Gold Price Today : బంగారంకు ఏమైంది.. మళ్లీ గోల్డ్ రేటు ఎందుకు పెరుగుతోంది.. తెలుగు రాష్ట్రాల్లో బంగారం, వెండి ధరలు ఎంత పెరిగాయంటే?
తెలుగు రాష్ట్రాల్లో గురువారం బంగారం ధర పెరిగింది. హైదరాబాద్, విజయవాడ, విశాఖపట్టణంలో 22క్యారట్ల 10 గ్రాముల బంగారం ధర
Gold and Silver Price Today : బంగారం అంటే ఇష్టపడనివారు ఉండరు. అది కేవలం అలంకరణకు ఉపయోగపడే వస్తువేకాదు.. సేఫ్ ఇన్వెస్ట్ మెంట్ కూడా.. దీంతో పేద, ధనిక అనే తేడా లేకుండా బంగారం కొనుగోళ్లకు ప్రజలు ఆసక్తి చూపుతుంటారు. అయితే, గత పదిరోజుల ముందువరకు బంగారం ధరలు ఆకాశమే హద్దుగా పెరిగాయి. దీంతో 10గ్రాముల 24 క్యారెట్ల బంగారం ధర రూ. 75వేలకు చేరింది. ఇటీవల కేంద్ర బడ్జెట్ లో బంగారం, వెండిపై కస్టమ్స్ సుంకాన్ని 6శాతానికి తగ్గించారు. దీంతో బంగారం ధరలు ఒక్కసారిగా తగ్గుముఖం పట్టారు. దీంతో 10గ్రాముల 24 క్యారెట్ల గోల్డ్ రేటు రూ. 60వేల మార్క్ కు చేరింది. పదిరోజులుగా బంగారం ధరలు భారీగా తగ్గుతుండటంతో మధ్య తరగతి ప్రజలుసైతం బంగారం కొనుగోళ్లకు ఆసక్తిచూపారు. మరో రెండుమూడు నెలలపాటు బంగారం, వెండి ధరలు తగ్గుతాయని నిపుణులుసైతం అంచనా వేశారు.
అయితే, గత రెండు రోజులుగా ఉన్నట్లుండి బంగారం, వెండి ధరలు భారీగా పెరుగుతున్నాయి. బుధవారం 10గ్రాముల 24 క్యారెట్ల గోల్డ్ పై రూ. 870పెరగగా.. గురువారం రూ.540 పెరిగింది. వెండి ధరసైతం పెరుగుతుంది. బుధవారం కిలో వెండిపై రూ. 2వేలు పెరగ్గా.. ఇవాళ రూ. 700 పెరిగింది. దీంతో మళ్లీ బంగారం, వెండి ధరలు పెరుగుతుండటంతో కొనుగోలుదారులు ఆందోళన చెందుతున్నారు. అయితే, బంగారం, వెండి ధరలు పెరుగుదల ఇలానే కొనసాగుతుందా.. మళ్లీ తగ్గుముఖం పడతాయా అనే విషయంపై నిపుణులుసైతం సరియైన అంచనా వేయలేక పోతున్నారు. ఈ నేపథ్యంలో ఇవాళ తెలుగు రాష్ట్రాలతోపాటు దేశంలోని ప్రధాన నగరాల్లో బంగారం, వెండి ధరలు ఎలా ఉన్నాయో ఓసారి పరిశీలిద్దాం..
- తెలుగు రాష్ట్రాల్లో ధరలు ఇలా ..
తెలుగు రాష్ట్రాల్లో గురువారం బంగారం ధర పెరిగింది. హైదరాబాద్, విజయవాడ, విశాఖపట్టణంలో 22క్యారట్ల 10 గ్రాముల బంగారం ధర రూ.64,500 కాగా.. 10గ్రాముల 24క్యారట్ల గోల్డ్ ధర రూ.70,360.
- దేశంలోని ప్రధాన నగరాల్లో ..
దేశ రాజధాని ఢిల్లీలో 22క్యారట్ల 10గ్రాముల బంగారం ధర రూ.64,650 కాగా, 24క్యారట్ల 10 గ్రాములు బంగారం రూ. 70,510.
ముంబయి, కోల్ కతా, బెంగళూరు నగరాల్లో.. 22క్యారట్ల 10గ్రాముల గోల్డ్ ధర రూ.64,500 కాగా, 24క్యారట్ల 10గ్రాముల బంగారం ధర రూ. 70,360.
చెన్నైలో 22 క్యారట్ల 10 గ్రాముల బంగారం ధర రూ.64,300 కాగా.. 24క్యారెట్ల గోల్డ్ ధర రూ. 70,150కు చేరింది.
- వెండి ధర ఇలా ..
దేశ వ్యాప్తంగా గురువారం వెండి ధర పెరిగింది. ఉదయం నమోదైన వివరాల ప్రకారం..
తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంలలో కిలో వెండి రూ. 91,700.
దేశంలోని ప్రధాన నగరాల్లో వెండి ధరలను పరిశీలిస్తే..
చెన్నైలో కిలో వెండి ధర రూ.97,000.
కోల్ కతాలో కిలో వెండి ధర రూ. 87,100 వద్ద కొనసాగుతుంది.
ముంబయి, ఢిల్లీ ప్రాంతాల్లో కిలో వెండి ధర రూ.87,100.
బెంగళూరులో కిలో వెండిపై రూ.1500 పెరిగింది. దీంతో అక్కడ కిలో వెండి ధర రూ. 85,500 వద్ద కొనసాగుతుంది.
- పైన పేర్కొన్న బంగారం, వెండి ధరలు ఉదయం 10 గంటలకు నమోదైనవి. ప్రాంతాల వారిగా గోల్డ్, సిల్వర్ ధరలు మారుతుంటాయి. అందువల్ల బంగారం కొనుగోలు చేసే సమయంలో ఆ సమయానికి ప్రత్యక్ష ధరలను ట్రాక్ చేస్తే కచ్చితమైన ధర నిర్ధారణ చేసుకోవచ్చు.