Unlike humans : మానవత్వం ఎక్కడ : మాటల్లేవు..జంతువెవరో అర్థం కావడం లేదు
అడవి జంతువుల నుంచి మనషులకు జరిగే నష్టం కంటే.. మనుషుల నుంచి జంతువులకు జరిగే నష్టమే అధికం.
- Published By: 10TV Digital Team ,Published On : March 20, 2021 / 04:19 PM IST
Human
elephant goes viral : అడవి జంతువుల నుంచి మనషులకు జరిగే నష్టం కంటే.. మనుషుల నుంచి జంతువులకు జరిగే నష్టమే అధికం. ఆకలితోనో, దాహంతోనో ఊర్ల బాట పట్టిన జంతువులను దారుణంగా హింసించి తరిమేస్తున్నారు మనుషులు. గుంపులు గుంపులుగా జనం ఏనుగును వెంటాడుతున్న ఓ వీడియో ఇప్పుడు సోషల్‌ మీడియాలో వైరల్‌ అవుతోంది. సుధా రామెన్‌ అనే ఐఎఫ్ఎస్ అధికారి ఈ వీడియోను తన ట్విటర్‌ ఖాతాలో షేర్‌ చేశారు.
మాటల్లేవు.. ఇక్కడ జంతువెవరో అర్థంకావటం లేదని వీడియోకు క్యాప్షన్‌ పెట్టారు ఆ ఐఎఫ్ఎస్ ఆఫీసర్‌. మనుషుల మానవత్వం లేని చర్యల వల్ల జంతువులు ఇలా ఒత్తిడికి గురవుతున్నాయని, దీనికి మానవత్వం పెంచుకోవడం తప్ప మరో మార్గం లేదని తెలిపారామె. కాగా.. ఆ వీడియోలో.. రాత్రి వేళ ఓ ఏనుగు రోడ్డుపై పరిగెడుతూ ఉంటే.. దాని వెనకాల గుంపులు గుంపులుగా జనం గట్టిగా అరుస్తూ, తరుముతూ ఉన్నారు. దీంతో ప్రాణభయంతో ఆ ఏనుగు పరుగులు తీసింది.
ఈ వీడియోను చూసిన ప్రతీ ఒక్కరూ చలించిపోతున్నారు. మనుషులు మానవత్వం మరిచిపోయి క్రూరులుగా మారుతున్నారని కామెంట్స్‌ పెడుతున్నారు. మూగ జీవాలను రక్షించాల్సింది పోయి.. వాటిని చిత్ర హింసలకు గురిచేస్తున్నారని ఆగ్రహం వ్యక్తం చేశారు జంతు ప్రేమికులు.
No words!! Wondering who is the animal here ? pic.twitter.com/LAcY276HdX
— Sudha Ramen IFS ?? (@SudhaRamenIFS) March 17, 2021
