Diwali 2024 Tech Gifts : దీపావళి 2024 బెస్ట్ టెక్ గిఫ్ట్స్ మీకోసం.. ఇందులో మీకు నచ్చిన బ్రాండ్ గాడ్జెట్ కొనేసుకోండి..!
Diwali 2024 Tech Gifts : మీరు ఈ దీపావళికి సరైన బహుమతిని కొనుగోలు చేయాలని ప్లాన్ చేస్తుంటే.. అద్భుతమైన టెక్ గాడ్జెట్ల జాబితాను వివిధ కేటగిరీలలో మీకోసం అందిస్తున్నాం.
- Published By: 10TV Digital Team ,Published On : October 25, 2024 / 07:09 PM IST
Best tech gifts for Diwali 2024
Diwali 2024 Tech Gifts : 2024 దీపావళి పండుగకు సమయం దగ్గరపడుతోంది. పండుగ అనగానే అందరికి ఎంతో అత్యంత సంతోషకరమైన సమయం. ప్రతి ఏడాదిలోగే ఈ ఏడాది కూడా దీపాల పండుగకు స్నేహితులు, బంధువులకు ఇష్టమైన బహుమతులను అందించవచ్చు. మీ స్నేహితులు, కుటుంబ సభ్యులు ఎప్పటినుంచో చూస్తున్న అనేక టెక్ గాడ్జెట్లను వారికి బహుమతిగా అందించేందుక ఇదే బెస్ట్ టైమ్ అని చెప్పవచ్చు. ఆసక్తికరంగా, చాలా ఇ-కామర్స్ సైట్‌లు, రిటైలర్‌లు అనేక డీల్స్, ఆఫర్‌లను అందిస్తున్నాయి. మీరు ఈ దీపావళికి సరైన బహుమతిని కొనుగోలు చేయాలని ప్లాన్ చేస్తుంటే.. అద్భుతమైన టెక్ గాడ్జెట్ల జాబితాను వివిధ కేటగిరీలలో మీకోసం అందిస్తున్నాం. ఇందులో ఏ బ్రాండ్‌ను కొనుగోలు చేయాలనుకుంటున్నారో నిర్ణయించుకోవచ్చు.
ఆపిల్ ఐఫోన్ 16 :
గత సెప్టెంబరులో ఆపిల్ పాపులర్ స్మార్ట్‌ఫోన్ కొత్త జనరేషన్ ఐఫోన్‌ను తీసుకొచ్చింది. సరికొత్త ఐఫోన్ 16 ఎ18 చిప్‌సెట్ ద్వారా రన్ అవుతుంది. ఆటో ఫోకస్‌తో కూడిన అల్ట్రా-వైడ్ లెన్స్‌తో సహా మెరుగైన కెమెరాలను కలిగి ఉంది. 48ఎంపీ ఫ్యూజన్ కెమెరా, 2ఎక్స్ టెలిఫోటో లెన్స్ ఉన్నాయి. ఆపిల్ కూడా ఈ నెలలో ఆపిల్ ఇంటెలిజెన్స్ ఫీచర్‌లను లాంచ్ చేయనుంది. క్వాలిటీ విషయానికి వస్తే.. ఐఫోన్ 16 ఏరోస్పేస్-గ్రేడ్ అల్యూమినియం డిజైన్‌ను కలిగి ఉంది. గరిష్టంగా 22 గంటల వీడియో ప్లేబ్యాక్‌తో ఎక్కువ బ్యాటరీ లైఫ్‌తో వస్తుంది. యూఎస్బీ-సి, మ్యాగ్‌సేఫ్ ద్వారా వేగవంతమైన ఛార్జింగ్ సామర్థ్యాలను కలిగి ఉంటుంది. ఐఫోన్ 16 128జీబీ వేరియంట్ ధర రూ. 79,900 వద్ద లాంచ్ అయింది. అయితే, ఫ్లిప్‌కార్ట్, అమెజాన్ రెండింట్లో అద్భఉతమైన డీల్స్ ఆఫర్లు అందిస్తున్నాయి.
మార్షల్ ఎంబెర్టన్ II :
ఏ సంగీత ప్రేమికులకైనా అత్యుత్తమ ఆడియో డివైజ్ దీపావళి గిఫ్ట్‌గా అందించవచ్చు. ఇంటర్నెట్‌లో వేల సంఖ్యలో బ్లూటూత్ స్పీకర్లు అందుబాటులో ఉన్నాయి. మార్షల్ నుంచి ఎంబర్టన్ II పోర్టబుల్ బ్లూటూత్ స్పీకర్ మల్టీఫేస్ బహుమతులను అందించవచ్చు. 2-ఛానల్ కాన్ఫిగరేషన్‌తో పవర్‌ఫుల్ 20డబ్ల్యూ సౌండ్ అవుట్‌పుట్‌ను అందిస్తుంది. మీకు ఇష్టమైన ట్రాక్‌లలోని వివరాలేవీ కోల్పోకుండా ఉండేలా డైనమిక్ డ్రైవర్‌లను అందిస్తుంది. స్పీకర్ అధునాతన డిజైన్‌లో వస్తుంది. ఇందులో ఐపీ67 రేటింగ్‌ను కలిగి ఉంది. 30-గంటల బ్యాటరీ లైఫ్ అందిస్తుంది. యూఎస్బీ-సి ఛార్జింగ్ కేబుల్‌తో వస్తుంది. ఛార్జింగ్ 3 గంటలు పడుతుంది. ఈ డివైజ్ 10-మీటర్ల పరిధిని కలిగి ఉంది. కొన్ని నిఫ్టీ టచ్ కంట్రోల్స్‌తో వస్తుంది. మార్షల్ ఎంబెర్టన్ II ధర రూ. 12,998 నుంచి అందుబాటులో ఉంది.
