కరోనా వైరస్.. మనం పీల్చే సాధారణ శ్వాస ద్వారా మాట్లాడేటప్పుడూ గాలితో వ్యాపిస్తుంది : సైంటిస్టుల హెచ్చరిక 

ప్రపంచాన్ని గజగజ వణికిస్తోన్న కరోనా వైరస్ మహమ్మారి గాలిద్వారా మాత్రమే కాదు.. సాధారణ శ్వాస మాట్లాడటం ద్వారా కూడా వ్యాపిస్తుందని ఓ టాప్ యూఎస్ సైంటిస్టు చెప్పారు. అందుకే ప్రతిఒక్కరూ ఫేస్ మాస్క్‌లను ఉపయోగించాలని అమెరికా ప్రభుత్వం సిఫారసు చేసేందుకు సిద్ధంగా ఉందన్నారు. మాస్క్ ల వాడకంపై మార్గదర్శకాలు మారే అవకాశం ఉందని నేషనల్ ఇన్స్టిట్యూట్ ఆఫ్ హెల్త్ ఇన్ఫెక్షియస్ డిసీజెస్ అధినేత Anthony Fauci తెలిపారు. ఎందుకంటే దగ్గు, తుమ్మినప్పుడు మాత్రమే కాకుండా ఎవరైనా మాట్లాడేటప్పుడు కూడా వైరస్ వాస్తవానికి వ్యాప్తి చెందుతుందని దీనికి సంబంధించి ఒక సమాచారాన్ని ఆయన ప్రస్తావించారు. 

అనారోగ్యంతో ఉన్నవారు మాత్రమే వారి ముఖాలను మాస్క్ ల సాయంతో కవర్ చేయాల్సి ఉంటుంది. అలాగే ఇంట్లో వారిని చూసుకునే వారు కూడా మాస్క్ లను ధరించాలని ఆయన సూచిస్తున్నారు.నేషనల్ అకాడమీ ఆఫ్ సైన్సెస్ (NAS) ఏప్రిల్ 1న వైట్‌హౌస్‌కు ఒక లేఖ పంపిన తరువాత Fauci ఈ వ్యాఖ్యలు చేశారు. కొన్ని అధ్యయనాల ప్రకారం.. సాధారణ శ్వాస నుండి వైరస్ ఏరోసోలైజేషన్‌కు అనుగుణంగా ఉంటాయి” అని పేర్కొంది.

ఇప్పటి వరకు, US ఆరోగ్య సంస్థల ప్రకారం… వైరస్ వ్యాప్తి ప్రాధమిక మార్గం శ్వాసకోశ బిందువుల ద్వారా సోకుతుందని గుర్తించారు. అది కూడా ఒక మిల్లీమీటర్ వ్యాసం, అనారోగ్యంతో ఉన్నవారు తుమ్ము లేదా దగ్గు ఉన్నప్పుడు వారి నుంచి ఈ వైరస్ ఇతరులకు సోకే అవకాశం ఉంది. అప్పుడు ఈ వైరస్ నీటి తుంపర్ల రూపంలో త్వరగా మీటరు దూరంలో నేలమీద పడతాయని చెప్పారు. 

ఏరోసోల్ నుంచి వైరస్ వ్యాప్తిని నివారించడం చాలా కష్టమవుతుంది. ముఖాలను కప్పి ఉంచే ప్రతి ఒక్కరికి దీని ప్రభావం ఉంటుంది. న్యూ ఇంగ్లాండ్ జర్నల్ ఆఫ్ మెడిసిన్‌లో ప్రచురించిన NIH ఫండ్స్ అధ్యయనం ప్రకారం.. SARS-CoV-2 వైరస్ ఏరోసోల్‌గా మారి 3 గంటల వరకు గాలిలో ఉండిపోతుందని గుర్తించింది. SASS-CoV-2 వైరస్  
జన్యు సంకేతం, దాని RNA, రోగుల ఐసోలేషన్ గదుల ప్రాంతాలకు చేరుకోవడం కష్టమని కనుగొన్నట్లు నెబ్రాస్కా మెడికల్ సెంటర్ యూనివర్శిటీ చేసిన ప్రాథమిక పరిశోధనకు NAS లేఖ సూచించింది.NAS శాస్త్రవేత్తలు హాంగ్ కాంగ్ నుండి  చైనా ప్రధాన భూభాగం నుండి మరో రెండు అధ్యయనాలను సూచించారు. కరోనావైరస్ ఇతర వైరల్ శ్వాసకోశ అనారోగ్యంతో బాధపడుతున్న రోగుల నుండి హాంగ్ కాంగ్ పరిశోధకులు వైరల్ నమూనాలను సేకరించి, కొంతమంది రోగులకు ఫేస్ మాస్క్‌లు ఇచ్చారు.(లాక్‌డౌన్‌ వేళ రోడ్డుపైకి వచ్చిన వ్యక్తి కాల్చివేత)

కరోనావైరస్ రోగులకు ఏరోసోల్స్, నోటి తుంపరలు రెండింటి నుంచి వైరస్ వ్యాప్తి చెందే తీవ్రతను మాస్క్‌లు తగ్గించినట్టు నిర్ధారించారు. మరోవైపు చైనీస్ ఆరోగ్య సంరక్షణ కార్మికులు ఉపయోగించే వ్యక్తిగత రక్షణ గేర్ కూడా గాల్లో వైరస్ మూలంగా ఉండవచ్చని ఆందోళన వ్యక్తం చేసింది. ఈ బృందం వుహాన్లోని ఆస్పత్రులను అధ్యయనం చేసింది. వైరస్ ఏరోసోలైజ్ చేసిన రెండు ప్రధాన ప్రాంతాలు ఉన్నాయని గుర్తించారు.

రోగుల స్నానపు గదులు, వైద్య సిబ్బంది వారి రక్షణ సామగ్రిని తొలగించిన గదులు ఉన్నాయి. ఇప్పటివరకు, ప్రపంచ ఆరోగ్య సంస్థ (WHO) గాల్లో వ్యాపించే వైరస్ పట్ల మరింత జాగ్రత్తగా ఉండాలని సూచించింది. మార్చి 29న ప్రచురించిన ఒక విశ్లేషణలో, ఏరోసోల్ ట్రాన్స్మిషన్ ప్రత్యేకమైన వైద్య చికిత్సల సమయంలో మాత్రమే జరుగుతుందని తెలిపింది.