Assembly Elections 2023: ఆ స్థానాలపై కన్నేసిన బీఎస్పీ.. కాంగ్రెస్, బీజేపీలను గట్టిగానే టార్గెట్ చేసిన మాయావతి
మధ్యప్రదేశ్‌లోని ఈ ప్రాంతాల్లో బహుజన్ సమాజ్ పార్టీ అత్యధిక సంఖ్యలో అభ్యర్థులను నిలబెట్టింది. వారిలో ఎక్కువ మంది కాంగ్రెస్, బీజేపీల రెబల్స్ అభ్యర్థులే. బీఎస్పీ అధినేత్రి మాయావతి కూడా ఈ ప్రాంతాల్లో పర్యటించి బలాన్ని పెంచుకునేందుకు ప్రయత్నిస్తున్నారు
- Published By: 10TV Digital Team ,Published On : October 30, 2023 / 04:30 PM IST
BSP chief Mayawati: మధ్యప్రదేశ్ అసెంబ్లీ ఎన్నికల తొలిదశలో బలహీనంగా, ప్రశాంతంగా కనిపించిన బహుజన్ సమాజ్ పార్టీ తన వ్యూహాలకు పదును పెడుతోంది. ఆ పార్టీ ప్రధానంగా ఉత్తరప్రదేశ్ సరిహద్దు స్థానాలపై ఉంది. బీఎస్పీ చీఫ్ మాయావతి ఈ ప్రాంతాల్లోనే తొమ్మిది బహిరంగ సభలు నిర్వహించనుండడం ఇందుకు పెద్ద ఉదాహరణ.
మధ్యప్రదేశ్‌లోని గ్వాలియర్-చంబల్, బుందేల్‌ఖండ్, వింధ్య ప్రాంతం ఉత్తరప్రదేశ్ తో సరిహద్దు పంచుకునే ప్రాంతాలు. ఇక్కడ దళితులు, గిరిజనులు, వెనుకబడిన తరగతుల ఓటర్లు నిర్ణయాత్మకంగా ఉంటాయి. ఈ ప్రాంతంలోని ఓటర్లు అటు ఎస్పీకి ఇటు బీఎస్పీ ఓటు బ్యాంకు కావడంతో తమ బలాన్ని పెంచుకునేందుకు ఇరు పార్టీలు గట్టి ప్రయత్నాలే చేస్తున్నాయి. ఈ రెండు పార్టీలు ఈ ప్రాంతాల్లోనే పెద్ద సంఖ్యలో అభ్యర్థులను నిలబెట్టాయి.
కాంగ్రెస్, బీజేపీల నుంచి రెబల్స్‌ను రంగంలోకి దింపిన బీఎస్పీ
మధ్యప్రదేశ్‌లోని ఈ ప్రాంతాల్లో బహుజన్ సమాజ్ పార్టీ అత్యధిక సంఖ్యలో అభ్యర్థులను నిలబెట్టింది. వారిలో ఎక్కువ మంది కాంగ్రెస్, బీజేపీల రెబల్స్ అభ్యర్థులే. బీఎస్పీ అధినేత్రి మాయావతి కూడా ఈ ప్రాంతాల్లో పర్యటించి బలాన్ని పెంచుకునేందుకు ప్రయత్నిస్తున్నారు. మాయావతి రానున్న రోజుల్లో తొమ్మిది బహిరంగ సభల్లో ప్రసంగించనున్నారు.
ఈ బహిరంగ సభలు అశోక్ నగర్, దతియా, భింద్, గ్వాలియర్-చంబల్‌లోని మోరీనా, సాగర్, దామోహ్, ఛతర్‌పూర్, బుందేల్‌ఖండ్‌లోని నివారిలో ఉన్నాయి. మాయావతి బహిరంగ సభలు వింధ్య ప్రాంతంలోని సత్నా, రేవా జిల్లాల్లో కూడా ఉండనున్నాయి. ఉత్తరప్రదేశ్ సరిహద్దులో ఉన్న అసెంబ్లీ నియోజకవర్గాల్లో ఎన్నికల ఫలితాలపై బీఎస్పీ గణనీయమైన ప్రభావాన్ని చూపుతుంది. ఇక్కడ దాదాపు 40 సీట్లు ఉన్నాయి. మధ్యప్రదేశ్‌లో నవంబర్ 17న పోలింగ్ జరగనుంది. లెక్కింపు డిసెంబర్ 3న జరిగి అదే రోజు ఫలితాలు రానున్నాయి.
