Coriander : జ్ఞాపకశక్తితోపాటు, కాలేయ పనితీరును మెరుగుపరిచే కొత్తిమీర!

కొత్తిమీర రసంలో కొద్దిగా పంచదార, నీళ్లు కలిపి ఖాళీకడుపున వారం రోజులపాటు క్రమం తప్పకుండా తాగితే శరీరంలో నీరసం, నిస్సత్తువలు తగ్గుతాయి. లినోలిక్, ఒలిక్, పాలిమిటిక్, స్టియారిక్, ఆస్కార్బిక్‌ యాసిడ్స్‌ కొత్తిమీరలో ఉంటాయి.

Coriander

Coriander : కొత్తిమీర , ధనియాలు రోజువారి ఆహారంలో వినియోగించటం భారతీయులకు సంప్రదాయంగా వస్తుంది. ముఖ్యంగా కొత్తి మీర ఆహారంలో చేర్చుకోవటం వల్ల అనేక ఆరోగ్య ప్రయోజనాలు అందుతాయి. కొత్తి మీర ఔషదగుణాలను కలిగి ఉందని ఆయుర్వేదం చెబుతుంది. కొత్తిమీరను వివిధ రకాల కూరలు, లేదా చట్నీ చేసుకుని తింటే మంచి రుచితోపాటు, యాంటీ మైక్రోబియల్, యాంటీ ఆక్సిడెంట్, యాంటీ ఇన్‌ఫ్లమేటరీ సుగుణాలు విటమిన్‌ ఏ, సి, క్యాల్షియం, మెగ్నీషియమ్‌లు శరీరానికి అందుతాయి. దీనిలోని యాంటీ బయోటిక్‌ మూలకాలు రక్తంలోని సుగర్‌ స్థాయులను తగ్గించి ఇన్సులిన్‌ ఉత్పత్తిని పెంచుతాయి. అందువల్ల కొత్తిమీర జ్యూస్‌ను పరగడుపున తాగితే మధుమేహం నియంత్రణలో ఉంటుంది.

కొత్తిమీర రసంలో కొద్దిగా పంచదార, నీళ్లు కలిపి ఖాళీకడుపున వారం రోజులపాటు క్రమం తప్పకుండా తాగితే శరీరంలో నీరసం, నిస్సత్తువలు తగ్గుతాయి. లినోలిక్, ఒలిక్, పాలిమిటిక్, స్టియారిక్, ఆస్కార్బిక్‌ యాసిడ్స్‌ కొత్తిమీరలో ఉంటాయి. ఇవి గుండె సంబంధ సమస్యలు, హార్ట్‌ స్ట్రోక్‌ల ముప్పుని తగ్గిస్తాయి. డైలీ కొత్తిమీర తినడం వల్ల రక్తప్రరణ బాగా జరుగుతుంది. లినోలాల్‌ అనే మూలకం జీర్ణవ్యవస్థను ఆరోగ్యంగా ఉంచడంలో ప్రముఖ పాత్ర పోషించి, జీర్ణసమస్యలను దరిచేరనివ్వదు. అంతేగాక యాంటీ పాస్మోడిక్‌ గుణాల వల్ల కాలేయం పనితీరు కూడా మెరుగుపడుతుంది. తరచు కొత్తిమీర చట్నీ తింటుండటం వల్ల లేదా ధనియాల పొడిలో కొద్దిగా తేనె వేసుకుని తీసుకుంటుండటం వల్ల జ్ఞాపకశక్తి మెరుగు పడుతుంది.

కొత్తిమీర డైయూరిటిక్‌గా పనిచేస్తుంది. శరీరంలో సోడియంను బయటకు పంపి రక్తపోటును తగ్గించడంలో ఇది ముఖ్యపాత్ర పోషిస్తుంది. ఇది చెడు కొలెస్ట్రాల్, ఎల్‌డీఎల్‌ఐని కూడా తగ్గిస్తుంది. కొత్తిమీరలో యాంటీ ఆక్సిడెంట్లు పుష్కలంగా ఉంటాయి. కేన్సర్‌ వచ్చినపుడు కొత్తిమీర తింటే.. కణాల అధిక పెరుగుదలను తగ్గించే లేదా మందగించే శక్తి వాటికి ఉంటుంది. కొత్తిమీర గ్లూకోజ్‌నుసమర్థవంతంగా ప్రాసెస్‌ చేయడంలో సహాయపడే ఎంజైమ్‌లను సక్రియం చేసే సామర్థ్యాన్ని కలిగి ఉందని ఇటీవలి అధ్యయనాల్లో తేలింది. కొత్తిమీర రసం నరాల కణాల దెబ్బతినకుండా కాపాడుతుందని మరొక అధ్యయనంలో తేలింది.