High BP : ఈ ఆహారాలు హైబీపిని తగ్గించటంలో సహాయపడతాయ్!
అర‌టి పండ్లలో పొటాషియం పుష్క‌లంగా ఉంటుంది. అలాగే విట‌మిన్ సి కూడా స‌మృద్ధిగా ఉంటుంది. ఈ పోష‌కాలు జీర్ణ‌శ‌క్తిని పెంచుతాయి. ఆక‌లిని నియంత్రిస్తాయి. అర‌టి పండ్లలో అధికంగా ఉండే ఫైబ‌ర్ ఎక్కువ సేపు ఆక‌లి వేయ‌కుండా కడుపు నిండుగా ఉంచుతుంది.
- Published By: 10TV Digital Team ,Published On : January 5, 2023 / 11:53 AM IST
These foods help lower high BP!
High BP : అధిక రక్తపోటు అనేది గుండె ధమనులను దెబ్బతీయడం , గుండెకు రక్తం, ఆక్సిజన్ ప్రవాహాన్ని తగ్గించడం, తోపాటు ప్రసరణ వ్యవస్థపై ప్రభావం చూపుతుంది. అధిక రక్తపోటు మీ మూత్రపిండాలకు దారి తీసే పెద్ద రక్త నాళాలకు, మీ మూత్రపిండాలలో చిన్న నాళాలను దెబ్బతీస్తుంది. హైబీపికి ట్రీట్‌మెంట్ లేనప్పటికీ కొన్ని లైఫ్‌స్టైల్ చేంజెస్ దానిని తగ్గించడంలో సాయపడతాయి.
ఆరోగ్య‌వంత‌మైన జీవన విధానం, చ‌క్క‌ని డైట్‌ను పాటించ‌డం వల్ల హైబీపీని చాలా సుల‌భంగా త‌గ్గించుకోవ‌చ్చు. పొటాషియం అధికంగా ఉండే ఆహారాల‌ను నిత్యం తీసుకోవ‌డం వల్ల హైబీపీ త‌గ్గుతుంది. దీంతోపాటు శ‌రీరంలో సోడియం క‌లిగించే దుష్ప‌రిణామాల నుంచి త‌ప్పించుకోవ‌చ్చు. ఒత్తిడి, ఆందోళ‌న కూడా త‌గ్గుతాయి. పొటాషియం అధికంగా ఉండే ఆ ఆహారాలపై హైబీపితో బాధపడుతున్నవారు అవగాహన కలిగి ఉండటం అవసరం. అంతేకాదు రోజువారిగా వాటిని ఆహారంలో బాగం చేసుకోవటం వల్ల మంచి ఫలితాలను పొందవచ్చు.
1. పెరుగు ; పెరుగులో కాల్షియం, పొటాషియంలు పుష్క‌లంగా ఉంటాయి. ఇవి జీర్ణాశ‌యంలో ఉండే మంచి బాక్టీరియాకు మేలు చేస్తాయి. హైబీపీ ఉన్న‌వారికి పెరుగు చ‌క్క‌ని ఆహారంగా సహాయపడుతుంది. దీన్ని నిత్యం తీసుకోవ‌డం వల్ల హైబీపీ అదుపులో ఉంటుంది.
2. అర‌టి పండ్లు ; అర‌టి పండ్లలో పొటాషియం పుష్క‌లంగా ఉంటుంది. అలాగే విట‌మిన్ సి కూడా స‌మృద్ధిగా ఉంటుంది. ఈ పోష‌కాలు జీర్ణ‌శ‌క్తిని పెంచుతాయి. ఆక‌లిని నియంత్రిస్తాయి. అర‌టి పండ్లలో అధికంగా ఉండే ఫైబ‌ర్ ఎక్కువ సేపు ఆక‌లి వేయ‌కుండా కడుపు నిండుగా ఉంచుతుంది. దీంతో అధిక బ‌రువును చాలా సుల‌భంగా త‌గ్గించుకోవ‌చ్చు. అలాగే అర‌టి పండ్లలో ఉండే పొటాషియం వల్ల హైబీపీ కూడా త‌గ్గుతుంది.
3. ఆకుప‌చ్చ‌ని కూర‌గాయ‌లు ; ఆకుప‌చ్చ‌ని కూర‌గాయ‌లు, ఆకుకూర‌ల‌ను రోజువారిగా ఆహారంలో చేర్చుకోవాలి. వీటిల్లో ఉండే పోష‌కాలు మ‌న ఆరోగ్యానికి ఎంతో మేలు కలిగిస్తాయి. వీటిల్లో పొటాషియం అధికంగా ఉంటుంది. ముఖ్యంగా పాల‌కూర‌లో పొటాషియం మ‌న‌కు స‌మృద్ధిగా ల‌భిస్తుంది. దీన్ని స‌లాడ్లు , జ్యూస్ రూపంలో తీసుకోవ‌చ్చు. ఆకుప‌చ్చ‌ని కూర‌గాయ‌ల‌ను తిన‌డం వల్ల శరీరానికి తగిన మోతాదులో పొటాషియం అందించి హైబీపీని త‌గ్గించుకోవ‌చ్చు.
4. పుచ్చకాయలు ; ప్రస్తుతం పుచ్చకాయలు అన్ని సీజన్లలో లభిస్తున్నాయి. నీటి శాతం ఈ కాయ‌ల్లో ఎక్కువ‌గా ఉంటుంది. వీటిలో అధికంగా ఉండే పొటాషియం హైబీపీని త‌గ్గిస్తుంది. పుచ్చ‌కాయ‌ల్లో ఉండే లైకోపీన్‌, విట‌మిన్ ఎ, సి, అమైనో యాసిడ్లు, యాంటీ ఆక్సిడెంట్లు మ‌న శరీరానికి పోష‌ణ‌ను, ఆరోగ్యాన్ని అందిస్తాయి.
