌ని లేదు. రఘువరన్‌ బీటెక్ చిత్రంతో తెలుగు ప్రేక్ష‌కుల హృద‌యాల్లో చెద‌రని ముద్ర వేశాడు. ఆయ‌న న‌టించిన చిత్రాలు త‌మిళంతో పాటు తెలుగులో విడుద‌ల అవుతుంటాయి. ఈ ఏడాది తెలుగులో సార్ సినిమాతో మంచి స‌క్సెస్ అందుకున్నారు. సూప‌ర్ స్టార్ ర‌జినీకాంత్ కూతురు ఐశ్వ‌ర్య‌ను పెళ్లి చేసుకున్న ధ‌నుష్ ఇటీవ‌ల ఆమెకు విడాకులు ఇచ్చిన సంగ‌తి తెలిసిందే. ప్ర‌స్తుతం వీరిద్ద‌రు విడివిడిగా ఉంటున్నారు.
ధ‌నుష్‌కు సంబంధించిన ఓ వార్త ప్ర‌స్తుతం నెట్టింట వైర‌ల్‌గా మారింది. గ‌తంలో ఓ ఇంట‌ర్వ్యూలో పాల్గొన్న ధ‌నుష్ తాను ఇంట‌ర్‌లో ఓ అమ్మాయిని ప్రేమించిన‌ట్లు చెప్పిన సంగ‌తి తెలిసిందే. తాజాగా మ‌రోసారి ఈ వ్యాఖ్య‌లు సోష‌ల్ మీడియాలో వైర‌ల్‌గా మారాయి.
Manchu Manoj : మంచు మనోజ్ రీ ఎంట్రీ వెండితెర పై కాదా..? బుల్లితెర మీదనా..!
తాను ప‌దో త‌ర‌గ‌తిలో ఉన్న‌ప్పుడు బాగా చ‌దివేవాడిన‌ని, క్లాస్‌లో ఎల్ల‌ప్పుడూ టాప‌ర్‌గా ఉండేవాడిన‌ని చెప్పాడు. అయితే.ఇంట‌ర్‌కు వ‌చ్చే స‌రికి ప‌రిస్థితి తారుమారైంద‌న్నాడు. ఆ స‌మ‌యంలో తాను ఓ అమ్మాయితో ప్రేమ‌లో ప‌డిన‌ట్లు తెలిపాడు. దీంతో అప్ప‌టి నుంచి చ‌దువు అట‌కెక్కింద‌న్నాడు. ఆ అమ్మాయితో చాటింగ్ చేయ‌డమే ప‌నిగా పెట్టుకున్నాన‌ని, చ‌దువును గాలికి వ‌దిలివేసిన‌ట్లు చెప్పాడు. ఏదో అత్తెస‌రు మార్కుల‌తో ఇంట‌ర్ పాసైన‌ట్లు వెల్ల‌డించారు. ఆ అమ్మాయి వ‌ల్లే త‌న ఇంట‌ర్ జీవితం నాశ‌మైంద‌ని, లేకపోతే ఇంట‌ర్‌లో మంచి మార్కులు తెచ్చుకునేవాడిన‌నంటూ సార్ సినిమా ప్ర‌మోష‌న్స్‌లో ధ‌నుష్ స‌ర‌దాగా ఈ వ్యాఖ్య‌లు చేశాడు.
ఇదిలాఉంటే.. ప్ర‌స్తుతం ధ‌నుష్ ‘కెప్టెన్ మిల్ల‌ర్’ సినిమాలో న‌టిస్తున్నారు. అరుణ్ మాతేశ్వరన్ దర్శకత్వం వ‌హిస్తుండ‌గా ప్రియాంక మోహ‌న్ హీరోయిన్‌గా న‌టిస్తోంది. భారీ బ‌డ్జెట్‌తో తెర‌కెక్కుతున్న ఈ సినిమాలో సందీప్ కిష‌న్ ఓ కీల‌క పాత్ర‌ను పోషిస్తున్నాడు.
Ram Charan : ప్రభాస్ ఛాలెంజ్‌ని స్వీకరించిన రామ్ చరణ్.. నెల్లూరు చేపల పులుసు..
