Muscle Cramps : రాత్రిసమయంలో కండరాల తిమ్మిరి,పట్టుకుపోవటం వంటి సమస్యలతో బాధపడుతున్నారా ? సమస్యను తగ్గించే అద్భుతమైన ఆహారాలు మీకోసం !

మెగ్నీషియం సమృద్ధిగా ఉన్న ఆహారాలలో గింజలు , విత్తనాలు ప్రధానమైనవి. కండరాల ఆరోగ్యానికి ,కండరాల నొప్పిని తగ్గించడానికి ఇవి బాగా ఉపకరిస్తాయి. బాదం, వేరుశెనగ మరియు పొద్దుతిరుగుడు విత్తనాల్లో మెగ్నీషియం అధికంగా ఉంటుంది.

Muscle Cramps : కండరాల నొప్పి వివిధ కారణాల వల్ల వస్లుంది. శారీరక శ్రమ, నిశ్చల జీవనశైలి, ఒత్తిడి, ఒకే భంగిమలో కూర్చోవటం వంటి అంశాలు దీనికి కారణమవుతాయి. కండరాల తిమ్మిరి చాలా బాధకలిగిస్తుంది. కొన్ని మందులు, అనారోగ్య సమస్యలు కండరాల తిమ్మిరికి కారణమవుతాయి. కండరాల తిమ్మిరి సాధారణంగా హానికరం కాకపోయినా స్వీయ-సంరక్షణ చర్యలు చేపట్టాల్సిన అవసరం ఉంది.

READ ALSO : Dengue Cases : డెంగ్యూ కేసులు ఎందుకు తీవ్రమవుతున్నాయి?

కండరాల తిమ్మిర్లు సాధారణంగా వాటంతట అవే తగ్గిపోతాయి. వైద్య చికిత్స అవసరం ఉండదు. అయితే, కాలు వాపు, చర్మం రంగు మారటం, కండరాల బలహీనత వల్ల వస్తాయి. స్వీయ సంరక్షణతో అనగా చురుకుగా ఉండటం, కూర్చునే విధానాన్ని మార్చుకోవటం, హైడ్రేటెడ్ గా ఉండటం వంటి నివారణ చర్యలు కండరాల నొప్పులను తగ్గించడంలో సహాయపడతాయి, అసౌకర్యాన్ని తగ్గించడంలో సహాయపడే ఆహారాలు కూడా ఉన్నాయి.

READ ALSO : Sabja Seeds : కండరాలు, ఎముకలను బలోపేతం చేయటంతోపాటు, దీర్ఘకాలిక వ్యాధులను నివారించే సబ్జా గింజలు!

కండరాల తిమ్మిరిని తగ్గించే ఆహారాలు ;

అరటిపండ్లు: పొటాషియం పుష్కలంగా, అరటిపండ్లు కండరాలు బాగా పని చేయడానికి మరియు తిమ్మిరిని నివారించడానికి వీటిని తీసుకోవటం వల్ల మేలు కలుగుతుంది.

చిలగడదుంపలు: పొటాషియం అధికంగా ఉండటం వల్ల, తియ్యటి బంగాళదుంపలు కండరాల తిమ్మిరి నివారణలో సహాయపడతాయి.

READ ALSO : Dhanurasana : ధనురాసనంతో కండరాలు బలోపేతం

నారింజ: వీటిలో పొటాషియం ఎక్కువగా ఉంటుంది. కండరాల తిమ్మిరి వచ్చే అవకాశాలను తగ్గిస్తుంది. కండరాలను ఆరోగ్యంగా ఉంచుతుంది. అంతేకాకుండా, ఇది హైడ్రేటెడ్‌గా ఉండటానికి సహాయపడుతుంది. తిమ్మిరిని తగ్గించటానికి మరొక మార్గం.

బచ్చలికూర: బచ్చలికూర మెగ్నీషియానికి మంచి మూలం, ఇది కండరాల పనితీరులో కీలక పాత్ర పోషిస్తుంది. బచ్చలికూర వంటి ఆహారాల ద్వారా తగినంత మెగ్నీషియం తీసుకోవడం కండరాల ఆరోగ్యానికి తోడ్పడుతుంది. కండరాల నొప్పి, తిమ్మిరిని తగ్గిస్తుంది.

READ ALSO : Stress Cause Diabetes : ఒత్తిడి మధుమేహానికి కారణమవుతుందా?

గింజలు, ధాన్యాలు : మెగ్నీషియం సమృద్ధిగా ఉన్న ఆహారాలలో గింజలు , విత్తనాలు ప్రధానమైనవి. కండరాల ఆరోగ్యానికి ,కండరాల నొప్పిని తగ్గించడానికి ఇవి బాగా ఉపకరిస్తాయి. బాదం, వేరుశెనగ మరియు పొద్దుతిరుగుడు విత్తనాల్లో మెగ్నీషియం అధికంగా ఉంటుంది. ఇవి కండరాల తిమ్మిరిని నివారించడంలో సహాయపడతాయి.

సాల్మన్ చేప : ఒమేగా-3 కొవ్వు ఆమ్లాల కారణంగా, సాల్మన్ కండరాల నొప్పిని నయం చేయడంలో సహాయపడుతుంది. కండరాల నొప్పి అనేది వ్యాయామం తర్వాత చాలా మంది ఎదుర్కొనే సమస్య. ఒమేగా -3 కొవ్వు ఆమ్లాలు ఈ అసౌకర్యాన్ని తగ్గించడంలో సహాయపడతాయి. సమతుల్య ఆహారంలో భాగంగా సాల్మన్ చేపలు తీసుకోవటం వల్ల కండరాల నొప్పిని తగ్గించడానికి, మొత్తం కండరాల ఆరోగ్యానికి తోడ్పడుతుంది.

READ ALSO : Muscle Building : కండరాల నిర్మాణంలో సహాయపడే గుడ్లు !

నీరు: సరైన కండరాల పనితీరును నిర్వహించడానికి , తిమ్మిరి తగ్గించడానికి బాగా హైడ్రేటెడ్ గా ఉండటం చాలా అవసరం. డీహైడ్రేషన్ కండరాల ఆరోగ్యానికి కీలకమైన పొటాషియం , సోడియం వంటి ఎలక్ట్రోలైట్‌లలో అసమతుల్యతకు దారితీస్తుంది. ఈ ఎలక్ట్రోలైట్‌లు బ్యాలెన్స్‌లో లేనప్పుడు, కండరాల తిమ్మిరి కలుగుతుంది. అందువల్ల, కండరాల తిమ్మిరిని నివారించడంలో తగినంత మొత్తంలో నీరు త్రాగటం కీలకం.