LPG Price Drop : గుడ్ న్యూస్… సిలిండర్ ధరలపై రూ.200 తగ్గింపు..!

LPG Price Drop : సిలిండర్ ధరలపై కేంద్రం గుడ్ న్యూస్ చెప్పింది. గ్యాస్ సిలిండ‌ర్ ధ‌ర‌ల‌ను రూ.200 త‌గ్గిస్తూ నిర్ణ‌యం తీసుకుంది. ఇది కొంద‌రికి మాత్ర‌మే అని ష‌ర‌తులు విధించింది. ముఖ్యంగా ప్రధాన మంత్రి ఉజ్వల యోజన కింద 9 కోట్ల మంది లబ్ధిదారులకు గ్యాస్ సిలిండర్‌కు (12 సిలిండర్ల వరకు) రూ. 200 సబ్సిడీని అందిస్తామ‌ని కేంద్ర మంత్రి నిర్మ‌లా సీతారామ‌న్ ట్విట్ట‌ర్ వేదిక‌గా ప్ర‌క‌టించారు. దేశంలోనే ఎందరో మ‌హిళ‌ల‌కు సాయం చేస్తుంద‌ని ఆమె అన్నారు. తాజా తగ్గింపుతో ప్రస్తుతం హైదరాబాద్ నగరంలో రూ.1003గా ఉన్న డొమెస్టిక్ సిలిండర్ ధర రూ.800కు దిగిరానుంది.

పెరుగుతున్న చమురు ధరల మధ్య, ప్రధాన మంత్రి ఉజ్వల యోజన కింద 9 కోట్ల మంది లబ్ధిదారులకు గ్యాస్ సిలిండర్‌కు రూ. 200 చొప్పున ఎల్‌పిజి ధరలను సబ్సిడీగా అందజేస్తామని కేంద్ర ఆర్థిక మంత్రి నిర్మలా సీతారామన్ ప్రకటించారు. 12 వరకు ఎల్‌పీజీ సిలిండర్లకు సబ్సిడీ అందించనున్నట్లు కేంద్రం ప్రకటించింది.

9/12 Also, this year, we will give a subsidy of ₹ 200 per gas cylinder (upto 12 cylinders) to over 9 crore beneficiaries of Pradhan Mantri Ujjwala Yojana. This will help our mothers and sisters. This will have a revenue implication of around ₹ 6100 crore a year. #Ujjwala

— Nirmala Sitharaman (@nsitharaman) May 21, 2022

కరోనా మహమ్మారితో పాటు కొనసాగుతున్న రష్యా-ఉక్రెయిన్ యుద్ధం కారణంగా ప్రపంచ ద్రవ్యోల్బణాన్ని పరిష్కరించేందుకు కేంద్ర ప్రభుత్వం ప్రకటించిన వివిధ రాయితీలలో ఇదొకటిగా పేర్కొంది. ఈ వారం ప్రారంభంలో వంట గ్యాస్ LPG ధరలు ఒక నెలలో రెండవసారి రూ. 3.50 పెరిగాయి. దేశవ్యాప్తంగా LPG సిలిండర్ ధరలు రూ. 1,000 మార్క్‌ను దాటాయి. ఢిల్లీ, ముంబైలలో 14.2 కిలోల డొమెస్టిక్ LPG సిలిండర్ ధర రూ. 1,003, కోల్‌కతాలో రూ. 1,029, చెన్నైలో రూ. 1,018.5గా ఉంది.

Read Also : Petrol Price : వాహనదారులకు ఊరట.. భారీగా తగ్గనున్న పెట్రోల్, డీజిల్ ధరలు.. ఎంతంటే?