Agniveer Vayu Jobs: 17 ఏళ్లకే అగ్నివీర్ వాయు జాబ్స్.. రూ.30 వేలు జీతం.. నోటిఫికేషన్ విడుదల.. పూర్తి వివరాలు మీకోసం
Agniveer Vayu Jobs: నిరుద్యోగ యువతకు భారత వైమానిక దళం గుడ్ న్యూస్ చెప్పింది. అగ్నివీర్ వాయు రిక్రూట్‌మెంట్ కోసం నోటిఫికేషన్‌ను విడుదల చేసింది.
- Published By: 10TV Digital Team ,Published On : July 8, 2025 / 03:47 PM IST
Agniveer varu jobs recruitment started
నిరుద్యోగ యువతకు భారత వైమానిక దళం గుడ్ న్యూస్ చెప్పింది. అగ్నివీర్ వాయు రిక్రూట్‌మెంట్ కోసం నోటిఫికేషన్‌ను విడుదల చేసింది. ఈ పోస్టులకు సంబంధించి ఆన్‌లైన్ దరఖాస్తు ప్రక్రియ జూలై 11 నుంచి మొదలై జూలై 31, 2025న ముగియనుంది. సెప్టెంబర్ 25న పరీక్ష నిర్వహిస్తారు.
వయస్సు పరిమితి:
ఈ పోస్టులకు దరఖాస్తు చేసుకునే అభ్యర్థుల కనిష్ట వయస్సు 17.5 సంవత్సరాలు ఉండాలి. గరిష్ట వయస్సు 21 సంవత్సరాలు మించకూడదు.అభ్యర్థులు జూలై 2, 2005 నుంచి జనవరి 2, 2009 మధ్య జన్మించిన వారై ఉండాలి.
విద్యార్హతలు:
ఈ జాబ్స్ కోసం దరఖాస్తు చేసుకునే అభ్యర్థులు 10+2 (ఇంటర్మీడియట్)లో గణితం, ఫిజిక్స్, ఇంగ్లీష్ సబ్జెక్టులతో ఉత్తీర్ణత సాధించి ఉండాలి. లేదా డిప్లొమా ఇన్ ఇంజనీరింగ్ (మెకానికల్/ఎలక్ట్రానిక్స్/ఎలక్ట్రికల్/ఆటోమొబైల్/కంప్యూటర్ సైన్స్/ఇన్‌స్ట్రుమెంటేషన్ టెక్నాలజీ) పూర్తి చేయాలి. లేదా ఐటీలో 3 సంవత్సరాల డిప్లొమాలో ఉత్తీర్ణత సాధించి ఉండాలి. ఒకవేళ వొకేషనల్ కోర్సు చేసుంటే ఫిజిక్స్, గణితం నాన్-వొకేషనల్ సబ్జెక్టులుగా ఉన్న 2 సంవత్సరాల వొకేషనల్ కోర్సు పూర్తి చేయాల్సి ఉంటుంది.
దరఖాస్తు రుసుము: జనరల్, ఓబీసీ, ఈడబ్ల్యూఎస్, ఎస్సీ, ఎస్టీ అభ్యర్థులు ఎవరైనా రూ.550 చెల్లించాల్సి ఉంటుంది.
ఎంపిక విధానం:
- అగ్నివీర్ వాయు రిక్రూట్‌మెంట్ ప్రక్రియలో అభ్యర్థులకు ముందుగా ఆన్‌లైన్ రాత పరీక్ష ఉంటుంది.
- పరీక్షలో ఉత్తీర్ణత సాధించిన వారికి ఫిజికల్ ఫిట్‌నెస్ టెస్ట్ ఉంటుంది.
- అనంతరం అడాప్టబిలిటీ టెస్ట్ I: మానసిక సామర్థ్యం పరీక్ష
- అడాప్టబిలిటీ టెస్ట్ II: సమూహ చర్చలు, ఇతర పరీక్షలు
- తరువాత మెడికల్ ఎగ్జామినేషన్ ఉంటుంది
- పైన తెలిపిన అన్ని దశలలో కనబరిచిన మెరిట్ ఆధారంగా తుది ఎంపిక జరుగుతుంది.
వేతన వివరాలు:
ఈ పోస్టులకు ఎంపికైన అభ్యర్థులకు మొదటి ఏడాది నెలకు రూ.30 వేలు, రెండో ఏడాది రూ.33 వేలు, మూడో ఏడాది రూ.36,500, నాలుగో ఏడాది రూ.40 వేలు జీతంగా అందిస్తారు.
