RBI Rate Cut: ఇది జరిగితే లోన్లు తీసుకున్న వాళ్లు, తీసుకునే వాళ్లకు పండగే.. ఆర్బీఐ కీలక నిర్ణయం తీసుకోబోతుందా?

చాలా బ్యాంకులు వాటి రెపో-లింక్డ్ ఎక్స్‌టర్నల్ బెంచ్‌ మార్క్ ఆధారిత రుణ రేట్లు (EBLRలు), నిధుల ఆధారిత రుణ రేటు మార్జినల్ కాస్ట్ (MCLR)లను తగ్గించాయి.

RBI

RBI Rate Cut: రిజర్వ్ బ్యాంక్ ఆఫ్ ఇండియా మానిటరీ పాలసీ కమిటీ జూన్ 4 నుంచి 6 వరకు సమావేశం కానుంది. దీంతో అందరి చూపు దీనిపై పడింది. కీలక వడ్డీ రేటు విషయంలో ఆర్బీఐ ఎలాంటి నిర్ణయం తీసుకుంటుందో అనే ఆసక్తి నెలకొంది. కాగా, ఆర్బీఐ.. వరుసగా మూడోసారి కీలక వడ్డీ రేటు (రెపో)ను 25 బేసిస్ పాయింట్లు తగ్గించే అవకాశం ఉందనే అంచనాలు వ్యక్తమవుతున్నాయి. ఇదే జరిగితే లోన్లు తీసుకున్న వాళ్లకు, తీసుకునే వాళ్లకు పండగే అని చెప్పొచ్చు. ప్రపంచ ఆర్థిక అనిశ్చితుల మధ్య వృద్ధిని ప్రోత్సహించే ప్రయత్నాల్లో భాగంగా కీలక వడ్డీ రేటు(రెపో)ను తగ్గిస్తూ ఆర్బీఐ నిర్ణయం తీసుకునే అవకాశం ఉండొచ్చంటున్నారు. ఫిబ్రవరి, ఏప్రిల్ నెలల్లో ఆర్‌బిఐ రెపో రేటును 25 బేసిస్ పాయింట్లు తగ్గించి 6%కి తగ్గించిన విషయం తెలిసిందే.

ప్రపంచ ఆర్థిక అనిశ్చితుల మధ్య వృద్ధిని ప్రోత్సహించే లక్ష్యంతో రిజర్వ్ బ్యాంక్ ఆఫ్ ఇండియా (RBI) వరుసగా మూడవసారి రెపో రేటును 25 బేసిస్ పాయింట్లు తగ్గించే అవకాశం ఉంది. ద్రవ్యోల్బణం 4% లక్ష్యం కంటే తక్కువగా ఉండటంతో, ద్రవ్య విధాన కమిటీ (MPC) ద్రవ్య విధానాన్ని సులభతరం చేస్తుందని నిపుణులు భావిస్తున్నారు.

అమెరికా సుంకాల చర్యల వల్ల ఏర్పడిన ప్రపంచ అనిశ్చితి కారణంగా ద్రవ్యోల్బణం సగటు లక్ష్యం 4 శాతం కంటే తక్కువగా ఉంది. దీంతో శుక్రవారం రిజర్వ్ బ్యాంక్ వరుసగా మూడోసారి 25 బేసిస్ పాయింట్ల రేటు కోతకు వెళ్లే అవకాశం ఉంది. రిజర్వ్ బ్యాంక్ రేట్-సెట్టింగ్ ప్యానెల్ మానిటరీ పాలసీ కమిటీ (MPC) జూన్ 4న తదుపరి ద్వైమాసిక ద్రవ్య విధానంపై చర్చలు ప్రారంభించి జూన్ 6న నిర్ణయాన్ని ప్రకటిస్తుంది.

ఫిబ్రవరి, ఏప్రిల్ నెలల్లో ఆర్‌బిఐ కీలక వడ్డీ రేటు (రెపో)ను 25 బేసిస్ పాయింట్లు తగ్గించి 6 శాతానికి తగ్గించింది. ఆర్బీఐ గవర్నర్ సంజయ్ మల్హోత్రా నేతృత్వంలోని ఆరుగురు సభ్యుల ఎంపిసి కూడా ఏప్రిల్ పాలసీలో తటస్థ వైఖరిని నుండి అనుకూలమైన వైఖరికి మార్చాలని నిర్ణయించింది.

ఫిబ్రవరి 2025 నుండి పాలసీ రెపో రేటులో 50 bps తగ్గింపునకు ప్రతిస్పందనగా.. చాలా బ్యాంకులు వాటి రెపో-లింక్డ్ ఎక్స్‌టర్నల్ బెంచ్‌ మార్క్ ఆధారిత రుణ రేట్లు (EBLRలు), నిధుల ఆధారిత రుణ రేటు మార్జినల్ కాస్ట్ (MCLR)లను తగ్గించాయి.

Also Read: వాటే థాట్.. మైండ్ బ్లోయింగ్.. జగన్నాథుడి రథానికి రష్యా సుఖోయ్ ఫైటర్ జెట్ టైర్లు..

”ద్రవ్యోల్బణ పరిస్థితులను RBI వివిధ చర్యల ద్వారా సౌకర్యవంతంగా మార్చబడినందున MPC జూన్ 6న రెపో రేటులో 25 బేసిస్ పాయింట్ల కోతకు అంగీకరిస్తుందని మేము విశ్వసిస్తున్నాము. వృద్ధి, ద్రవ్యోల్బణంకు సంబంధించి సవరణలు జరుగుతాయని అంచనా వేస్తున్నాముయి” అని బ్యాంక్ ఆఫ్ బరోడా చీఫ్ ఎకనామిస్ట్ మదన్ సబ్నావిస్ అన్నారు. అమెరికా సుంకాల మినహాయింపు జూలైలో ముగియనుంది. దానికి తోడు ప్రపంచ పర్యావరణం భారత ఆర్థిక వ్యవస్థను ఎలా ప్రభావితం చేస్తుందనే దానిపై ఆర్‌బిఐ తన విశ్లేషణను వివరంగా చెబుతుందని ఆయన ఆశించారు.

ఈ ఆర్థిక సంవత్సరంలో ఎక్కువ భాగం CPI ద్రవ్యోల్బణం 4 శాతం దిగువన ఉంటుందని అంచనా వేసినందున, MPC ద్వారా ద్రవ్య సడలింపు కొనసాగే అవకాశం ఉందని ICRA చీఫ్ ఎకనామిస్ట్ అదితి నాయర్ అన్నారు. ”వచ్చే వారం 25 బేసిస్ పాయింట్ల రేటు తగ్గింపు ఉంటుందని, ఆ తర్వాత జరిగిన రెండు పాలసీ సమీక్షల్లో మరో రెండు కోతలు ఉంటాయని, ఈ సైకిల్ ముగిసే సమయానికి రెపో రేటు 5.25 శాతానికి చేరుకుంటుందని” అంచనా వేశారు.