Ramesh – Gopi : శోభన్‌ను హీరోగా ఇంట్రడ్యూస్ చేస్తూ రమేష్ – గోపిల సినిమా..
భన్‌ను హీరోగా పరిచయం చేస్తూ రమేష్, గోపిల దర్శకత్వంలో తెరకెక్కుతున్న నాలుగో చిత్రం పూజా కార్యక్రమాలతో ప్రారంభమైంది..
- Published By: 10TV Digital Team ,Published On : June 7, 2021 / 11:37 AM IST
Ramesh Gopi New Movie Launched
Ramesh – Gopi: శోభన్‌ను హీరోగా పరిచయం చేస్తూ రమేష్, గోపిల దర్శకత్వంలో తెరకెక్కుతున్న నాలుగో చిత్రం పూజా కార్యక్రమాలతో ప్రారంభమైంది. ఎస్పీ క్రియేషన్ బ్యానర్ మీద తెరకెక్కుతున్న ఈ సినిమా ప్రారంభోత్సవంలో రచ్చ రవి, హీరో రామన్, విక్రమ్, చంద్ర వట్టికూటి, మోహన్, మధు పగడాల, డాక్టర్ కృష్ణమూర్తి, రాహుల్ తదితరులు పాల్గొన్నారు.
ఈ సినిమా గురించి దర్శకులు వివరాలు తెలియచేస్తూ.. ‘‘మేము దర్శకత్వం వహిస్తున్న నాలుగో సినిమా ఇది. మేము ఇదివరకే హీరో తరుణ్‌తో ‘ఇది నా లవ్ స్టోరీ’, ఆ తరువాత ‘రెడ్డి గారింట్లో రౌడీయిజం’ తీశాము. అది విడుదలకు సిద్ధంగా ఉంది. అలాగే ఈ మద్యే కన్నడలో ఓ సినిమా చేశాం. అది కూడా రిలీజ్‌కు రెడీగా ఉంది. సో ఇది మా నాలుగో సినిమా. ఈ చిత్రం ద్వారా శోభన్‌ను హీరోగా పరిచయం చేస్తున్నాం.
తాను ఇప్పటికే యాక్టింగ్, డ్యాన్స్, ఫైటింగ్ లాంటి అంశాల్లో శిక్షణ తీసుకున్నాడు. ఈ సినిమాతో హీరోగా తెలుగు ప్రేక్షకులకు గుర్తుండిపోతాడు. ఈ సినిమా లవ్, సస్పెన్స్ ఎంటర్‌టైనర్‌గా ఉంటుంది. అన్ని రకాల కమర్షియల్ హంగులతో తెరకెక్కనున్న ఈ సినిమాను పూజా కార్యక్రమాలతో ప్రారంభించాం. లాక్‌డౌన్ ఎత్తివేయగానే.. రెగ్యులర్ షూటింగ్ మొదలుపెడతాం. ఈ చిత్రానికి సంబంధించిన మిగతా నటీనటులు, టెక్నీషియన్స్ వివరాలు త్వరలోనే వెల్లడిచేస్తాం’’ అన్నారు..
