Government bus stolen: ఆర్టీసీ బస్సు చోరీ.. రెండు ప్రత్యేక బృందాలతో పోలీసుల గాలింపు
సైకిళ్లు, బైకులు, కార్లు చోరీకి గురి అవుతుండడం గురించి మనం తరుచూ వింటుంటాం. అయితే, కర్ణాటకలో దొంగలు ఏకంగా ఓ బస్సును చోరీ చేశారు. కల్యాణ కర్ణాటక రోడ్ ట్రాన్స్ పోర్టేషన్ కార్పొరేషన్ (కేకేఆర్టీసీ)కు చెందిన ఓ బస్సు చోరీ కావడం కలకలం రేపింది.
- Published By: 10TV Digital Team ,Published On : February 21, 2023 / 08:57 PM IST
Government bus stolen
Government bus stolen: సైకిళ్లు, బైకులు, కార్లు చోరీకి గురి అవుతుండడం గురించి మనం తరుచూ వింటుంటాం. అయితే, కర్ణాటకలో దొంగలు ఏకంగా ఓ బస్సును చోరీ చేశారు. కల్యాణ కర్ణాటక రోడ్ ట్రాన్స్ పోర్టేషన్ కార్పొరేషన్ (కేకేఆర్టీసీ)కు చెందిన ఓ బస్సు చోరీ కావడం కలకలం రేపింది.
కలబురగి జిల్లాలోని చించోలి బస్టాండ్ లో ఇవాళ పార్క్ చేసిన ఉన్న ఆర్టీసీ బస్సును దొంగలు నడుపుకుంటూ తీసుకెళ్లి పోయాడు. ఆ దొంగలు బస్సును తెలంగాణ బార్డర్ దాటించి తీసుకెళ్లారని తెలుస్తోంది. ఆ బస్సు నంబరు KA 38 F 971 అని అధికారులు తెలిపారు. ఆ బస్సు బీదర్ జిల్లాలోని కేకేఆర్టీసీ డిపోనంబరు 2కు చెందిందని అన్నారు.
ఇవాళ తెల్లవారుజామున ఈ ఘటన చోటుచేసుకుందని వివరించారు. దీనిపై ఆర్టీసీ అధికారులు పోలీసులకు ఫిర్యాదు చేశారు. పోలీసులు ఇప్పటివరకు బస్సును స్వాధీనం చేసుకోలేకపోయారు. ఏదైనా నిర్మానుష్య ప్రాంతంలో దొంగలు ఆ బస్సును వదిలి వెళ్లి ఉంటారని పోలీసులు భావిస్తున్నారు. చోరీకి గురైన బస్సు ఎక్కడుందో తెలుసుకోవడానికి పోలీసులు రెండు ప్రత్యేక బృందాలను ఏర్పాటు చేశారు.
