ఈ ఏకైక లక్ష్యంతో పాలన ప్రారంభించాం: సీఎం చంద్రబాబు ప్రసంగం

దేశంలో ఇతర ఏ రాష్ట్రంలోనూ అమలు కాని స్థాయిలో ఏపీలో ప్రజలకు సంక్షేమాన్ని అందిస్తున్నామని చంద్రబాబు నాయుడు చెప్పారు.

రాష్ట్రాన్ని పునర్నిర్మించాలనే ఏకైక లక్ష్యంతో పాలన ప్రారంభించామని ఆంధ్రప్రదేశ్ ముఖ్యమంత్రి చంద్రబాబు నాయుడు అన్నారు. విజయవాడలోని మున్సిపల్ స్టేడియంలో నిర్వహించిన 79వ స్వాతంత్ర్య వేడుకల్లో చంద్రబాబు నాయుడు మాట్లాడారు.

దేశంలో ఇతర ఏ రాష్ట్రంలోనూ అమలు కాని స్థాయిలో ఏపీలో ప్రజలకు సంక్షేమాన్ని అందిస్తున్నామని చంద్రబాబు నాయుడు చెప్పారు. ప్రధాన ఎన్నికల హామీలుగా ఉన్న సూపర్ సిక్స్ హిట్ చేశామని తెలిపారు. 2029 నాటికి అందరికీ ఇళ్లు కల్పించడమే లక్ష్యమని అన్నారు.

Also Read: ఏపీలో ఘోర బస్సు ప్రమాదం.. ముగ్గురి మృతి.. 18 మందికి గాయాలు

అమరావతి ప్రపంచంలోనే అత్యున్నత స్థాయిలో ఉంటుందని హామీ చంద్రబాబు నాయుడు ఇచ్చారు. 2014లో సీఎంగా ప్రజలు తనకు అవకాశం ఇచ్చారని, భారత్‌లో టాప్‌ 3 రాష్ట్రాల్లో ఒకటిగా ఏపీని నిలిపామని అన్నారు. అనంతరం, 2019లో అధికారంలోకి వచ్చిన వైసీపీ ఏపీని నాశనం చేసిందని తెలిపారు. ఏపీ బ్రాండ్‌ను వైసీపీ నాశనం చేసిందని, దీంతో రాష్ట్రం 30 ఏళ్లు వెనక్కి పోయిందని అన్నారు.