‘Big B, show your Big heart’ : ‘అమితాబ్ జీ మీ విశాల హృదయాన్ని చాటండి’ అంటూ MNS నిరసన

‘బిగ్ బీ, ‘షో యువర్ బిగ్ హార్ట్’ అనే బ్యానర్లతో ముంబలోని అమితాబ్ బచ్చన్ ఇంటి ముందు మహారాష్ట్ర నవ నిర్మాణ్ సేన (MNS) కార్యకర్తలు నిరసన ప్రదర్శించారు.

MNS Protest At Amitabh Bachchan : బిగ్ బీ అంటే పరిచయం అవసరమే లేదు. ద గ్రేట్ బాలీవుడ్ స్టార్ అమితాబచ్చన్ అనే విషయం అందరికీ తెలిసిందే. ఆయన నటన గురించి ఎంత చెప్పుకున్నా తక్కువే. నేటి తరం హీరోలకే కాదు యావత్ నటులకు ఆయన స్ఫూర్తి. అటువంటి బిగ్ బీ ఇంటి ఎదుట మహారాష్ట్ర నవ నిర్మాణ్ సేన (MNS) కార్యకర్తలు నిరసన ప్రదర్శించారు. ముంబైలో ఉన్న ఆయన నివాసం ఎదుట ఎంఎన్ఎస్ కార్యకర్తలు ‘షో యువర్ బిగ్ హార్ట్’ (మీ విశాల హృదయాన్ని చాటండి) అని రాసి ఉన్న ప్లకార్డులను పట్టుకుని నిసనన వ్యక్తంచేశారు. మీ ఇంటి వద్ద సంత్ జ్ఞానేశ్వర్ రోడ్డును వెడల్పు చేసేందుకు ముంబై మున్సిపల్ కార్పొరేషన్ కి సహకరించాలని కోరుతూ ఎంఎన్ఎస్ కార్యకర్తలువారు డిమాండ్ చేశారు. అమితాబ్ బచ్చన్ నివాసం ‘ప్రతీక్ష’..ఇంటి ముందు తాము ఇంకా నిలబడే ఉన్నామని..ఎంతసేపయినా మా నిరసన నిర్వహిస్తామని ఏమాత్రం విసుగు చెందకుండా నిరసన వ్యక్తంచేస్తామని సంస్థ నేత మనీష్ ధురి తెలిపారు.

బిగ్ బీ ఇంటి వద్ద రోడ్డు 60 అడుగుల వెడల్పు విశాలం చేయాల్సిన అవసరం ఉందని..కానీ బిగ్ బీ ఇల్లు ఉండటం వల్ల దాన్ని విశాలం చేయటానికి ఆటంకంగా ఉందని..దీంతో ఈ రోడ్డు 45 అడుగులు మాత్రమే ఉందని తెలిపారు. బిగ్ బి ఇంటి వల్ల ట్రాఫిక్ కి కష్టాలు తప్పటంలేదనీ..దీంతో బిగ్ బీ బంగళా గోడను పడగొట్టాలని కూడా ముంబై మున్సిపల్ కార్పొరేషన్ యోచిస్తోంది. కానీ అది బిగ్ బీ బంగళా గోడ. దాన్ని కూలగొట్టటం అంటే సామాన్యమైన విషయం కాదు. అందుకే కోర్టులో కేసు వేసింది.అయితే ఇదివరకే స్థానికులు,మహారాష్ట్ర నవ నిర్మాణ సేన కార్యకర్తలు దీనిపై ఆయనకు విజ్ఞప్తి చేసినా అమితాబ్ బచ్చన్ నుంచి ఎటువంటి సమాధానం రాలేదు సరికదా..ఆయన అస్సలు స్పందించలేదు. ఇప్పటికే ఆయనకు ఎన్నోసార్లు విన్నవించామని..కానీ ఆయనుంచి ఎటువంటి స్పందనా రావటంలేదనీ..దయచేసి ప్రజల ఇబ్బందులను తెలుసుకుని సహకరించాలని కోరారు.

ఇప్పటికైనా ఆయన సానుకూలంగా స్పందించి అనుమతిస్తే కోర్టులో కేసును కార్పొరేషన్ ఉపసంహరించుకుంటుందని పేర్కొన్నారు. మరి తమ నిరసనతోనైనా అమితాబ్ బచ్చన్ సానుకూలంగా స్పందిస్తారని ఎంఎన్ఎస్ కార్యకర్తలు ఆశిస్తున్నారు. ఇది కేవలం స్థానిక సమస్యే అయినా బిగ్ బీ ప్రస్తావన ఉంది గనుక అత్యంత ప్రాధాన్యత సంతరించుకుంది. ఇటువంటి పరిస్థితుల్లో బిగ్ బీ పెద్ద మనస్సు చేసుకుంటే కష్టాలు తప్పుతాయని తెలిపారు. ఇకననా బిగ్ బీ పెద్ద మనస్సుతో స్పందించాల్సి అవసరం ఉందని తెలిపారు. ఇప్పటికైనా ఆయన స్పందించకపోతే ఈ విషయంపై బిఎంసికి వ్యతిరేకంగా మేము భారీ నిరసనలు నిర్వహిస్తామని తెలిపారు.