Samsung Galaxy M35 5G : శాంసంగ్ గెలాక్సీ M35 5Gపై బిగ్ డిస్కౌంట్.. జస్ట్ రూ. 796 EMIతో ఇంటికి తెచ్చుకోవచ్చు!
Samsung Galaxy M35 5G : శాంసంగ్ గెలాక్సీ M35 5G ఫోన్ డిస్కౌంట్ ధర లభిస్తోంది. మూడు స్టోరేజీ వేరియంట్ల ధరలు ఇలా ఉన్నాయి..
- Published By: 10TV Digital Team ,Published On : August 17, 2025 / 01:11 PM IST
Samsung Galaxy M35 5G
Samsung Galaxy M35 5G : కొత్త శాంసంగ్ ఫోన్ కొంటున్నారా? శాంసంగ్ గెలాక్సీ M35 5G ధర భారీగా తగ్గింది. గత ఏడాదిలో లాంచ్ అయిన ఈ ఫోన్ అతి (Samsung Galaxy M35 5G) తక్కువ ధరకే లభిస్తోంది. ఇటీవలే శాంసంగ్ గెలాక్సీ M36 5G లాంచ్ కాగా, అదే సమయంలో ఈ ఫోన్ ధర కూడా తగ్గింది.
ఇప్పుడు, అమెజాన్‌లో ఫ్రీడమ్ సేల్ సందర్భంగా సరసమైన ధరకే కొనుగోలు చేయొచ్చు. లాంచ్ ధరలో రూ. 9వేల వరకు తగ్గింపుతో పొందవచ్చు. ఈ శాంసంగ్ ఫోన్ గరిష్టంగా 8GB ర్యామ్, 256GB స్టోరేజ్‌తో వస్తుంది.
శాంసంగ్ గెలాక్సీ M35 5G ధర తగ్గింపు :
శాంసంగ్ గెలాక్సీ M35 5G ఫోన్ 3 స్టోరేజ్ (Samsung Galaxy M35 5G) వేరియంట్లలో లభిస్తుంది.
- 6GB ర్యామ్ + 128GB ప్రారంభ ధర రూ. 18,999
- 8GB ర్యామ్ + 128GB ధర రూ. 16,499
- 8GB ర్యామ్ + 256GB ధర రూ. 26,999
- శాంసంగ్ ఫోన్ ప్రారంభ ధర రూ.24,499.
మీరు ఈ ఫోన్ మూన్‌లైట్ బ్లూ, డేబ్రేక్ బ్లూ, థండర్ గ్రే అనే 3 కలర్ ఆప్షన్లలో కొనుగోలు చేయవచ్చు. అదనపు బ్యాంక్ డిస్కౌంట్లు, నో-కాస్ట్ ఈఎంఐ ఆప్షన్లు, ఎక్స్ఛేంజ్ ఆఫర్‌లు కూడా అందుబాటులో ఉన్నాయి. ఉదాహరణకు.. మీరు 8GB వేరియంట్‌ రూ. 796 కన్నా తక్కువ ఈఎంఐతో ఇంటికి తెచ్చుకోవచ్చు.
శాంసంగ్ గెలాక్సీ M35 5G ఫీచర్లు :
ఈ గెలాక్సీ M35 5G ఫోన్ (Samsung Galaxy M35 5G) 6.6-అంగుళాల FHD+ సూపర్ అమోల్డ్ డిస్‌ప్లే, 120Hz హై రిఫ్రెష్ రేట్, 1000 నిట్స్ వరకు గరిష్ట బ్రైట్‌నెస్‌ను కలిగి ఉంది. శాంసంగ్ గెలాక్సీ ఇన్-హౌస్ ఎక్సినోస్ 1380 ప్రాసెసర్ ద్వారా పవర్ పొందుతుంది. 8GB వరకు ర్యామ్, 256GB ఇంటర్నల్ స్టోరేజీతో వస్తుంది. ఫొటోగ్రఫీ విషయానికి వస్తే.. ఫోన్ ట్రిపుల్ రియర్ కెమెరా సెటప్‌ను కలిగి ఉంది. 50MP మెయిన్ కెమెరా, 8MP అల్ట్రా-వైడ్ కెమెరా, 2MP మాక్రో కెమెరా కూడా పొందవచ్చు.
సెల్ఫీలు, వీడియో కాల్స్ కోసం 13MP ఫ్రంట్ కెమెరా ఉంది. ఈ శాంసంగ్ ఫోన్ 6,000mAh బ్యాటరీతో 25W USB టైప్-C ఫాస్ట్ ఛార్జింగ్‌కు సపోర్టు ఇస్తుంది. ఆండ్రాయిడ్ 14 ఆధారంగా OneUI 6పై రన్ అవుతుంది. శాంసంగ్ గెలాక్సీ ఫ్లాగ్‌షిప్ స్మార్ట్‌ఫోన్‌ల మాదిరిగానే గూగుల్ జెమిని ఆధారిత గెలాక్సీ ఏఐ ఫీచర్లను కలిగి ఉంటుంది.
