Apophis Asteroid : నాసా హెచ్చరిక.. భూమికి అతిదగ్గరగా భారీ గ్రహశకలం.. వందలాది అణుబాంబులతో సమానం.. ముప్పు పొంచి ఉందా?
Apophis Asteroid : 2004లో కనుగొన్న అపోఫిస్ ఈ నెల 13న భూమికి అతి సమీపంగా దూసుకువస్తోంది. ఈ గ్రహశకలం ఒకవేళ భూమిని తాకినట్లయితే.. దాని నుంచి వందలాది అణు బాంబులంతా శక్తిని విడుదల చేస్తుంది.
- Published By: 10TV Digital Team ,Published On : November 13, 2024 / 12:03 AM IST
Sparks Worldwide Concern NASA alert
Apophis Asteroid : అదో భారీ గ్రహశకలం.. భూమికి అతి దగ్గరగా దూసుకువస్తోంది. అపోఫిస్ (99942) అనే అతిపెద్ద గ్రహశకలాన్ని “గాడ్ ఆఫ్ ఖోస్” అనే మారుపేరుతో పిలుస్తారు. ఈ నెల 13 (బుధవారం) భూమికి దగ్గరగా దూసుకురావడంపై ప్రపంచ అంతరిక్ష సంస్థ నాసా అప్రమత్తంగా ఉంది. అపొఫిస్ గ్రహశకలం భూమికి దాదాపు 19వేల మైళ్ల (31వేల కిలోమీటర్లు) దూరంలో పయనిస్తుందని శాస్త్రవేత్తలు హామీ ఇస్తున్నప్పటికీ.. ఆ గ్రహశకలం భూమికి సామీప్యత గురించి ప్రపంచవ్యాప్తంగా ఆందోళనను రేకెత్తిస్తోంది.
అపోఫిస్.. ‘గాడ్ ఆఫ్ ఖోస్’.. అతిపెద్ద పరిమాణం కలిగిన గ్రహశకలం. ఇది భూమిని ఢీకొడితే జరగబోయే పరిణామాలు ఏంటి? అనేదానిపై ఆందోళన కలిగిస్తోంది. సుమారు 450 మీటర్ల పొడవు, 170 మీటర్ల వెడల్పుతో అపోఫిస్ న్యూయార్క్ ఎంపైర్ స్టేట్ బిల్డింగ్‌ అంత పెద్దదిగా ఉంటుంది. ఈ గ్రహశకలం ఒకవేళ భూమిని తాకినట్లయితే.. దాని నుంచి వందలాది అణు బాంబులంతా శక్తిని విడుదల చేస్తుంది. దాని తాకిడి ప్రపంచ విపత్తుకు దారితీస్తుంది. అనేక భవనాలను నాశనం చేస్తుంది. అడవులను నెలమట్టం చేసేస్తుంది. అదే గ్రహశకలం సముద్రాన్ని తాకినట్లయితే.. భారీ సునామీలకు కారణమవుతుంది. గతంలో భూమి గణనీయమైన గ్రహశకలం ప్రభావాలను ఎదుర్కొన్నప్పటికీ, అపోఫిస్ పరిమాణంలో ఉన్న గ్రహశకలం మానవ చరిత్రలో అత్యంత వినాశకరమైన వాటిలో ఒకటిగా చెప్పవచ్చు.
భూమికి సమీపంగా అపోఫిస్.. ఖగోళ భూకంపాల ముప్పు :
2004లో కనుగొన్న అపోఫిస్ ఈ నెల 13న భూమికి అతి సమీపంగా దూసుకువస్తోంది. అనేక గ్రహశకలాలు ప్రమాదకరం కానప్పటికీ, అపోఫిస్ పరిమాణం కారణంగా భూమితో గురుత్వాకర్షణకు గురయ్యే అవకాశం ఉందని ఖగోళ సైంటిస్టులు ఆందోళన వ్యక్తం చేస్తున్నారు. అపోఫిస్ భూమి గురుత్వాకర్షణ ప్రభావంలోకి ప్రవేశించినప్పుడు శాస్త్రవేత్తలు “ఆస్ట్రోక్వేక్స్”కు లోనవుతుందని అంచనా వేస్తున్నారు. గ్రహశకలం పరిశోధకుడు రోనాల్డ్-లూయిస్ బల్లౌజ్, ఆయన బృందం ప్రకారం.. ఖగోళ భూకంపాలు అపోఫిస్ ఉపరితలంపై తీవ్రమైన ప్రకంపనలను కలిగిస్తాయి. గురుత్వాకర్షణ శక్తులు గ్రహశకలం ఉపరితలాన్ని కదిలించగలవు. అపోఫిస్ కక్ష్యను కూడా మార్చగలవు. ఈ కంపనాలు అపోఫిస్ భవిష్యత్ విధానాలలో ఎలాంటి మార్పునకు దారితీస్తాయో చెప్పలేమని అంటున్నారు. ఎందుకంటే.. గ్రహశకలం నిర్మాణంలో చిన్న మార్పులు కూడా కాలక్రమేణా తీవ్రంగా ప్రభావితం చేస్తాయని చెబుతున్నారు.
