Uma Bharti : మద్యం షాపుపై ఆవుపేడ విసిరిన మాజీ సీఎం..తొలగించకుంటే తీవ్ర పరిణామాలు అంటూ హెచ్చరిక

Uma Bharti: బీజేపీ ఫైర్‌ బ్రాండ్‌..మధ్యప్రదేశ్‌ మాజీ సీఎం ఉమా భారతికి మరోసారి తనదైన శైలిలో స్పందించి వార్తల్లో నిలిచారు. అసలు ఫైర్ బ్రాండ్..పైగ రాష్ట్రంలో మద్యాన్ని నిషేధించాలని డిమాండ్ చేస్తున్న ఉమాభారతికి మరోసారి కోపమొచ్చింది. అంతే ఆవుపేడతో లిక్కర్ షాపుపై దాడికి దిగారు. పైగా తాను రాళ్లతో దాడి చేయలేదని పవిత్రమైన ఆవుపేడతోనే దాడిచేశానని చెబుతున్నారు. ఆవుపేడతో ఉమాభారతి మద్యంషాపుపై దాడి చేసిన వీడియో సోషల్ మీడియాలో వైరల్ గా మారింది.

మధ్యప్రదేశ్‌లోని నివారి జిల్లాలోని ఓర్చా నగరంలో మంగళవారం (14,2022) సాయంత్రం ఓ మద్యం షాపుపై దాడికి దిగారు. ఎంతో పవిత్ర నగరమైన ఓర్చాలో ఇలాంటి దుకాణం తెరవడం ఏంటీ అంటూ ప్రశ్నిస్తూ ఆమె షాపుపై ఆవుపేడ విసిరారు.ఆ వీడియో తీసిన వ్యక్తితో ‘‘చూడండి.. నేను ఆవుపేడ విసిరాను.. రాళ్లు రువ్వలేదు’’ ఆమె అన్నట్టుగా రికార్డయింది. ఈ ఏడాది మార్చిలో భోపాల్‌లోని ఓ మద్యం దుకాణంపై రాళ్లతో దాడి చేసిన వీడియోలు అప్పట్లో వైరలైన సంగతి తెలిసిందే.

నిన్నటి ఘటన తర్వాత ఆమె వరుస ట్వీట్లు చేశారు. ఓర్చా నగరం ప్రధాన ద్వారం వద్ద మద్యం దుకాణం ఉంది. ఇప్పుడు ఆ దుకాణం ఉన్న ప్రదేశంలో దానికి అనుమతి లేదు. దీనిపై ప్రజలు నిరసనలు చేపడుతున్నారని పేర్కొన్నారు. ఈ దుకాణాన్ని అక్కడి నుంచి తీసేయాలని డిమాండ్ చేశారు. ఇది ప్రజల డిమాండ్ కూడా అంటూ ఆమె పేర్కొన్నారు. పవిత్రమైన నగరం ఓర్చా నుదుటిన ఈ మద్యం దుకాణం పెద్ద కళంకంగా ఉందని దాన్ని వెంటనే తీసివేయాలని ఉమాభారతి డిమాండ్ చేశారు.