RRB Recruitment 2025: రైల్వేలో ఉద్యోగాలు.. 6180 పోస్టులకు నోటిఫికేషన్.. లాస్ట్ డేట్, దరఖాస్తు, అర్హత, పూర్తి వివరాలు
RRB Recruitment 2025: రైల్వే రిక్రూట్‌మెంట్ బోర్డు (RRB) టెక్నీషియన్ రిక్రూట్‌మెంట్ 2025 నోటిఫికేషన్ ను విడుదల చేసింది. దీని ద్వారా దేశవ్యాప్తంగా ఉన్న 6,180 ఖాళీలను భర్తీ చేయనున్నారు.
- Published By: 10TV Digital Team ,Published On : July 21, 2025 / 12:19 PM IST
Railway Recruitment Board has released a notification for 6180 posts.
భారతీయ రైల్వేలో ఉద్యోగం చేయాలనుకుంటున్నారా. అయితే ఈ గుడ్ న్యూస్ మీకోసమే. రైల్వే రిక్రూట్‌మెంట్ బోర్డు (RRB) టెక్నీషియన్ రిక్రూట్‌మెంట్ 2025 నోటిఫికేషన్ ను విడుదల చేసింది. దీని ద్వారా దేశవ్యాప్తంగా ఉన్న 6,180 ఖాళీలను భర్తీ చేయనున్నారు. వీటిలో టెక్నీషియన్ గ్రేడ్ 1 సిగ్నల్ పోస్టులు 180, టెక్నీషియన్ గ్రేడ్ 3 పోస్టులు 6,000 ఉన్నాయి. దీనికి సంబందించిన ఆన్‌లైన్ దరఖాస్తు ప్రక్రియ ఇప్పటికే మొదలవగా జూలై 28తో ముగియనుంది. అర్హత, ఆసక్తి కలిగిన అభ్యర్థులు అధికారిక పోర్టల్ rrbapply.gov.in ద్వారా అప్లై చేసుకోవచ్చు.
విద్యార్హత:
టెక్నీషియన్ గ్రేడ్ 1 సిగ్నల్ పోస్టులకు దరఖాస్తు చేసుకునే వారు ఫిజిక్స్, ఎలక్ట్రానిక్స్, కంప్యూటర్ సైన్స్, IT, ఇన్‌స్ట్రుమెంటేషన్‌లో B.Sc. లేదా సంబంధిత రంగాలలో డిప్లొమా/ఇంజనీరింగ్ డిగ్రీ పూర్తి చేయాల్సి వస్తుంది.
టెక్నీషియన్ గ్రేడ్ 3 పోస్టులకు దరఖాస్తు చేసుకునే వారు సంబంధిత ట్రేడ్‌లో ITI లేదా అప్రెంటిస్‌షిప్‌తో 10వ తరగతి పూర్తి చేయాల్సి ఉంటుంది.
వయోపరిమితి:
గ్రేడ్ 1 ఉగ్యోగల కోసం అభ్యర్థుల వయసు 18 నుంచి 33 సంవత్సరాల మధ్యలో ఉండాలి. గ్రేడ్ 3 ఉగ్యోగల కోసం అభ్యర్థుల వయసు 18 నుంచి 30 సంవత్సరాల మధ్యలో ఉండాలి. రిజర్వ్డ్ కేటగిరీలకు ప్రభుత్వ నిబంధనల ప్రకారం వయస్సు సడలింపు ఉంటుంది.
దరఖాస్తు ఇలా చేసుకోండి:
- అభ్యర్థులు అధికారిక వెబ్ సైట్ rrbapply.gov.in లోకి వెళ్ళాలి
- అందులో రైల్వే రిక్రూట్‌మెంట్ బోర్డు ఆప్షన్ పై క్లిక్ చేయాలి
- ఆ తరువాత కొత్త రిజిస్ట్రేషన్ లింక్‌పై క్లిక్ చేయాలి
- అక్కడ పేరు, మొబైల్ నంబర్ ప్రాథమిక వివరాలను ఎంటర్ చేయాలి
- రిజిస్ట్రేషన్ ఐడి, పాస్‌వర్డ్ జనరేట్ అవుతుంది.
- వాటితో లాగిన్ అవ్వాలి.
- వ్యక్తిగత, విద్యా సమాచారం ఎంటర్ చేయాలి.
- ఫైనల్ గా సబ్మిట్ బటన్ పై క్లిక్ చేసి ఫారంను సేవ్ చేసుకోవాలి.