అమెజాన్ ఎకో డాట్ :
ప్రస్తుతం.. స్మార్ట్ స్పీకర్లు, వాయిస్ అసిస్టెంట్ల యుగం నడుస్తోంది. మీ ప్రియమైన వారికి వాయిస్ అసిస్టెంట్‌గా స్పీకర్ లేదా ఏదైనా ఇవ్వాలనుకుంటే.. 5వ జనరేషన్ అమెజాన్ ఎకో డాట్ బహుమ తిగా ఇవ్వొచ్చు. వంటకం, షాపింగ్, టాప్ న్యూస్, ఎప్పటికప్పుడు వాతావరణ అప్‌డేట్‌లను అందుకునేందుకు ఎకో డాట్ అద్భుతంగా సాయపడుతుంది. సౌండ్ క్వాలిటీ విషయానికి వస్తే.. డీప్ బాస్, స్పష్టమైన వాయిస్ అందిస్తుంది. అత్యంత పాపులర్ పొందిన కొన్ని స్ట్రీమింగ్ సర్వీసుల్లో మ్యూజిక్ ప్లే చేయవచ్చు. ఏసీలు, లైట్లు, టీవీల వంటి స్మార్ట్ డివైజ్‌లను కూడా వాయిస్-కంట్రోల్ చేయొచ్చు. అలాగే, ఇంట్లో లైట్లు, ఏసీలను ఆన్ చేయడం, రిమైండర్‌లు, అలారాలను సెట్ చేయడం, హిందీ, ఆంగ్లంలో షాపింగ్ లిస్టులను ట్రాక్ చేయడం వంటి టాస్కులను ఆటోమేట్ చేయగలదు. అమెజాన్ ఎకో డాట్ ధర రూ.4,449తో అందుబాటులో ఉంది.
ఆపిల్ వాచ్ ఎస్ఈ 2వ జనరేషన్ :
ఈ దీపావళికి స్మార్ట్‌వాచ్ అద్భుతమైన గిఫ్ట్.. రూ. 23,990 వద్ద ఆపిల్ వాచ్ ఎస్ఈ (2వ జనరేషన్) చిరస్మరణీయ బహుమతిగా ఉంటుంది. వాచ్ 32జీబీ స్టోరేజ్‌తో వస్తుంది. వాచ్ఓఎస్‌లో రన్ అవుతుంది. ఫిట్‌నెస్ టూల్స్, కనెక్టివిటీ, సేఫ్టీ అప్లికేషన్‌ల వంటి అన్ని అవసరాలను అందిస్తుంది. ఆపిల్ వాచ్ భద్రత కోసం ఫాల్ డిటెక్షన్, క్రాష్ డిటెక్షన్, ఎమర్జెన్సీ ఎస్ఓఎస్‌తో వస్తుంది. హార్ట్ రేట్ మానిటరింగ్ వంటి హెల్త్ ట్రాకింగ్ కూడా కలిగి ఉంది. వినియోగదారులు watchOS10లో స్మార్ట్ స్టాక్ ద్వారా వేగంగా హెల్త్ డేటాను యాక్సెస్ చేయవచ్చు. ఇతర ఆపిల్ డివైజ్‌లతో ఆపిల్ వాచ్ 50-మీటర్ల వాటర్ ప్రూఫ్ రేటింగ్‌తో వస్తుంది.
వన్ప్లస్ నోర్డ్ బడ్స్ 3 :
స్మార్ట్‌ఫోన్‌ల మాదిరిగానే ఇయర్‌బడ్‌లకు ఫుల్ క్రేజ్ ఉంది. ప్రయాణాల్లో ఎక్కువగా ఇయర్‌బడ్స్ వినియోగిస్తుంటారు. వన్ప్లస్ నార్డ్ బడ్స్ 3 అత్యంత సరసమైన టీడబ్ల్యూఎస్ ఆప్షన్లలో ఒకటి. నార్డ్ బడ్స్ 3 12.4ఎమ్ఎమ్ టైటానైజ్డ్ డయాఫ్రాగమ్ డ్రైవర్‌లతో మెరుగైన ఆడియో ఎక్స్‌పీరియన్స్ అందిస్తుంది. డీప్ బాస్, క్లియర్ ట్రెబుల్‌ను అందిస్తాయి. కేవలం రూ. 2,299 ధరతో నార్డ్ బడ్స్ 3 32డీబీ వరకు యాక్టివ్ నాయిస్ క్యాన్సిలేషన్ (ANC)ని అందిస్తుంది. వేగవంతమైన ఛార్జింగ్‌ని అందిస్తుంది. ఎఎన్‌సీ ఆఫ్‌తో మొత్తం 43 గంటల ప్లేబ్యాక్‌తో కేవలం 10 నిమిషాల్లో 11 గంటల ప్లేబ్యాక్‌ను అందిస్తుంది. బ్లూటూత్ 5.4, 94ఎంఎస్ నార్డ్ బడ్స్ 3 గేమింగ్‌కు బెస్ట్ అని చెప్పవచ్చు.
