Kapil Dev – Chandrababu : ఏపీ సీఎం చంద్ర‌బాబుతో టీమ్ఇండియా మాజీ కెప్టెన్ క‌పిల్ దేవ్ భేటీ..

టీమ్ఇండియా మాజీ కెప్టెన్ క‌పిల్ దేవ్ ఆంధ్ర‌ప్ర‌దేశ్ ముఖ్య‌మంత్రి నారా చంద్ర‌బాబు నాయుడుతో భేటీ అయ్యారు.

Kapil Dev meet AP CM Chandrababu Naidu

Kapil Dev – Chandrababu : టీమ్ఇండియా మాజీ కెప్టెన్ క‌పిల్ దేవ్ ఆంధ్ర‌ప్ర‌దేశ్ ముఖ్య‌మంత్రి నారా చంద్ర‌బాబు నాయుడుతో భేటీ అయ్యారు. విజ‌య‌వాడ‌కు చేరుకున్న క‌పిల్ ఆంధ్రా క్రికెట్ అసోసియేషన్ అధ్యక్షుడు, ఎంపీ కేశినేని శివ‌నాథ్‌తో క‌లిసి ఉండ‌వ‌ల్లికి వెళ్లి సీఎం చంద్ర‌బాబును క‌లిశారు. అమ‌రావ‌తిలో గోల్ఫ్ కోర్స్ ఏర్పాటు పై వీరు ప్ర‌ధానంగా చ‌ర్చిన‌ట్లుగా తెలుస్తోంది.

చంద్ర‌బాబుతో భేటి అనంత‌రం క‌పిల్ దేవ్ మీడియాతో మాట్లాడారు. క్రీడలపై సీఎం చంద్రబాబుకు చాలా ఉత్సుకత ఉందన్నారు. గోల్ఫ్ గురించి ప్రత్యేకంగా చర్చ జరిగిందన్నారు. చంద్రబాబు నుంచీ ప్రామిస్ అనేకంటే ఆయన బ్లెస్సింగ్ ఉంటుంది. ఇండియన్ గోల్ఫ్ కి నేను ప్రెసిడెంట్.. ప్రభుత్వం ఎక్కడ భూమి ఇస్తుందనేది ప్రభుత్వానిదే నిర్ణయం అని చెప్పారు. స్పోర్ట్స్ సిటీ ఇస్తే చాలా సంతోషిస్తాన‌ని చెప్పారు. 20 సంవత్సరాల నుంచీ క్రికెట్ లో ముందున్నామ‌ని, చాలా పాజిటివ్ గా మాత్రమే తాను మాట్లాడుతాన‌ని క‌పిల్ అన్నారు.

YS Jagan: ఇడుపులపాయలో వైఎస్ఆర్ ఘాట్ వద్ద నివాళులర్పించిన జగన్.. వీడియో

అనంత‌రం ఎంపి కేశినేని చిన్నిమాట్లాడుతూ.. అనంతపురం, అమరావతి, విశాఖ లలో గోల్ఫ్ కోర్టులు పెడతామ‌ని చెప్పారు. కపిల్ దేవ్ ను మన రాష్ట్రానికి అంబాసిడర్ గా ఉండాలని కోరామ‌న్నారు. గోల్ఫ్ ను కూడా ఏపీలో అభివృద్ధి చేయాలని ఆలోచిస్తున్నామ‌న్నారు. గోల్ఫ్ కు డ్రైవింగ్ రేంజిలు సిద్ధం చేస్తాం. మరో రెండు మూడు మీటింగ్ లలో నిర్ణయిస్తాం. ఏపీలో యువ క్రీడాకారులు అంతర్జాతీయంగా ఆడేలా చేస్తాం. గ్రామీణ క్రికెట్ క్రీడాకారులను వెలికితీస్తాం. గ్రామీణ ప్రాంతాలలో క్రికెట్ ను అభివృద్ధి చేస్తాం. అని చిన్ని తెలిపారు.