ఎట్టకేలకు బాలయ్యని ఒప్పించాడు..
- Published By: sekhar ,Published On : August 1, 2020 / 01:25 PM IST
వరుస విజయాలతో జోరు మీదున్న యువ దర్శకుడు అనిల్ రావిపూడి, నటసింహం నందమూరి బాలకృష్ణతో సినిమా చేయాలని ఎప్పట్నుంచో ప్లాన్ చేస్తున్నాడు. బాలయ్య కోసం గతంలో ‘రామారావుగారు’ అనే టైటిల్‌తో సబ్జెక్ట్ కూడా సిద్ధం చేశాడు. అయితే బాలయ్యకు ఆ కథ నచ్చకపోవడం వల్లో, డేట్లు అడ్జెస్ట్ కాకపోవడం వల్లో అప్పట్లో ఆ సినిమా పట్టాలెక్కలేదు.
తాజాగా మరోసారి బాలయ్యను అనిల్ కలిసినట్టు సమాచారం. బాలయ్య బాడీలాంగ్వేజ్‌కు సరిపోయే విధంగా అనిల్ ఓ టెర్రిఫిక్ కథను సిద్ధం చేశాడట. యాక్షన్ ఎంటర్‌టైనర్‌గా తెరకెక్కనున్న ఈ సినిమాకు బాలయ్య ఓకే చెప్పినట్టు వార్తలు వస్తున్నాయి. బాలయ్య చేతిలో ప్రస్తుతం బోయపాటి శ్రీను తెరకెక్కిస్తున్న సినిమా ఉంది. వచ్చే ఏడాది అనిల్ సినిమా పట్టాలెక్కే సూచనలు కనిపిస్తున్నాయి.
