Bachhala Malli first look : అల్ల‌రి న‌రేష్ ‘బ‌చ్చ‌ల మ‌ల్లి’ ఫ‌స్ట్ లుక్‌.. పేరు మ‌ల్లి, ఇంటి పేరు బ‌చ్చ‌ల, చేసేది ట్రాక్ట‌ర్ డ్రైవింగ్..

టాలీవుడ్ హీరో అల్ల‌రి న‌రేష్ న‌టిస్తున్న చిత్రం 'బ‌చ్చ‌ల మ‌ల్లి'.

Bachhala Malli first look : అల్ల‌రి న‌రేష్ ‘బ‌చ్చ‌ల మ‌ల్లి’ ఫ‌స్ట్ లుక్‌.. పేరు మ‌ల్లి, ఇంటి పేరు బ‌చ్చ‌ల, చేసేది ట్రాక్ట‌ర్ డ్రైవింగ్..

Allari Naresh Bachhala Malli first look Release

Updated On : May 28, 2024 / 12:13 PM IST

Bachhala Malli : టాలీవుడ్ హీరో అల్ల‌రి న‌రేష్ న‌టిస్తున్న చిత్రం ‘బ‌చ్చ‌ల మ‌ల్లి’. సుబ్బు మంగాదేవి ద‌ర్శ‌క‌త్వంలో ఈ మూవీ తెర‌కెక్కుతోంది. అమృత అయ్యర్ క‌థ‌నాయిక‌గా క‌నిపించ‌నున్న ఈ సినిమాను హాస్యా మూవీస్ పతాకంపై రాజేశ్ దండా, బాలాజీ గుత్తా నిర్మిస్తున్నారు. తాజాగా ఈ చిత్ర ఫ‌స్ట్ లుక్ ను చిత్ర బృందం విడుద‌ల చేసింది.

ఈ పోస్ట‌ర్‌లో రిక్షా పై కూర్చొన్న అల్ల‌రి న‌రేష్ సిగ‌రేట్ తాగుతూ ఉన్నాడు. వెన‌క వైపు క‌నిపిస్తున్న దృశ్యాల‌ను బ‌ట్టి ఏదో జాత‌ర జ‌రుగుతున్న‌ట్లుగా క‌నిపిస్తోంది. పేరు మ‌ల్లి, ఇంటి పేరు బ‌చ్చ‌ల, చేసేది ట్రాక్ట‌ర్ డ్రైవింగ్.. ఈ బ‌చ్చ‌ల మ‌ల్లి ఖ‌చ్చితంగా చాలా రోజులు గుర్తిండిపోతాడు అంటూ చిత్ర బృందం ఈ పోస్ట‌ర్ కింద రాసుకొచ్చింది. మొత్తంగా ఫ‌స్ట్ లుక్ ఆక‌ట్టుకుంది.

Gunasekhar : కొత్త సినిమాను మొద‌లెట్టిన ద‌ర్శ‌కుడు గుణ‌శేఖ‌ర్.. మూవీ పేరేంటో తెలుసా..?

అల్ల‌రి న‌రేష్ కెరీర్‌లో 62వ సినిమా రూపుదిద్దుకుంటున్న ఈ చిత్రానికి విశాల్ చంద్ర శేఖ‌ర్ సంగీతాన్ని అందిస్తున్నాడు. . రావు రమేశ్, హరితేజ, ప్రవీణ్ తదితరులు కీల‌క పోషిస్తున్న ఈ చిత్ర షూటింగ్ ప్ర‌స్తుతం శ‌ర‌వేగంగా జ‌ర‌పుకుంటోంది. 1990వ ద‌శ‌కంలో తుని ప్రాంతంలో జ‌రిగిన కొన్ని య‌దార్థ సంఘ‌ట‌న‌ల స్పూర్తితో ఈ సినిమాని తెర‌కెక్కిస్తున్నారు.