ఏపీలో ఫుడ్ సేఫ్టీ ఆఫీసర్ ఉద్యోగాలు : 22 పోస్టులు
- Published By: veegamteam ,Published On : February 14, 2019 / 10:51 AM IST
ఏపీ ఇన్‌స్టిట్యూట్ ఆఫ్ ప్రివెంటివ్ మెడిసిన్, పబ్లిక్ హెల్త్ ల్యాబొరేటరీస్ & ఫుడ్(హెల్త్) అడ్మినిస్ట్రేషన్ సబార్డినేట్ విభాగంలో ఖాళీల భర్తీకి ఆంధ్రప్రదేశ్ పబ్లిక్ స‌ర్వీస్ క‌మిష‌న్ (APPSC) ఫిబ్రవరి 13న నోటిఫికేషన్ విడుదల చేసింది. సంబంధిత విభాగంలో డిగ్రీ, మాస్టర్ డిగ్రీ పూర్తిచేసిన అభ్యర్థులు ఈ పోస్టులకు దరఖాస్తు చేసుకోవడానికి అర్హులు.
అభ్యర్థులు దరఖాస్తు ఫీజు రూ.250, పరీక్ష ఫీజు రూ.80 చెల్లించి ఆన్‌లైన్ ద్వారా దరఖాస్తు చేసుకోవాల్సి ఉంటుంది. మార్చి 7 నుంచి ఆన్‌లైన్ దరఖాస్తు ప్రక్రియ ప్రారంభం కానుంది. అభ్యర్థులు మార్చి 27లోగా పరీక్ష ఫీజు చెల్లించాలి. మార్చి 28లోగా దరఖాస్తు చేసుకోవాలి.
* అర్హత:
డిగ్రీ (ఫుడ్ టెక్నాలజీ/ డెయిరీ టెక్నాలజీ/ బయో టెక్నాలజీ/ అగ్రికల్చరల్ సైన్స్/ వెటర్నరీ సైన్సెస్/ బయోకెమిస్ట్రీ/ మైక్రోబయాలజీ) లేదా మాస్టర్ డిగ్రీ (కెమిస్ట్రీ) లేదా మెడిసిన్ డిగ్రీ.
* వ‌య‌సు:
01.07.2019 నాటికి 18 నుంచి 42 సంవత్సరాల మ‌ధ్య ఉండాలి.
* దరఖాస్తు ఫీజు:
అభ్యర్థులు దరఖాస్తు ప్రాసెసింగ్ ఫీజుగా రూ.250, పరీక్ష ఫీజుగా రూ.80 చెల్లించాలి. SC, ST, BC, రేషన్‌ కార్డుదారులకు, నిబంధనల ప్రకారం ఉన్న నిరుద్యోగులకు పరీక్ష ఫీజు చెల్లించాల్సిన అవసరం లేదు. దరఖాస్తు ఫీజు మాత్రమే చెల్లిస్తే సరిపోతుంది.
* దరఖాస్తు విధానం: ఆన్‌లైన్ ద్వారా.
* ఎంపిక విధానం:
స్క్రీనింగ్ టెస్ట్, మెయిన్ ఎగ్జామినేషన్, ఫిజికల్ టెస్ట్, వైద్య ప‌రీక్షల ద్వారా ఎంపికచేస్తారు.
* ముఖ్యమైన తేదీలు :
| ఆన్‌లైన్ దరఖాస్తు ప్రారంభం | 07.03.2019 |
| దరఖాస్తుల చివరితేది | 28.03.2019 |
| ఫీజు చెల్లించడానికి చివరితేది | 27.03.2019 |
| మెయిన్ పరీక్ష తేది | 22.05.2019 |
