ఫాస్ట్ ఫుడ్ తింటున్నారా.. మగతనం మటాష్..

హెల్తీ డైట్ అనేది కేవలం గుండెకు, బ్రెయిన్‌కు మాత్రమే కాదు స్పెర్మ్(వీర్యం)కు కూడా మంచిదని రీసెర్చర్స్ చెబుతున్నారు. 19ఏళ్ల సగటు వయస్సున్న 2వేల 900మందిపై జరిపిన పరిశోధనలో ఈ విషయాలు వెలుగులోకి వచ్చాయి. చేపలు, చికెన్, కూరగాయలు, పండ్లు, నీళ్లు ఎక్కువగా ఉన్న ఫుడ్ తీసుకునే వారిలో స్పెర్మ్ కౌంట్ ఎక్కువగా కనిపించిందట.

అవి కాకుండా పిజ్జా, ఫ్రెంచ్ ఫ్రైస్, బీఫ్స్, స్నాక్స్, పాలిష్ చేసిన బియ్యం, షుగరీ బేవరేజెస్, స్వీట్స్ తినే వారిలో తక్కువగా ఉన్నట్లు తేలింది. ప్రస్తుత జనరేషన్ లో దొరికే ఫుడ్ ను బట్టి పోకడ సాగిస్తున్నారని.. హెల్తీ డైట్ వల్ల కలిగే ప్రయోజనాలు తెలియాలని పరిశోదనలు జరిపారు. హెల్తీ డైట్ తీసుకునే వారిలో వయస్సుతో సంబంధం లేకుండా వీర్యకణాల వృద్ధి అవుతున్నట్లు తేలాయి.

స్పెర్మ్ కౌంట్ తక్కువ ఉండటం వల్ల భాగస్వామి ప్రెగ్నెన్సీ అవడం ఆలస్యం అవుతుంది. కొన్ని సార్లు గర్భం దాల్చడం కూడా అనుమానమే. అందుకే మగాళ్లు హెల్తీ డైట్ మెయింటైన్ చేయడం తప్పనిసరి.

హెల్తీ డైట్ తీసుకునేవారిలో 167మిలియన్లు, వెజిటేరియన్ డైట్ తీసుకునేవారిలో 151 మిలియన్లు, డానిష్ డైట్ తీసుకునే వారిలో 146మిలియన్లు కౌంట్ వచ్చినట్లు రిపోర్టులో వెల్లడైంది. వెస్టరన్ డైట్ ఫాలో అయ్యేవారిలో మరింత తక్కువగా 122మిలియన్ కౌంట్ వచ్చిందట. అంతేకాకుండా సెక్స్ హార్మోన్స్ కూడా తక్కువగా ఉత్పత్తి అయి ఫెర్టిలిటీ అయ్యేందుకు అవకాశాలను తగ్గిస్తాయి.

డైట్ ప్రకారం.. మగాళ్ల గుండె, మెదడు ఆరోగ్యంపై ప్రభావం చూపిస్తాయనేది పాత మాట. వాటితో పాటు స్పెర్మ్ మీదా ప్రభావం చూపిస్తానేది కొత్త రిజల్ట్. స్మోకింగ్, రేడియేషన్, పెస్టిసైడ్స్, హెవీ మెటల్స్(బంగారం, స్టీల్ చైన్లు, వెండి వస్తువులు) భారీగా వేసుకుని తిరగడం వంటి పనులు స్పెర్మ్‌లో క్వాలిటీని తగ్గిస్తాయట.

ఫెర్టిలిటీ(అండోత్పత్తి)కోసం మహిళలు ఆరోగ్య కరమైన ఆహారం తీసుకోవడమే కాదు. అసలు అండంతో ఫలదీకరణం జరగాలంటే స్పెర్మ్ కౌంట్ కూడా ఎక్కువ సంఖ్యలో ఉండాలి. అది ఏ మాత్రం తగ్గినా గర్భం దాల్చేందుకు అవకాశాలు తక్కువగా ఉంటాయి. గుండె, మెదడు కాపాడుకోవడానికే కాదు. ఈ రీసెర్చ్ ఫలితాల తర్వాత సంతానోత్పత్తి కోసమూ ఆహార అలవాట్లు మార్చుకోవలసిందేనంటున్నారు నిపుణులు.