120 ఏళ్ళ తర్వాత ప్రత్యక్షమైన అరుదైన బాతు..వీడియో వైరల్
- Published By: 10TV Digital Team ,Published On : February 19, 2021 / 06:24 PM IST
Rare Duck అసోంకి ఓ అందమైన అరుదైన బాతు అతిధిగా వచ్చింది.120 ఏళ్ల తర్వాత కనిపించిన ఈ బాతుని చూసేందుకు స్థానికులు పెద్ద సంఖ్యలో ఆ ప్రాంతానికి చేరుకుంటున్నారు. ఈ బాతుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. 1902 తర్వాత మళ్లీ ఇప్పుడే ఈ పక్షి ఇక్కడ కనిపించిందని, ఇది తననెంతో ఆశ్చర్యానికి, ఆనందానికి గురిచేసిందని స్థానిక బర్డ్ గైడ్ బినంద హతిబోరువా తెలిపాడు.
అస్సాంలోని టిన్సుకియా జిల్లాలోని మాగురి బిల్ అనే సరస్సు వన్యప్రాణులకు సహజ నివాసం. డిబ్రూ నదికి దక్షిణ ఒడ్డున అనేక రకాల పక్షులకు ఆలవాలం.. ఇక్కడ దాదాపు 304లకు పైగా వలస పక్షి జాతులు నివసిస్తుంటాయి. అయితే గత కొన్ని రోజుల క్రితం మాండరిన్ బాతు కనిపించడం విశేషం.
ప్రపంచంలోని 10 అందమైన పక్షులలో ఒకటి‘మాండరిన్ బాతు’. ఎరుపు రంగు ముక్కు, నలుపు రంగు తోక.. సప్తవర్ణాల మేళవింపుతో నెమలికి పోటీ వస్తూ కనువిందు చేస్తోందీ బాతు. ఇది చైనీస్ సంస్కృతికి చిహ్నం. మాండరిన్ బాతు యొక్క ఫోటో చైనాలో ప్రతిచోటా చూడవచ్చు ఆడ మాండరిన్ బాతుతో పోల్చితే, మగ బాతులు మరింత ఆకట్టుకునే రంగుల్లో ఉంటాయి. రష్యా, కొరియా, జపాన్‌తో పాటు చైనాలోని ఈశాన్య భాగాల్లో ఈ బాతులు ఎక్కువగా కనిపిస్తాయి.
TINSUKIA: A mandarin duck was spotted in Assam earlier this week for the first time in 118 years by a team of the Wildlife Trust of India (WTI). The rare colourful duck was spotted in the wetland Maguri Motapung Beel, near Baghjan in Tinsukia.@ParveenKaswan pic.twitter.com/Wopd46RTpO
— Niraj S (@nirajntsh) February 17, 2021
