Guttu Chappudu : ఈ హీరోని గుర్తు పట్టారా..!

‘ఓ పిట్ట కథ’ ఫేమ్ సంజయ్ రావ్ హీరోగా కొత్త దర్శకుడు మణీంద్రన్ దర్శకత్వంలో డాన్ ఎంటర్‌టైన్‌మెంట్ బ్యానర్‌పై నిర్మాత లివింగ్ స్టన్ నిర్మిస్తున్న చిత్రం ‘గుట్టు చప్పుడు’..

Guttu Chappudu

Guttu Chappudu: ప్రముఖ నటుడు బ్రహ్మాజీ తనయుడు, ‘ఓ పిట్ట కథ’ ఫేమ్ సంజయ్ రావ్ హీరోగా కొత్త దర్శకుడు మణీంద్రన్ దర్శకత్వంలో డాన్ ఎంటర్‌టైన్‌మెంట్ బ్యానర్‌పై నిర్మాత లివింగ్ స్టన్ నిర్మిస్తున్న చిత్రం ‘గుట్టు చప్పుడు’.. మే 29న హీరో సంజయ్ రావ్ పుట్టిన రోజు సందర్బంగా చిత్ర ఫస్ట్ లుక్ పోస్టర్‌తో పాటు మోషన్ పోస్టర్‌ని సంతోషం స్టూడియోలో ఆవిష్కరించారు. ఈ సందర్భంగా చిత్ర యూనిట్ సభ్యుల మధ్య హీరో సంజయ్ రావ్ కేక్ కట్ చేసి పుట్టిన రోజు వేడుకలు జరుపుకున్నారు.

చిత్ర హీరో సంజయ్ రావ్ మాట్లాడుతూ.. ‘‘నా పుట్టినరోజున ఇలా టీం సభ్యుల సమక్షంలో వేడుక జరుపుకోవడం.. అలాగే ఫస్ట్ లుక్ విడుదల చేయడం చాలా కొత్తగా ఉంది.. ‘గుట్టు చప్పుడు’ సినిమా నాకు చాలా మంచి ఇమేజ్ తెస్తుంది. నేను చేసిన ‘ఓ పిట్ట కథ’ సినిమాలోని పాత్రకు ఇది పూర్తీ ఆపోజిట్‌గా ఉంటుంది. ఈ స్క్రిప్ట్ నాకు దర్శకుడు మణీంద్రన్ చెప్పినప్పుడు అయన చెప్పిన కథ కంటే కూడా అయన ఇచ్చిన నేరేషన్ నాకు బాగా నచ్చింది. ప్రతి సీన్, షార్ట్ డివిజన్, మ్యూజిక్.. ఇలా అన్ని అంశాలతో కథను చెప్పారు.. కథ కూడా చాలా అద్భుతంగా ఉంటుంది. ఇది పక్కా మాస్ అండ్ లవ్ ఎంటర్‌టైనర్.. అన్నిరకాల కమర్షియల్ అంశాలు ఉంటాయి.. అలాగే మా నిర్మాత లివింగ్ స్టన్ చాలా సరదాగా ఉంటారు.. మంచి ఫ్రెండ్లీ నేచర్ ఉన్న వ్యక్తి .. నేను ప్రొడ్యూసర్ అనే విధంగా అస్సలు ఉండరు, ఆయనిచ్చిన సపోర్ట్‌తో చాలా స్పీడ్‌గా షూటింగ్ చేసాం. ఈ ‘గుట్టు చప్పుడు’ చిత్రాన్ని త్వరలోనే మీ ముందుకు తెచ్చే ప్రయత్నాలు చేస్తున్నాం’’ అన్నారు.

నిర్మాత లివింగ్ స్టన్ మాట్లాడుతూ .. ‘‘ముందుగా మా హీరో సంజయ్‌కి జన్మదిన శుభాకాంక్షలు .. నేను, దర్శకుడు మణి చాలా కాలంగా మంచి ఫ్రెండ్స్ .. మా కాంబినేషన్‌లో సినిమా చేయాలని అనుకున్నప్పుడు చాలా కథలు అనుకున్నాం.. కానీ ‘గుట్టు చప్పుడు’ కథ నాకు బాగా నచ్చింది. ముఖ్యంగా ఆ కథను అల్లిన విధానం బాగుంది.. అందుకే ఈ సినిమా మొదలెట్టాం.. ఇక ఈ సినిమాలో హీరోగా బ్రహ్మాజీ వాళ్ళ అబ్బాయి నటిస్తున్నాడు.. ఈ సందర్భంగా బ్రహ్మాజీ గారికి థ్యాంక్స్ చెబుతున్నాం. ఇప్పటికే రెండు షెడ్యూల్స్ పూర్తయ్యాయి.. మరో రెండు షెడ్యూల్స్ ఉన్నాయి.. కరోనా పరిస్థితులు చక్కబడ్డాకా మిగిలిన షెడ్యూల్స్ మొదలెడతాం. తప్పకుండా అనుకున్న సమయానికి చిత్రాన్ని విడుదల చేయడానికి ప్రయత్నిస్తున్నాం’’ అన్నారు.

