Jio Bharat Phone Sale : రిలయన్స్ జియో యూజర్లకు గుడ్ న్యూస్.. అమెజాన్‌లో జియో భారత్ ఫోన్ సేల్.. ఎప్పటినుంచంటే? గెట్ రెడీ..!
Jio Bharat Phone Sale : రిలయన్స్ జియో ఇటీవలే భారత మార్కెట్లో కొత్త జియో భారత్ 4G ఫోన్‌ను కేవలం రూ. 999 ప్రారంభ ధరతో లాంచ్ చేసింది. ఈ 4G జియో ఫోన్ ఇప్పుడు అమెజాన్ ద్వారా విక్రయానికి రెడీగా ఉంది. పూర్తి వివరాలు ఇలా ఉన్నాయి.
- Published By: 10TV Digital Team ,Published On : August 24, 2023 / 05:09 PM IST
Jio Bharat feature phone to go on sale in India via Amazon
Jio Bharat Phone Sale : ప్రముఖ దేశీయ టెలికం దిగ్గజం రిలయన్స్ జియో (Reliance Jio) ఇటీవలే భారత మార్కెట్లో కొత్త జియో భారత్ 4G ఫోన్ (Jio Bharat)ను కేవలం రూ. 999 ప్రారంభ ధరతో ప్రవేశపెట్టింది. ఇప్పుడు ఇదే ఫోన్ దేశంలో విక్రయించడానికి రెడీగా ఉంది. ఈ ప్రత్యేక సేల్ (Amazon India) వెబ్‌సైట్‌లో సేల్ టీజర్‌ను పోస్ట్ చేసింది. ఆసక్తి గల యూజర్లు ఆగస్టు 28 నుంచి కొత్త జియో ఫోన్‌ను కొనుగోలు చేయవచ్చని వెల్లడించింది. ఈ సేల్ మధ్యాహ్నం 12 గంటలకు ప్రారంభం కానుంది. ఈ కొత్త జియో ఫోన్ క్లాసిక్ బ్లాక్ కలర్ మోడల్‌లో అందుబాటులో ఉంటుంది.
జియో భారత్ ఫోన్ ఫీచర్లు, స్పెక్స్ :
జియో భారత్ ఫోన్ కార్బన్‌తో రూపొందించారు. జియో భారత్ k1 కార్బన్, ఎరుపు, నలుపు మిశ్రమాన్ని కలిగి ఉంది. ఫ్రంట్ సైడ్ ‘భారత్’ అనే బ్రాండింగ్ ఉంది. బ్యాక్ సైడ్ ‘Karbonn’ లోగో ఉంది. ఈ ఫోన్‌లో ఓల్డ్-స్కూల్ T9 కీబోర్డ్, ఎగువన ఫ్లాష్‌లైట్ ఉన్నాయి. బ్యాక్ కెమెరా కూడా ఉంది. వినియోగదారులు (JioCinema)లో సినిమాలు లేదా స్పోర్ట్స్ మ్యాచ్‌లను కూడా చూడవచ్చు. ఈ ఫీచర్ ఫోన్ 1.77-అంగుళాల డిస్‌ప్లేతో వస్తుంది. చూడటానికి కొంచెం పెద్దదిగా ఉంటుంది. 128GB వరకు ఎక్స్‌టర్నల్ మైక్రో SD కార్డ్ సపోర్ట్‌కు కంపెనీ సపోర్ట్ ఇచ్చింది.
పెద్ద స్టోరేజీ యాడ్ చేయడం వల్ల యూజర్లు మీ మ్యూజిక్, వీడియోలు, ఫోటోలు, ఇతర కంటెంట్‌ను స్టోర్ చేయడానికి అనుమతిస్తుంది. బ్యాక్ కెమెరా మాడ్యూల్ దీర్ఘచతురస్రాకార డిజైన్‌ను కలిగి ఉంది. LED ఫ్లాష్‌తో 0.3MP (VGA) సెన్సార్‌ను కలిగి ఉంది. ఫ్లాష్‌లైట్ కూడా ఉంది. కంపెనీ హుడ్ కింద 1,000mAh బ్యాటరీని కూడా చేర్చింది. కొత్త జియో భారత్ ఫోన్ ప్రజలు జియో యాప్‌ల ద్వారా పేమెంట్లు చేయడానికి సినిమాలను చూసేందుకు కూడా అనుమతిస్తుంది. ఈ ఫోన్ వాట్సాప్‌కు సపోర్ట్‌ని అందిస్తుందని నివేదికలు చెబుతున్నాయి.
Jio Bharat feature phone to go on sale in India via Amazon
జియో భారత్ ఫోన్ కొనాలంటే? :
జియో భారత్ ఫోన్‌ను కొనుగోలు చేసే వినియోగదారులు రూ. 123 యాక్టివ్ రీఛార్జ్ ప్లాన్‌ని కలిగి ఉండాలి. ఈ ప్లాన్ 28 రోజుల పాటు ఉంటుంది. అన్‌లిమిటెడ్ కాలింగ్, 14GB 4G డేటా, అన్ని Jio యాప్‌లకు పూర్తి యాక్సెస్‌ను అందిస్తుంది. ప్రత్యామ్నాయంగా, జియో యూజర్లు రూ. 1,234 ధరతో లభించే వార్షిక ప్లాన్‌ను ఎంచుకునే అవకాశం ఉంది.
అదనంగా, జియో ఫోన్ ప్రస్తుతం అమెజాన్ వంటి ఆన్‌లైన్ ఛానెల్‌ల ద్వారా విక్రయించనుంది. ఇప్పటివరకు, ఆఫ్‌లైన్ లభ్యతపై ఎలాంటి ప్రకటన లేదు. అయితే, ఈ జియో ఫోన్ రాబోయే కాలంలో వివిధ రిటైల్ అవుట్‌లెట్‌ల ద్వారా విక్రయించే అవకాశం ఉంది. రిలయన్స్ జియో త్వరలో మరిన్ని వివరాలను ప్రకటించే అవకాశం ఉందని భావిస్తున్నారు.
Read Also : Ola S1 Air : అత్యంత సరసమైన ఓలా S1 ఎయిర్ ఎలక్ట్రిక్ స్కూటర్.. డెలివరీలు షురూ.. ఫీచర్లు, ధర ఎంతో తెలుసా?
