VV Vinayak : కొడాలినాని వల్ల ఎన్టీఆర్‌తో ఆ సినిమా చేయలేకపోయా

వివి వినాయక్ మాట్లాడుతూ.. ''నిర్మాత బుజ్జి ద్వారా ఎన్టీఆర్ ని కలిసాను కథ చెప్పడానికి. ‘శ్రీ’ అని ఒక లవ్ స్టోరీ తీసుకెళ్ళాను. ఎన్టీఆర్ నాకు టైం లేదు 20 నిమిషాల్లో చెప్పేయ్ కథని అన్నారు. నేను ఒక 5 నిముషాలు..........

VV Vinayak : కొడాలినాని వల్ల ఎన్టీఆర్‌తో ఆ సినిమా చేయలేకపోయా

VV Vinayak :  ఆది సినిమాతో డైరెక్టర్ గా ఎంట్రీ ఇచ్చిన వివి వినాయక్ ఆ తర్వాత ఎన్నో సూపర్ హిట్ సినిమాలు తీశారు. ఫ్యాక్షన్, మాస్ సినిమాలలో తనదైన ముద్ర వేశారు. వివి వినాయక్ ఎన్టీఆర్ తో మొదటి సినిమా ‘ఆది’ తీసి భారీ హిట్ కొట్టారు. అయితే అంతకు ముందే ఎన్టీఆర్ తో ఒక లవ్ సినిమా చేయాలి కానీ అది ఆగిపోయింది అని ఇటీవల ఒక ఇంటర్వ్యూలో తెలిపారు.

వివి వినాయక్ మాట్లాడుతూ.. ”నిర్మాత బుజ్జి ద్వారా ఎన్టీఆర్ ని కలిసాను కథ చెప్పడానికి. ‘శ్రీ’ అని ఒక లవ్ స్టోరీ తీసుకెళ్ళాను. ఎన్టీఆర్ నాకు టైం లేదు 20 నిమిషాల్లో చెప్పేయ్ కథని అన్నారు. నేను ఒక 5 నిముషాలు ఇంట్రడక్షన్ చెప్పాను. ఆ తర్వాత రెండు గంటలు కూర్చొని కథ మొత్తం విన్నారు. ఆ లవ్ స్టోరీ ఎన్టీఆర్ చేద్దాం అన్నారు. మొత్తం ఓకే చేశారు. కానీ చివర్లో కొడాలి నాని వచ్చి ఎన్టీఆర్ తో లవ్ స్టోరీలు ఎందుకు? ఆ సినిమాకి నో చెప్పామన్నారు. ఇది ఎన్టీఆర్ నాకు డైరెక్ట్ గా చెప్పలేక సినిమాని వాయిదా వేస్తుంటే నేనే అర్ధం చేసుకొని ఇంకోసారి టైం ఇవ్వండి ఈ సారి ఇంకో కథ చెప్తా నచ్చకపోతే మొహం మీద చెప్పేయండి పర్లేదు అన్నాను.”

RRR : ఇలాంటి ఎంట్రీ ఎప్పుడూ చూడలేదు.. ట్విట్టర్లో ట్రెండ్ అవుతున్న ఎన్టీఆర్ వీడియో

 

”అలా ఎన్టీఆర్ దగ్గరికి నెక్స్ట్ టైం ఆది కథ తీసుకెళ్ళాను. ఆ కథ విని ఓకే చెప్పారు. కొడాలి నాని కూడా ఆ కథ విన్నాడు. నానికి కూడా బాగా నచ్చింది. దీంతో ఆ సినిమా మొదలైంది. కానీ నాకు ‘శ్రీ’ స్క్రిప్టు రాసేందుకు చాలా నెలలు పడితే ‘ఆది’ని రెండు రోజుల్లోనే రాశాను. ఆ తర్వాత శ్రీ సినిమాని పక్కన పడేశాను” అని తెలిపారు. అందరికి ఎన్టీఆర్, కొడాలి నాని స్నేహం గురించి తెలిసిందే. నాని పార్టీ మారిన తర్వాత నుండి వీరిద్దరికి విభేదాలు వచ్చాయని తెలుస్తుంది. దీంతో వివి వినాయక్ మరోసారి కొడాలి నాని, ఎన్టీఆర్ గురించి మాట్లాడటంతో ఈ వ్యాఖ్యలు వైరల్ గా మారాయి.