రోడ్డుపై ఉమ్మి వేసిన యువకుడు..చేత్తో కడిగించిన పోలీస్
- Published By: nagamani ,Published On : May 12, 2020 / 07:09 AM IST
కరోనాను కట్టడి చేసేందుకు ప్రపంచమంతా పోరాడుతోంది. దీని కోసం ఎన్నో రూల్స్ పెట్టుకున్నాం. వాటిని ఆంక్షలు అనుకున్నా..ప్రజారోగ్యం కోసం పాటించటం అందరి బాధ్యత. కానీ బాధ్యత మరచి ఏమాత్రం బుద్ధి లేకుండా ప్రవర్తించిన వ్యక్తికి బుద్ది వచ్చేలా చేసాడు ఓ పోలీస్ అధికారి.
కరోనా వ్యాప్తి చెందకుండా..లాక్‌డౌన్ విధించాయి ప్రభుత్వాలు. మాస్కులు తప్పనిసరిగా ధరించాలి. రోడ్లపైనే కాదు పబ్లిక్ ప్లేసుల్లో ఉమ్మి వేయకూడదు. ప్రజలు గుంపులు గుంపులుగా తిరగకూడదు. ఈ రూల్స్ అతిక్రమిస్తే ఫైన్లు కూడా వేస్తున్నారు. ఇది ప్రజారోగ్యం కోసం.
ఈ క్రమంలో చండీఘర్‌లో టూవీలర్‌పై వెళుతున్న ఓ యువకుడు నడిరోడ్డుపై తుపుక్కున ఉమ్మి వేశాడు. తనను ఎవరూ గమనించడం లేదనుకున్నాడు. కానీ ఓ అధికారి చూడనే చూశాడు. వెంటనే అతన్ని ఆపాడు. ఫైన్ వేయలేదు. ఉమ్మి వేశావు కాబట్టి నీ చేత్తో నువ్వే కడుగు అంటూ ఓ వాటర్ బాటిల్ ఇచ్చాడు. ఇక చేసేదేముంది? ఉమ్మి వేసి..చచ్చినట్లు తన చేత్తోనే కడగాల్సి వచ్చింది. ఓ వాహనదారుడికి చండీఘర్ ట్రాఫిక్ పోలీసులు విధించిన పనిష్మెంట్ ఇది. అంతేకాదు..ఇంకెప్పుడు ఇలా చేయను క్షమించండి అని చెప్పించాడు ఆ పోలీస్. దీనికి సంబంధించిన వీడియో ప్రస్తుతం సోషల్ మీడియాలో హల్ చల్ చేస్తోంది.
Read Here>> యాక్టర్ కాదు..సబ్ ఇన్‌స్పెక్టర్ : లాక్‌డౌన్ వేళ కార్లపై స్టంట్
