Lip Balms : వేసవిలో పెదవులు పగులుతున్నాయా? పొడిబారిన పెదవులకోసం లిప్ బామ్‌లు

చాక్లెట్‌లో కొన్ని అద్భుతమైన గుణాలు ఉన్నాయి. పెదాలను తేమగా ఉంచడమే కాకుండా, తీవ్రమైన కాలుష్యం నుండి కాపాడుతుంది. చాక్లెట్ తో ఇంట్లోనే పెదవులకు మేలు చేసే లిప్ బామ్ ను సులభంగా తయారు చేసుకోవచ్చు.

Summer Lips

Lip Balms : వేసవి వేడి కారణంగా అనేక రకాల చర్మ సమస్యలు ఉత్పన్నం అవుతాయి. చర్మం పొడిబారిపోయి నిస్తేజంగా మారిపోతుంది. వేడి వాతావరణం అందమైన పెదవుల ఆరోగ్యాన్ని సైతం దెబ్బతీస్తుంది. వేసవిలో పెదవులు పొడిబారిపోయి, పగిలిన పెదాలతో చాలా మంది ఇబ్బంది పడుతుంటారు. వేసవి ప్రభావం సున్నితమైన పెదవులపై తీవ్రమైన ప్రభావాన్ని చూపిస్తుంది. ఈ సమయంలో పెదవులను కాపాడుకునేందుకు కొన్ని రకాల జాగ్రత్తలు పాటించటం మంచిది. ఇంట్లో లభించే లిప్ బామ్ లతో వేసవిలో పెదవులను సంరక్షించుకోవచ్చు. వేసవిలో పెదవులను రక్షించుకునేందుకు ఉపయోగించాల్సిన లిప్ బామ్ ల గురించి తెలుసుకునే ప్రయత్నం చేద్దాం…

తేనెతో లిప్ బామ్ ; వేసవి కాలంలో పెదవులు పొడిబారకుండా చేయటంలో తేనె బాగా ఉపకరిస్తుంది. పెదవులపై తేనెను రాయటం ద్వారా పెదవులను ఎక్కువసేపు తాజాగా ఉంచుకోవచ్చు. ఇది పెదవులకు సహజసిద్ధమైన మాయిశ్చరైజర్ గా పనిచేస్తుంది.

ఇందుకోసం గ్లిజరిన్,వాసెలిన్‌లో కొన్ని చుక్కల తేనెను జోడించి, పొడిబారిన, పగిలిన పెదాలకు రాయాలి. లేదంటే కొద్దిగా కొబ్బరి నూనె,2 చుక్కల లావెండర్ ఎసెన్షియల్ ఆయిల్‌తో తేనె మిక్స్ చేసి లిప్ బామ్‌ను తయారు చేసుకోవచ్చు.

కొబ్బరి ఔషధతైలం ; ఇంట్లోనే కొబ్బరిని ఉపయోగించి వేసవి లిప్ బామ్‌ను తయారు చేయవచ్చు. పెదాలను హైడ్రేట్‌గా ఉంచడంలో సహాయపడే సహజమైన మాయిశ్చరైజర్ గా ఇది పనిచేస్తుంది. పెదాలను మృదువుగా, ఉంచటంలో ఈ కొబ్బరితో తయారు చేసిన లిప్ బామ్ సహాయపడుతుంది.

ఇందుకోసం పెట్రోలియం జెల్లీతో సమాన పరిమాణంలో కొబ్బరి నూనె కలపుకోవాలి. గాలి చొరబడని కంటైనర్‌లో పోసి సుమారు 30 నిమిషాల పాటు ఫ్రీజ్ లో పెట్టుకోవాలి. మీకు ఇష్టమైన నూనెను రెండు మూడు చుక్కులు దానిలో కలుపుకొని పెదవులకు రాసుకోవాలి.

చాక్లెట్ ఔషధతైలం ; చాక్లెట్‌లో కొన్ని అద్భుతమైన గుణాలు ఉన్నాయి. పెదాలను తేమగా ఉంచడమే కాకుండా, తీవ్రమైన కాలుష్యం నుండి కాపాడుతుంది. చాక్లెట్ తో ఇంట్లోనే పెదవులకు మేలు చేసే లిప్ బామ్ ను సులభంగా తయారు చేసుకోవచ్చు.

ఇందుకోసం నీటిలో 2 టీస్పూన్ల ఆలివ్ అయిల్, 1 టీస్పూన్ కొబ్బరి నూనె వేయాలి. తర్వాత 1 టీస్పూన్ కోకో పౌడర్, 1 టీస్పూన్ జోజోబా ఆయిల్, కొన్ని చుక్కల టీ ట్రీ ఆయిల్ కలపుకోవాలి. బాగా మిక్స్ చేసి లిప్ బామ్ ట్యూబ్స్ లో పోయాలి. అనంతరం దానిని పెదవులపై రాసుకోవాలి. ఇలా చేయటం వల్ల పెదవులు మృధువుగా మారతాయి. ఎండవేడి నుండి పెదవులకు రక్షణ లభిస్తుంది.

అంతేకాకుండా ఆలివ్ నూనెలో కొద్దిగా పంచదార కలిపి పెదవులపై సున్నితంగా మర్దన చేయాలి. ఇలా చేయటం వలన పెదవులకు తేమ అందుతుంది. రాత్రి పూట పెదాలపై పాల మీగడ రుద్ది కడగకుండా అలానే వదిలేస్తే పెదాలు పొడి బారడం తగ్గి తేమని సంతరించుకుంటాయి. గుప్పెడు గులాబీ రేకులను పాలలో నానబెట్టి మెత్తగా నూరి పెదాలకు పట్టించాలి. ఇలా చేస్తే పెదాలు పగలకుండా మృదువుగా ఉంటాయి. వాడిన గ్రీన్ టీ బ్యాగ్ ని పడేయకుండా పెదవులపైన 4 నిముషాలు అలానే ఉంచాలి. ఇలా తరచూ చేస్తూ ఉంటే పెదాలు తేమగా ఉంటాయి.

ముఖ్యంగా వేసవి కాలంలో పెదాలలో నూనె గ్రంధులు లేకపోవడం వల్ల తొందరగా చిట్లిపోవడం, పొడిబారడం జరుగుతుంది. తేమగా ఉండటానికి కావాల్సినంత మాయిశ్చరైజర్‌ను పెదాలకు ఆరకుండా రాస్తూ ఉండాలి. వెన్నతో పెదాలను మృదువుగా మసాజ్ చేయాలి. ఎప్పుడూ పెదాలను పొడిగా ఉండకుండా చూసుకోవాలి.