చిరుకు మెమరబుల్ గిఫ్ట్ ఇచ్చిన మోహన్ బాబు..

  • Published By: sekhar ,Published On : August 23, 2020 / 02:33 PM IST
చిరుకు మెమరబుల్ గిఫ్ట్ ఇచ్చిన మోహన్ బాబు..

Updated On : August 23, 2020 / 2:54 PM IST

Mohan Babu sent a gift to Chiru: మెగాస్టార్ చిరంజీవి శ‌నివారం(ఆగ‌స్ట్‌22) 65వ పుట్టిన‌రోజును సెల‌బ్రేట్ చేసుకున్నారు. సినీ ఇండస్ట్రీ నుండే కాదు, రాజ‌కీయ ప్ర‌ముఖులు, సన్నిహితులు, శ్రేయోభిలాషులు చిరంజీవికి సోష‌ల్ మీడియా ద్వారా పుట్టిన‌రోజు శుభాకాంక్ష‌లు తెలిపారు. ఈ పుట్టిన‌రోజుకి చిరు చిర‌కాల మిత్రుడొక‌రు ఆయ‌న‌కు కొయ్య‌తో చేసిన‌ బుల్లెట్‌ను కానుక‌గా పంపించారు. ఇంత‌కూ చిరుకు కానుక పంపిన ఆ చిరకాల మిత్రుడెవ‌రో కాదు..

చిరు, తాను టామ్ అండ్ జెర్రీలా ఉంటామ‌ని చెప్పుకునే డైలాగ్ కింగ్ మోహ‌న్ బాబు.. త‌న ఆప్త‌మిత్రుడికి బ‌ర్త్‌డే గిఫ్ట్ ఇచ్చారు. ఆ విష‌యాన్ని చిరంజీవి త‌న ట్విట్ట‌ర్ ద్వారా తెలియజేశారు. ‘‘నా చిరకాల మిత్రుడు, తొలిసారిగా నా పుట్టిన రోజునాడు, ఓ కళాకృతిని కానుకగా పంపాడు. ఆ కానుకలో అతని రాజసం, వ్యక్తిత్వం ఉట్టిపడుతున్నాయి… థాంక్యూ మోహన్‌బాబు’’ అంటూ మెసేజ్‌తో పాటు మోహ‌న్‌బాబు పంపిన గిఫ్ట్‌ను ఫొటోను కూడా షేర్ చేశారు.