Flood water: ఎన్నడూ చూడని విచిత్రాన్ని చూసిన ప్రజలు
ఈ సమయంలో ఓ కుర్రాడు వేక్ బోర్డుపై వరద నీటి ఇలా ఆడుకున్నాడు. అతడిని ఆశ్చర్యంగా చూడడం స్థానికుల వంతు..
- Published By: 10TV Digital Team ,Published On : January 8, 2024 / 02:30 PM IST
Man wakeboards through Berkshire flood water
భారీ వర్షాలు సంభవించి వరదలు వస్తే ప్రజలు ఎంతో బాధపడిపోతూ కూర్చుంటారు. ఓ యువకుడు మాత్రం ఆ వరద నీటిలో అంబరాన్నంటే ఆనందంతో సర్ఫింగ్ చేశాడు. ఇందుకు సంబంధించిన ఫొటోలు సామాజిక మాధ్యమాల్లో వైరల్ అవుతున్నాయి.
ఇంగ్లాండ్‌లోని బెర్క్‌షైర్ కౌంటీ, కుక్హామ్ గ్రామంలో ఈ ఘటన చోటుచేసుకుంది. ఇటీవల కురిసిన భారీ వర్షాలకు ఆ ప్రాంతంలో వరదలు రావడంతో అధికారులు బెర్క్‌షైర్ కౌంటీలో 24 సార్లు వరద హెచ్చరికలు, 30 సార్లు అలర్ట్ ప్రకటించారు. దాదాపు 1,800 ఇళ్లు, ఇతర స్థలాలు వరదలో మునిగాయి.
ఈ సమయంలో ఓ కుర్రాడు వేక్ బోర్డుపై వరద నీటి ఇలా ఆడుకున్నాడు. అతడిని ఆశ్చర్యంగా చూడడం స్థానికుల వంతు అయింది. ఎవరినీ పట్టించుకోకుండా ఆ యువకుడు సముద్రం వడ్డున సర్ఫింగ్ చేస్తున్నట్లు ఆనందపడిపోతూ దూసుకువెళ్లాడు. ఎన్నడూ చూడని విచిత్రాన్ని చూశామని స్థానికులు అంటున్నారు. గతంలో ఓ సారి రష్యాలోనూ ఇటువంటి ఘటనే చోటుచేసుకుంది.
