Bhagavanth Kesari : భగవంత్ కేసరి ఫస్ట్ సింగల్ ప్రోమో రిలీజ్.. గణేష్ ఉత్సవాల్లో ఈసారి..
బాలయ్య నటిస్తున్న భగవంత్ కేసరి నుంచి ఫస్ట్ సింగల్ ప్రోమో రిలీజ్ అయ్యింది. ఈసారి గణేష్ ఉత్సవాలకు తీన్మార్ సాంగ్ సిద్ధం అవుతుంది.
- Published By: 10TV Digital Team ,Published On : August 30, 2023 / 04:51 PM IST
Balakrishna Bhagavanth Kesari first single Ganesh Anthem Promo release
Bhagavanth Kesari : నంద‌మూరి బాల‌కృష్ణ (Balakrishna) నటిస్తున్న 108వ చిత్రం భగవంత్ కేసరి. అనిల్ రావిపూడి ద‌ర్శ‌క‌త్వంలో తెర‌కెక్కుతున్న ఈ సినిమా శరవేగంగా షూటింగ్ జరుపుకుంటుంది. ఈ మూవీలో కాజ‌ల్ అగ‌ర్వాల్‌ (Kajal Aggarwal) హీరోయిన్‌గా న‌టిస్తోంది. శ్రీలీల (Sreeleela) బాలయ్య కూతురిగా క‌నిపించ‌నుందని సమాచారం. తాజాగా చిత్ర యూనిట్ ప్రమోషన్స్ కి తెర లేపారు. ఈ మూవీ నుంచి మొదటి సాంగ్ ని ఆడియన్స్ ముందుకు తీసుకు వచ్చేందుకు సిద్ధం చేశారు. థమన్ సంగీతం అందిస్తున్న ఈ చిత్రం నుంచి ఫస్ట్ సింగల్ ప్రోమోని నేడు రిలీజ్ చేశారు.
Bhairava Dweepam : బాలయ్య అభిమానులకు బ్యాడ్‌న్యూస్‌.. ఆ సినిమా రీ రిలీజ్ మ‌ళ్లీ వాయిదా..
గణేష్ ఉత్సవాలు కోసం బాలయ్య ‘గణేష్ యాంతం’ని తీసుకు వస్తున్నాడు. ఈ సాంగ్ లో శ్రీలీల అండ్ బాలయ్య కలిసి తీన్మార్ ఆడనున్నారు. ప్రోమో చూస్తుంటే అభిమానులకు పూనకాలు వస్తున్నాయి. ఇక మోత సాంగ్ వస్తే.. డీజే బాక్స్ లు బద్దలు అవ్వడం ఖాయం అంటున్నారు. కాసర్ల శ్యామ్ ఈ పాటకి లిరిక్స్ అందించగా కరీముల్లా, మనీష్ పండ్రంకి పాడారు. శేఖర్ మాస్టర్ గ్రాండ్ విజువల్స్ తో డాన్స్ కోరియోగ్రఫీ చేశాడు. పూర్తి సాంగ్ ని సెప్టెంబర్ 1న రిలీజ్ చేయనున్నట్లు చెప్పారు.
Kalki 2898 AD : ప్రభాస్ ‘కల్కి’ సంక్రాంతికి వస్తుందా..? నిర్మాత అశ్వినీ దత్ ఏం చెప్పాడు..?
కాగా ఈ సినిమాని షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మిస్తున్నారు. విల‌న్‌గా బాలీవుడ్ నటుడు అర్జున్ రాంపాల్ (Arjun rampal) నటిస్తున్నాడు. దసరా కానుకగా అక్టోబర్ 19న ఈ చిత్రాన్ని రిలీజ్ చేస్తున్నారు. బాలయ్య గ‌త చిత్రాలు అఖండ, వీర సింహ‌రెడ్డి బాక్స్ ఆఫీస్ వద్ద 100 కోట్ల‌కు పైగా వ‌సూళ్లు చేసి బ్లాక్ బస్టర్ గా నిలిచాయి. దీంతో ఈ మూవీ పై కూడా అభిమానులు ఎన్నో ఆశలు పెట్టుకున్నారు. మరి బాలయ్య హ్యాట్రిక్ హిట్టుని ఇస్తాడా..? లేదా..? చూడాలి.