అపోఫిస్ ఎందుకు అసాధారణమైనదంటే? :
వేలాదిగా గ్రహశకలాలు భూమికి దగ్గరగా వెళ్తుంటాయి. అపోఫిస్ గ్రహశకలం పరిమాణం, కక్ష్య కూడా శాస్త్రీయ దృష్టిని ఆకర్షించింది. ఈ పరిమాణంలో ఉన్న కొన్ని గ్రహశకలాలు భూమి కక్ష్యకు దగ్గరగా వస్తాయి. అపోఫిస్ కూడా అధిక వేగంతో ప్రయాణిస్తుంది. భూమిని ఢీకొడితే కలిగే నష్టం చాలా తీవ్రంగా ఉంటుంది. గ్రహశకలం పరిమాణం, మార్గంపై అనిశ్చితి నెలకొంది. దాదాపు రెండు దశాబ్దాల క్రితమే గుర్తించిన ఈ అపోఫిస్ గ్రహశకలం గమనాన్ని నాసా సెంటర్ ఫర్ నియర్-ఎర్త్ ఆబ్జెక్ట్ స్టడీస్ (CNEOS) ట్రాక్ చేస్తోంది.
అపోఫిస్ వెళ్లే మార్గంపై అంచనా :
ప్రస్తుతం, ఖగోళ శాస్త్రవేత్తలు అపోఫిస్ భూమిని ఢీకొట్టే పరిస్థితి లేదని భావిస్తున్నారు. తక్షణ ముప్పు కాదని అంటున్నారు. ఏది ఏమైనప్పటికీ, పరిశోధకులు గ్రహశకలం కక్ష్యను నిశితంగా గమనిస్తూనే ఉన్నారు. ప్రత్యేకించి భూమిని దగ్గరగా వచ్చే సమయంలో చిన్న కక్ష్య మార్పులకు అవకాశం ఉంటుంది. గ్రహశకలాలు సౌర వికిరణం, ఇతర అణువులను గురుత్వాకర్షణ లాక్కునే అవకాశం ఉంటుంది. రానురాను వాటి కక్ష్యలు కాలక్రమేణా ఊహించని విధంగా మారవచ్చు. నాసా, ఇతర అంతరిక్ష సంస్థలు కూడా అపోఫిస్ వంటి ఖగోళ వస్తువులతో గ్రహశకలాల ప్రభావాలను నిరోధించడానికి సాంకేతికతలను అన్వేషిస్తున్నాయి. ప్రమాదకర గ్రహశకలాల కక్ష్యను మార్చగల మిషన్‌లు కూడా ఇందులో ఉన్నాయి. ఇటీవలి డీఏఆర్టీ (డబుల్ ఆస్టరాయిడ్ రీడైరెక్షన్ టెస్ట్) మిషన్ ప్రకారం.. వ్యోమనౌక ఒక గ్రహశకలం గమనాన్ని ఢీకొట్టి దాని మార్గాన్ని మళ్లించగలదని నిరూపించింది. అపోఫిస్ లేదా అలాంటి గ్రహశకలం ఎప్పుడైనా భూమికి తీవ్రమైన ముప్పును కలిగిస్తే.. ఈ ప్రయోగాత్మక పద్ధతులు భవిష్యత్ రక్షణగా నిలుస్తాయని అభిప్రాయపడుతున్నారు.
రాబోయే ముప్పుపై గ్రహశకలంతో ట్రాకింగ్ :
అపోఫిస్ ఉల్క-ట్రాకింగ్ ప్రోగ్రామ్స్ ప్రాముఖ్యతను భవిష్యత్తు ప్రమాదాలను పర్యవేక్షించడంలో సాయపడుతుంది. అపోఫిస్ గ్రహశకలంతో భూమికి ఎలాంటి ముప్పు లేనప్పటికీ, దాని ఉనికి భూగ్రహ రక్షణపై అవగాహనను పెంచుతుంది. ఖగోళ శాస్త్రవేత్తలు, ప్రభుత్వాలు ముందస్తుగా గుర్తించడం, ట్రాకింగ్ చేసేందుకు వీలు ఉంటుంది. అపోఫిస్ అంతరిక్షంలో తెలియని వాటిని, మన సౌర వ్యవస్థ గుండా కదులుతున్న లెక్కలేనన్ని ఖగోళ వస్తువుల వల్ల కలిగే ప్రమాదాలను ముందుగానే గుర్తించవచ్చు. అపోఫిస్‌ను నిశితంగా అధ్యయనం చేయడం ద్వారా, శాస్త్రవేత్తలు గ్రహశకలాలపై మన అవగాహనను మెరుగుపరుచుకోవడమే కాకుండా భవిష్యత్తులో ముప్పు నుంచి భూమిని రక్షించుకునే అవకాశం ఉంటుందని అంటున్నారు.
Read Also : Gossip Garage : వైఎస్ షర్మిల, సునీతలపై అసభ్యకర పోస్టుల వెనకున్నది ఆ ఎంపీనేనా?