దర్శకుడు మణీంద్రన్ మాట్లాడుతూ.. ‘‘మా హీరో సంజయ్‌కి బర్త్‌డే విషెష్ తెలియచేస్తున్నాను.. ఇక ఈ కథ గురించి చెప్పాలంటే ఇది వైజాగ్ నేపథ్యంలో సాగుతుంది.. పక్కా మాస్ అండ్ లవ్ ఫ్యామిలీ ఎంటర్‌టైనర్ అని చెప్పాలి. కొత్త తరహా కథతో చాలా విభిన్నమైన దిశగా కథ ఉంటుంది. తప్పకుండా నేటి పరిస్థితులకు అద్దం పట్టేలా, ముఖ్యంగా యూత్‌ని బేస్ చేసుకుని చేస్తున్న సినిమా ఇది. ఈ సినిమా విషయంలో మా నిర్మాత సపోర్ట్ చాలా ఉంది. ఎక్కడా కాంప్రమైజ్ కాకుండా అన్నీ దగ్గరుండి చూసుకుంటున్నారు. ఇక ఈ కథ అనుకున్న తరువాత హీరోగా ఎవరు అయితే బాగుంటుందని చాలా మంది హీరోలను అనుకున్నాం.. కానీ ‘ఓ పిట్ట కథ’ సినిమాలో హీరోగా చాలా చక్కని నటన కనబరిచిన సంజయ్ అయితే బాగుంటుందని ఆయనను కలవడం.. కథ విని వెంటనే ఓకే చెప్పడంతో సినిమా మొదలెట్టాం.. ఇందులో హీరోయిన్‌గా నటాషా సింగ్‌‌ని ఎంపిక చేసాం. ఇక ఇప్పటికే రెండు షెడ్యూల్స్ పూర్తి చేసాం.. ఒక షెడ్యూల్ వైజాగ్, రెండో షెడ్యూల్ హైదరాబాద్‌లో షూట్ చేసాం.. మిగతా రెండు షెడ్యూల్స్ కరోనా వేవ్ తగ్గగానే మొదలుపెడతాం. తప్పకుండా ఈ సినిమా అందరికి నచ్చుతుందన్న నమ్మకం ఉంది’’ అన్నారు.

కెమెరా మెన్ రాము మాట్లాడుతూ.. ‘‘ఈ సినిమాకు కెమెరా మెన్‌గా పనిచేస్తున్నందుకు చాలా ఆనందంగా ఉంది. చాలా మంచి కథ.. అన్ని రకాల కమర్షియల్ అండ్ టెక్నికల్ అంశాలతో తెరకెక్కిస్తున్నాం’’ అన్నారు.

మ్యూజిక్ డైరెక్టర్ గౌర హరి మాట్లాడుతూ.. ‘‘ఇది చాలా మంచి కథ.. ఇలాంటి కథకు మ్యూజిక్ చాలా ఇంపార్టెంట్.. దర్శకుడు మణి పర్ఫెక్ట్‌గా తెరకెక్కిస్తున్నాడు.. తప్పకుండా మా టీం అందరికి మంచి హిట్ ఇచ్చే చిత్రం అవుతుంది’’ అన్నారు.

మాటల రచయిత సురేష్ కుమార్ మాట్లాడుతూ.. నేను ఇప్పటికే ‘శివరంజని’, ‘దేవరకొండలో విజయ్ ప్రేమకథ’ చిత్రాలకు పని చేసాను, ఇది నా మూడో సినిమా. దర్శకుడు మణి చాలా కొత్త కథ చెప్పాడు.. సినిమాకు సరైన కథ ఉంటేనే దానికి డైలాగ్స్ మరింత బలాన్ని ఇస్తాయి. చాలా చక్కని డైలాగ్స్ కుదిరాయి. తప్పకుండా ఈ సినిమాతో నాకు మరింత మంచి పేరు వస్తుందన్న నమ్మకం ఉంది’’ అన్నారు.

ఈ చిత్రానికి సౌండ్ ఎఫెక్ట్ : పురుషోత్తం రాజు, ప్రొడక్షన్ మేనేజర్ : ఓ కృష్ణా రెడ్డి, ఆర్ట్ : నాగు, సిజి : చందు, మాటలు : వై . సురేష్ కుమార్, పిఆర్‌ఓ : సురేష్ కొండేటి, కెమెరా : రాము సీఎం, సంగీతం : గౌర హరి, ఎడిటింగ్ : సాయి బాబు తలారి, నిర్మాత : లివింగ్ స్టన్, రచన – దర్శకత్వం : మణీంద్రన్..