పెరిగిన చలి తీవ్రత.. అనారోగ్యం బారిన పడుతున్న ప్రజలు.. ఈ టిప్స్ పాటిస్తే సరి..
చలివల్ల ఊపిరితిత్తుల నాళాలపై ప్రభావం పడుతుంది. వైరస్ దాడి చేసే ప్రమాదం అధికంగా ఉంటుంది.
- Published By: 10TV Digital Team ,Published On : November 30, 2025 / 05:00 PM IST
Health: తెలుగు రాష్ట్రాల్లో చలి తీవ్రత పెరిగింది. జనాలు అనారోగ్యం బారిన పడుతున్నారు. చాలా మంది దగ్గు, గొంతునొప్పి, జ్వరం, జలుబు, శ్వాస తీసుకోవడంలో సమస్యలు, చర్మంపై దద్దుర్లు వంటి వాటితో బాధపడుతున్నారు. ప్రజలు తగిన జాగ్రత్తలు తీసుకోవాలని వైద్యులు సూచిస్తున్నారు. చిన్నారులు, వృద్ధులు మరిన్ని జాగ్రత్తలు తీసుకోవాలి.
చలి కాలంలో వచ్చే వ్యాధులతో సమీపంలోని వైద్యుల వద్దకు వెళ్తున్న వారి సంఖ్య పెరిగిపోతోంది. చలివల్ల ఊపిరి తిత్తుల నాళాలపై ప్రభావం పడుతుంది. వైరస్ దాడి చేసే ప్రమాదం అధికంగా ఉంటుంది. క్రానిక్ బ్రాంకైటిస్ ఉంటే ఇన్ఫెక్షన్ సోకే ఛాన్స్ ఉంది. రద్దీ ప్రాంతాలకు వెళ్లకూడదు. మాస్కులు ధరించాలి. శీతాకాలానికి 3 నెలల ముందే ఫ్లూ వ్యాక్సిన్ వేసుకోవాలి.
ఈ సూచనలు పాటించాలి..
- చలికి చిన్నారులు, వృద్ధులు బయట తిరగవద్దు
- ఈదురు గాలుల సమయంలో మరింత అప్రమత్తంగా ఉండాలి
- జాగింగ్, వాకింగ్, స్నానం చేసేటప్పుడు జాగ్రత్తలు పాటించాలి
- ఉదయం ఎండ వచ్చాక వాకింగ్, జాగింగ్ మంచిది
- గోరువెచ్చని నీటితో స్నానం చేయాలి
- స్నానాకికి సబ్బు కంటే సున్ని పిండి, శనగపిండి వాడడం మంచిది
- వేడి ఆహార పదార్థాలు తీసుకోవాలి
- బయట స్నాక్స్‌, జంక్‌ ఫుడ్‌కు దూరంగా ఉండాలి
- ఐస్‌క్రీమ్‌, కూల్‌డ్రింక్‌లు తీసుకోవద్దు
- గోరువెచ్చని నీరు తాగాలి
- చలికి రక్షణగా ఉన్ని దుస్తులు వేసుకోవాలి
- పెంపుడు జంతువులకు దూరంగా ఉండాలి
- శరీరం పొడిబారకుండా జాగ్రత్తగా నూనె, పలు రకాలైన లోషన్లను రాయాలి
- ఉబ్బసం ఉంటే విశ్రాంతి తీసుకోవడం అవసరం
- ఉబ్బసం ఉంటే పొగ పీల్చవద్దు
- చిన్నారుల పరిశుభ్రత విషయంలో తల్లిదండ్రులు జాగ్రత్తలు తీసుకోవాలి
- ఆరోగ్య సమస్యల పట్ల అశ్రద్ధ వద్దు
- శరీరం పూర్తిగా కవర్ అయ్యేలా దుస్తులు ధరించాలి
- వాజిలిన్, పెట్రోలియం జెల్లి వాడాలి
- రాత్రి సమయంలో త్వరగా జీర్ణమయ్యే ఆహార పదార్థాలు తీసుకోవాలి
- గుండె, ఊపిరితిత్తులు, కిడ్నీ బాధితులు మరింత అప్రమత్తంగా ఉండాలి
- పండ్లు, కూరగాయలు, ద్రవ పదార్థాలు తీసుకోవాలి
- వాహనదారులు చేతులకు గ్లోవ్స్‌ కూడా వాడాలి
