Gold Rate : బంగారం కొనుగోలుదారులకు గుడ్ న్యూస్.. రూ.3వేలు తగ్గిన గోల్డ్ రేటు.. పూర్తి వివరాలు ఇలా..

తెలుగు రాష్ట్రాల్లో శనివారం బంగారం ధర స్థిరంగా కొనసాగుతుంది. ఉదయం నమోదైన వివరాల ప్రకారం.. హైదరాబాద్, విజయవాడ, విశాఖప‌ట్ట‌ణంలో ..

Gold and Silver Rate Today : గ్లోబల్ మార్కెట్లో ఆకాశమే హద్దుగా దూసుకెళ్తున్న బంగారం ధరలకు బిగ్ బ్రేక్ పడింది. గత నాలుగు రోజుల నుంచి గోల్డ్ ధరలు భారీగా తగ్గుతూ వస్తున్నాయి. అమెరికాలో ఎన్నికలు ముగిసే వరకు వర్డీ రేట్లు తగ్గించకపోవచ్చునన్న అంచనాలు ఏర్పడటంతో, అంతర్జాతీయంగా బంగారం – వెండిలోకి పెట్టుబడులు నెమ్మదించినట్లు మార్కెట్ నిపుణులు పేర్కొంటున్నారు. మరికొద్ది రోజులు బంగారం ధరల్లో తగ్గుదల కొనసాగే అవకాశం ఉన్నట్లు తెలుస్తోంది. ఇదిలాఉంటే హైదరాబాద్ మార్కెట్ లో గత ఐదు రోజుల్లో 24 క్యారెట్ల బంగారంపై సుమారు 3వేలు తగ్గింది.

 

• తెలుగు రాష్ట్రాల్లో ధరలు ఇలా ..
  తెలుగు రాష్ట్రాల్లో శనివారం బంగారం ధర స్థిరంగా కొనసాగుతుంది. ఉదయం నమోదైన వివరాల ప్రకారం.. హైదరాబాద్, విజయవాడ, విశాఖప‌ట్ట‌ణంలో 22క్యారట్ల 10 గ్రాముల బంగారం ధర రూ.66,400కాగా.. 10గ్రాముల 24క్యారట్ల గోల్డ్ ధర రూ.72,440.
• దేశంలోని ప్రధాన నగరాల్లో ..
  దేశ రాజధాని ఢిల్లీలో 22క్యారట్ల 10గ్రాముల బంగారం ధర రూ.66,550 కాగా, 24క్యారట్ల 10 గ్రాములు బంగారం రూ. 72,590.
  ముంబయి, కోల్ కతా, బెంగళూరు నగరాల్లో.. 22క్యారట్ల 10గ్రాముల గోల్డ్ ధర రూ.66,400 కాగా, 24క్యారట్ల 10గ్రాముల బంగారం ధర రూ. 72,440.
  చెన్నైలో బంగారం ధర పెరిగింది. 10గ్రాముల 24 క్యారెట్ల గోల్డ్ పై రూ. 50పెరిగింది. దీంతో అక్కడ 22క్యారెట్ల 10 గ్రాముల గోల్డ్ ధర రూ.66,550 కాగా.. 24క్యారెట్ల గోల్డ్ ధర రూ.72,600.
• వెండి ధర ఇలా ..
  దేశ వ్యాప్తంగా వెండి ధర భారీగా తగ్గింది. శనివారం ఉదయం నమోదైన వివరాల ప్రకారం.
  తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంలలో కిలో వెండి రూ.96,000
  దేశంలోని ప్రధాన నగరాల్లో వెండి ధరలను పరిశీలిస్తే.. చెన్నైలో కిలో వెండి రూ.96,000.
  కోల్ కతా, ముంబయి, ఢిల్లీ ప్రాంతాల్లో కిలో వెండి ధర రూ.91,500.
  బెంగళూరులో మాత్రం వెండి ధరలో ఎలాంటి మార్పులు చోటుచేసుకోలేదు. దీంతో అక్కడ కిలో వెండి ధర రూ. 92,500 కు చేరింది.

 

• పైన పేర్కొన్న బంగారం, వెండి ధరలు ఉదయం 10 గంటలకు నమోదైనవి. ప్రాంతాల వారిగా గోల్డ్, సిల్వర్ ధరలు మారుతుంటాయి. అందువల్ల బంగారం కొనుగోలు చేసే సమయంలో ఆ సమయానికి ప్రత్యక్ష ధరలను ట్రాక్ చేస్తే కచ్చితమైన ధర నిర్ధారణ చేసుకోవచ్చు.