KGF3: ‘కేజీయఫ్’లో అడుగు పెడుతున్న రానా.. అందుకేనా?

KGF3: కన్నడ దర్శకుడు ప్రశాంత్ నీల్ తెరకెక్కించిన పవర్‌ఫుల్ యాక్షన్ ఎంటర్‌టైనర్ మూవీ ‘కేజీయఫ్2’ ఇటీవల రిలీజ్ అయ్యి బాక్సాఫీస్ వద్ద సెన్సేషనల్ హిట్‌‌గా నిలిచింది. ఈ సినిమాలో రాకింగ్ స్టార్ యశ్ అద్భుతమైన పర్ఫార్మెన్స్ ఇవ్వడంతో ఈ సినిమాను చూసేందుకు ఆడియెన్స్ థియేటర్లకు క్యూ కట్టారు. ఇక ఈ సినిమా కేవలం దక్షిణాదినే కాకుండా నార్త్‌‌లోనూ ప్రభంజనం సృష్టించింది. అత్యధిక వసూళ్లతో బాలీవుడ్ టాప్ 2 ప్లేస్‍‌లో ఈ సినిమా నిలిచింది.

KGF2 రికార్డుల మోత.. రామ్, భీమ్‌లను దాటేసిన రాఖీభాయ్!

అయితే కేజీయఫ్ 2కు సీక్వెల్ కూడా ఉండబోతున్నట్లు చిత్ర యూనిట్ ఇప్పటికే క్లారిటీ ఇచ్చేసిన సంగతి తెలిసిందే. దీంతో కేజీయఫ్ 3 కోసం ప్రేక్షకులు అప్పుడే ఆసక్తిగా ఎదురుచూడటం మొదలుపెట్టారు. రాఖీ భాయ్ కేజీయఫ్ 2 క్లైమాక్స్‌‌లో చనిపోయినట్లుగా మనకు చూపిస్తారు. కానీ అసలు కథ అక్కడే స్టార్ట్ అవుతుందని తెలుస్తోంది. కేజీయఫ్-3లో హీరో బతికివస్తాడు. కానీ అతడిని ఎదురించే విలన్‌లు ఎవరూ కూడా ఉండరు. దీంతో కేజీయఫ్‌లో కొత్త విలన్ అడుగుపెట్టాల్సిన అవసరం ఉందని.. అందుకే ఆ విలన్ పాత్రను టాలీవుడ్ హీరో రానా దగ్గుబాటితో చేయించాలని చిత్ర యూనిట్ ప్లాన్ చేస్తోంది.

KGF3: కేజీఎఫ్3 ఎలా ఉండబోతుంది?.. స్టోరీ ఇదేనా?

అంతేగాక దర్శకుడు ప్రశాంత్ నీల్, రానాల మధ్య జరిగిన సంభాషణ కూడా దీనికి బలాన్నిస్తోంది. ప్రశాంత్ నీల్‌తో రానా త్వరలోనే యుక్రెయిన్‌లో కలుద్దామని అని అన్నారు. అయితే వారిద్దరు కలిసేది ఓ సినిమా ప్రాజెక్టును ఓకే చేసేందుకే. ప్రశాంత్ నీల్ లైనప్‌లో ఉన్ సినిమాల్లో ఎన్టీఆర్‌ చేయబోయే సినిమాపై ఇప్పటికే ఆయన క్లారిటీ ఇచ్చాడు. ఈ సినిమా మల్టీస్టారర్ మూవీ కాదని.. అలాగే యంగ్ రెబల్ స్టార్ ప్రభాస్‌తో చేస్తున్న ‘సలార్’ ఇప్పటికే షూటింగ్ జరుపుకుంటోంది. దీంతో రానాతో ప్రశాంత్ నీల్ చేయబోయేది ఖచ్చితంగా కేజీయఫ్-3 అనే అంటున్నారు సినీ ప్రేమికులు. మరి ఈ వార్తలో ఎంతవరకు నిజం ఉందో చూడాలి.