ధనవంతుడిని కాదన్న అనిల్ అంబానీ …6వారాల్లో 700కోట్లు కట్టాలని కోర్టు తీర్పు
- Published By: venkaiahnaidu ,Published On : February 7, 2020 / 10:22 PM IST
ఆసియాలో నెం.1 ధనవంతుడి సోదరుడు,రిలయన్స్ గ్రూప్ చైర్మన్ అనిల్ అంబానీ ఒకప్పుడు సంపన్న వ్యాపారవేత్తే కానీ, భారతదేశంలో టెలికాం మార్కెట్లో ఘోరమైన సంఘటనల ఫలితంగా ఇప్పుడు సంపన్న వ్యాపారవేత్త కాదని,ఆయన నికర విలువ సున్నా అని అనిల్ అంబానీ తరపు న్యాయవాదులు UK కోర్టుకు తెలిపారు. లోన్ అగ్రిమెంట్ లో భాగంగా అంబానీ నుంచి 680మిలియన్ డాలర్లను రికవరీ చేసేందుకు మూడు చైనా టాప్ బ్యాంక్ లు కోర్టుకెళ్లిన నేపథ్యంలో వాదనల సందర్భంగా శుక్రవారం(ఫిబ్రవరి-7,2020)అంబానీ తరపు న్యాయవాదులు కోర్టుకి ఈ విధంగా తెలిపారు.
ఫిబ్రవరి 2012 లో సుమారు 925 మిలియన్ డాలర్ల బాకీ రీఫైనాన్సింగ్ లోన్ పై వ్యక్తిగత హామీని అంబానీ ఉల్లంఘించినట్లు ఆరోపిస్తూ…ఇండస్ట్రియల్ అండ్ కమర్షియల్ బ్యాంక్ ఆఫ్ చైనా లిమిటెడ్ ముంబై బ్రాంచ్, చైనా డెవలప్మెంట్ బ్యాంక్ మరియు ఎక్సిమ్ బ్యాంక్ ఆఫ్ చైనా UK హైకోర్టును సమ్మరీ జడ్జిమెంట్ కోరింది. అయితే అంబానీ అటువంటి హామీకి అధికారాన్ని ఇవ్వడాన్ని తిరస్కరించారు. అయితే రుణ ఒప్పందం నిబంధనలలో భాగంగా అధికార పరిధిని అంగీకరించింది UK హైకోర్టు.
అనిల్ అంబానీకి వ్యతిరేకంగా గత ఏడాది మూడు చైనా బ్యాంకులకు మంజూరు చేసిన “కండీషనల్ ఆర్డర్” కొరకు నిబంధనలను నిర్ణయించడానికి లండన్ లోని ఇంగ్లాండ్ అండ్ వేల్స్ హైకోర్టు వాణిజ్య విభాగంలో శుక్రవారం(ఫిబ్రవరి-7,2020) జరిగిన విచారణలో..అంబానీ నెట్ వర్క్ సున్నా అని,ఆయన ఇప్పుడు సంపన్న వ్యాపారవేత్త కాదని ఆయన తరపు న్యాయవాదులు కోర్టుకి తెలిపారు.
అంబానీ పెట్టుబడుల విలువ 2012 నుండి కుప్పకూలిందని, స్పెక్ట్రం మంజూరుకు సంబంధించి భారత ప్రభుత్వం పాలసీని మార్చడం వల్ల ముఖ్యంగా భారత టెలికాం రంగం ఒక్కసారిగా దెబ్బతిందని తెలిపారు. అనిల్ అంబానీ యొక్క పెట్టుబడులు 2012 లో 7 బిలియన్ డాలర్ల కంటే ఎక్కువ విలువైనవి అయితే, అవి ఇప్పుడు 89 మిలియన్ డాలర్ల విలువైనవని, అతని అర్హతలు పరిగణనలోకి తీసుకున్న తర్వాత అతని నికర విలువ సున్నా అవుతుందని… చాలా సరళంగా చెప్పాలంటే అతను ధనవంతుడైన వ్యాపారవేత్త, ఇప్పుడు కాదు అని అతని న్యాయవాది రాబర్ట్ హోవే అన్నారు.
అయితే అంబానీ న్యాయవాది వాదనలను బ్యాంకుల న్యాయవాది ప్రశ్నించాడు. అంబానీ విలాసవంతమైన జీవనశైలి గురించి పదేపదే ప్రస్తావించాడు. అంబానీకి ఉన్న 11 లేదా అంతకంటే ఎక్కువ లగ్జరీ కార్లు, ఒక ప్రైవేట్ జెట్, ఒక పడవ మరియు దక్షిణ ముంబైలోని ప్రత్యేకమైన సీవింద్ పెంట్ హౌస్ వంటి వాటి గురించి ప్రస్తావించాడు. ఈ సందర్భంగా భారతదేశంలో దివాలా కోసం ఫైల్ చేశాడా అని విచారణ సందర్భంగా జస్టిస్ డేవిడ్ వక్స్మాన్ ప్రశ్నించారు.
ఇరుపక్షాల వాదనల అనంతరం…ఈ కేసులో పూర్తి విచారణ పెండింగ్‌లో ఉన్న కోర్టులో అనిల్ అంబానీ 100 మిలియన్ డాలర్లు చెల్తించాలని యూకే కోర్టు ఆదేశించింది. దీనికి ఆరు వారాల గడువు విధిస్తున్నట్లు జడ్జి చెప్పారు. తన నికర విలువ సున్నా అంటూ అంబానీ యొక్క వాదనను తాను అంగీకరించలేనని తేల్చిచెప్పారు.
ఇండస్ట్రియల్ అండ్ కమర్షియల్ బ్యాంక్ ఆఫ్ చైనా లిమిటెడ్ ముంబై బ్రాంచ్, చైనా డెవలప్మెంట్ బ్యాంక్ మరియు ఎక్సిమ్ బ్యాంక్ ఆఫ్ చైనా ఈ ఉత్తర్వును స్వాగతించాయి. విచారణలో విజయం సాధిస్తాయని తాము విశ్వసిస్తున్నామని చెప్పారు. తమ దావాపై చాలా నమ్మకంగా ఉన్నామని ఓ ప్రకటనలో మూడు బ్యాంకులు తెలిపాయి. అంబానీ కోర్టు ఆదేశాలను పాటిస్తారని ఆశిస్తున్నామని, విచారణలో కేసు శీఘ్ర పరిష్కారం కోసం ఎదురుచూస్తున్నట్లు ప్రకటన తెలిపింది.
అయితే ఈ తీర్పుకు వ్యతిరేకంగా అప్పీల్ చేయాలని యోచిస్తున్నట్లు రిలయన్స్ గ్రూప్ తెలిపింది. అనిల్ అంబానీ UK కోర్టు ఆదేశాలను సమీక్షిస్తున్నారని, అప్పీల్‌లో మరిన్ని పరిష్కారాల కోసం న్యాయ సలహా తీసుకుంటారని అనిల్ అంబానీ ప్రతినిధి ఒకరు తెలిపారు.
