Green Chilli Benefits: కారంగా ఉంటుందని పక్కన పెడుతున్నారా? ఆరోగ్యాన్ని పక్కన పెట్టినట్టే.. మిరపతో ఎన్నో ఆరోగ్యప్రయోజనాలు
Green Chilli Benefits: మిరపలో ఉండే క్యాప్సైసిన్ రక్తనాళాలను విస్తరింపజేస్తుంది. ఇది రక్తప్రసరణ మెరుగవుతుంది. గుండె ఆరోగ్యాన్ని పెంచుతుంది.
- Published By: 10TV Digital Team ,Published On : July 10, 2025 / 03:31 PM IST
Health benefits of eating green chilli
మిరపకాయ.. మనం వంటకాల్లో తరచూ ఉపయోగించే కూరగాయ. మిరపకాయ(Chili Peppers) రుచికి కారంగానే ఉంటుంది కానీ, ఆరోగ్యం అంటే మాత్రం మమకారం ఎక్కువ. ఇవి తినడం వల్ల అనేక ఆరోగ్య ప్రయోజనాలనూ అందిస్తాయి. ఇవి విటమిన్లు, మినరల్స్, యాంటీఆక్సిడెంట్లు, క్యాప్సైసిన్ వంటి ముఖ్యమైన పోషకాలను కలిగి ఉంటాయి. ఇప్పుడు మిరపకాయ తినడం వల్ల కలిగే ముఖ్యమైన ఆరోగ్య ప్రయోజనాల గురించి ఇప్పడు తెలుసుకుందాం.
1.మేటాబాలిజాన్ని పెంచడం:
మిరపకాయల్లో ఉండే క్యాప్సైసిన్ అనే పదార్థం శరీర ఉష్ణోగ్రతను తాత్కాలికంగా పెంచుతుంది. దీనివల్ల కాలరీ ఖర్చును వేగవంతం చేస్తుంది. ఇది బరువు తగ్గే వారికీ సహాయకరంగా ఉంటుంది.
2.రక్తప్రసరణకు సహాయం:
మిరపలో ఉండే క్యాప్సైసిన్ రక్తనాళాలను విస్తరింపజేస్తుంది. ఇది రక్తప్రసరణ మెరుగవుతుంది. గుండె ఆరోగ్యాన్ని పెంచుతుంది. దీనివల్ల గుండె సమస్యలు వచ్చే ప్రమాదం తగ్గుతుంది.
3.నొప్పిని తగ్గించడంలో సహాయపడుతుంది:
మిరపకాయల్లోని క్యాప్సైసిన్ అనేది సహజమైన నొప్పి నివారకంగా పనిచేస్తుంది. మిరపను తినడం వల్ల జాయింట్ పైన్స్, ఆర్థరైటిస్ వంటి వ్యాధులు నయం అవుతాయి.
4.రోగనిరోధక శక్తిని పెంపొందించటం:
మిరపలో విటమిన్ C అధికంగా ఉంటుంది. ఇది రోగనిరోధక వ్యవస్థను బలోపేతం చేస్తాయి. కాబట్టి, జలుబు, ఫ్లూ వంటి అనారోగ్యాల నుండి రక్షిస్తుంది.
5.ఆకలి నియంత్రణ:
మిరపకాయ తినడం వల్ల ఆకలి తగ్గుతుంది. ఇది అధికాహారం తీసుకోవడాన్ని తగ్గించగలదు. బరువు తగ్గడానికి సహాయపడుతుంది.
6.గుండె జబ్బుల ప్రమాదాన్ని తగ్గించగలదు:
మిరపకాయలు చక్కెర, కొలెస్ట్రాల్ స్థాయిలను నియంత్రించడంలో సహాయపడుతుంది. ఇది గుండెకు సంభంధించిన రోగాల ప్రమాదాన్ని తగ్గించగలదు.
7.క్యాన్సర్ నిరోధక గుణాలు:
కొన్ని అధ్యయనాలు మిరపకాయల్లోని క్యాప్సైసిన్ క్యాన్సర్ కణాల పెరుగుదలను అడ్డుకుంటుందని సూచిస్తున్నాయి. ఇది ప్రొస్టేట్, స్తన క్యాన్సర్ వంటి రకాలను నిరోధించగల సామర్థ్యం కలిగి ఉందని పరిశోధనలు తెలుపుతున్నాయి.
మితంగా తీసుకుంటే మిరపకాయలు ఆరోగ్యానికి ఎంతో మేలు చేస్తాయి. ఇవి కేవలం రుచికరమైన పదార్థం కాకుండా శరీరానికి అవసరమైన పోషకాల వనరుగా కూడా పనిచేస్తాయి. మంచి ఆరోగ్యానికి తోడ్పడే మిరప మన ఆహారంలో చేర్చుకోవడం ద్వారా ఎన్నో లాభాలు పొందవచ్చు.
