Rahul Murder Case : రాహుల్ హత్య కేసులో కీలకంగా కోరాడ విజయ్కుమార్ వాంగ్మూలం
విజయవాడ రాహుల్ హత్య కేసులో కోరాడ విజయ్కుమార్ వాంగ్మూలం కీలకంగా మారింది. విజయ్‌కుమార్‌తో పాటు అతడి డ్రైవర్‌ను పోలీసులు విచారిస్తున్నారు. ఆరుగురు నిందితులు పోలీసుల అదుపులో ఉన్నారు.
- Published By: 10TV Digital Team ,Published On : August 22, 2021 / 06:22 PM IST
Vijay Kumar
Testimony of Vijay Kumar : విజయవాడ యువ వ్యాపారి రాహుల్ హత్య కేసులో కోరాడ విజయ్కుమార్ వాంగ్మూలం కీలకంగా మారింది. ప్రస్తుతం విజయ్‌కుమార్‌తో పాటు అతడి డ్రైవర్‌ను పోలీసులు విచారిస్తున్నారు. విజయ్కుమార్ స్టేట్‌మెంట్ ఆధారంగా హత్య కేసులో కోగంటి సత్యం పాత్రను పోలీసులు నిర్ధారించనున్నారు. కోగంటి సత్యం గురించి విజయ్‌కుమార్‌ను పోలీసులు ప్రశ్నిస్తున్నట్లు తెలుస్తోంది.
అలాగే ఈ కేసులో ఏ4, ఏ5గా ఉన్న తళ్లీ కూతుళ్లు.. గాయత్రీ, పద్మజల గురించి కూడా ప్రశ్నించినట్లు సమాచారం అందుతోంది. గాయత్రీ, పద్మజ పాత్రపైనా పోలీసులు ఆరా తీస్తున్నారు. మాచవరం పీఎస్‌లో కోరాడ విజయ్కుమార్ విచారణ కొనసాగుతోంది. ఈ కేసులో ఆరుగురు నిందితులు పోలీసుల అదుపులో ఉన్నారు.
బెజవాడ యువ వ్యాపారి రాహుల్ హత్య కేసులో ప్రధాన నిందితుడు కోరాడ విజయ్కుమార్… పోలీసుల ఎదుట లొంగిపోయాడు. మాచవరం పోలీస్‌ స్టేషన్‌లో సరెండర్‌ అయ్యాడు. విజయ్కుమార్ సహా మొత్తం ఆరుగురు నిందితులు పోలీసుల అదుపులో ఉన్నట్లు తెలుస్తోంది. రాహుల్ మర్డర్‌ కేసులో వారిని విచారిస్తున్నట్లు సమాచారం. ఈ నెల 18న బెజవాడలో రాహుల్ దారుణ హత్యకు గురయ్యాడు.
రాహుల్‌లో కలిసి వ్యాపారం చేస్తున్న కోరాడ విజయ్‌కుమారే హత్య చేయించినట్లు పోలీసులు భావించారు. రాహుల్ మర్డర్‌ తర్వాత విజయ్కుమార్ పరారీ కావడంతో… అతడిపై అనుమానాలు బలపడ్డాయి. విజయ్‌కుమార్‌ను పట్టుకునేందుకు పోలీసులు ప్రత్యేక బృందాల్ని నియమించాయి. ఐదు రోజులుగా అతడి కోసం వేటాడుతున్నాయి. ఈ క్రమంలో విజయ్కుమార్.. ఇవాళ మాచవరం పోలీస్‌ స్టేషన్‌లో లొంగిపోయాడు.
రాహుల్ మర్డర్‌ కేసులో అనుమానితుడిగా ఉన్న కోరాడ విజయ్కుమార్ డ్రైవర్‌… బాబును నిన్న పోలీసులు అదుపులోకి తీసుకున్నారు. నూజివీడు దగ్గర టాస్క్‌ఫోర్స్‌ పోలీసులు బాబును అదుపులోకి తీసుకున్నారు. రాహుల్ హత్య జరిగిన రాత్రి నుంచి కారు డ్రైవర్‌ బాబు పరారీలో ఉన్నాడు. డ్రైవర్‌పై నిఘా పెట్టిన పోలీసులు.. నిన్న అతడిని అదుపులోకి తీసుకున్నారు. రాహుల్ మర్డర్‌పై బాబును విచారిస్తున్నారు.
