Game On : సమ్మర్‌లో రిలీజ్ కి రెడీ అయిన సస్పెన్స్ థ్రిల్లర్ ‘గేమ్‌ఆన్‌’..
తన జీవితాన్ని చాలించాలనుకునే ఓ వ్యక్తి రియల్‌ టైమ్‌ గేమ్‌లోకి ఎలా ప్రవేశించాడు. గేమ్‌లోని టాస్క్‌ను ఎలా స్వీకరించాడు, అసలు ఆ గేమ్ ఎంచుకోబడడానికి కారణం ఏమిటి, ఈ గేమ్ ఎవరు ఆడుతున్నారు? ఫైనల్‌గా ఏం జరిగింది? అన్న ఇత్తివృత్తంతో ఆధ్యంతం ఉత్కంఠగా సాగే కోర్‌ డ్రామా ఇది.
- Published By: 10TV Digital Team ,Published On : April 11, 2023 / 09:03 AM IST
Game On Movie Ready to release in Summer
Game On : గీతానంద్‌(Geethanand), నేహా సోలంకి(Neha Solanki) జంటగా నటిస్తోన్న చిత్రం ‘గేమ్ ఆన్’(Game On). కస్తూరి క్రియేషన్స్‌ ప్రొడక్షన్‌, గోల్డెన్‌ వింగ్‌ ప్రొడక్షన్స్‌ బ్యానర్స్‌పై దయానంద్‌ దర్శకత్వంలో రవి కస్తూరి ఈ సినిమాను నిర్మిస్తున్నారు. తమ్ముడి దర్శకత్వంలో అన్న హీరోగా నటించడం విశేషం. సీనియర్ నటి మధుబాల(Madhu Bala), ఆదిత్య మీనన్‌(Aditya Menon) ఇందులో కీలక పాత్రలు పోషిస్తున్నారు. తన జీవితాన్ని చాలించాలనుకునే ఓ వ్యక్తి రియల్‌ టైమ్‌ గేమ్‌లోకి ఎలా ప్రవేశించాడు. గేమ్‌లోని(Game) టాస్క్‌ను ఎలా స్వీకరించాడు, అసలు ఆ గేమ్ ఎంచుకోబడడానికి కారణం ఏమిటి, ఈ గేమ్ ఎవరు ఆడుతున్నారు? ఫైనల్‌గా ఏం జరిగింది? అన్న ఇత్తివృత్తంతో ఆధ్యంతం ఉత్కంఠగా సాగే కోర్‌ డ్రామా ఇది. సమ్మర్‌లో(Summer0 ఈ సినిమాను విడుదల చేయడానికి నిర్మాతలు సన్నాహాలు చేస్తున్నారు.
తాజాగా ఈ సినిమా ప్రెస్ మీట్ నిర్వహించగా నిర్మాత రవి కస్తూరి మాట్లాడుతూ.. రథం చిత్రం తర్వాత గీతానంద్‌ని మరోస్థాయిలో నిలబెట్టే చిత్రమిది. గీతానంద్‌, దయానంద్‌ ఇద్దరితో కలిసి పని చేయడం చాలా ఆనందంగా ఉంది. సినిమా అవుట్‌పుట్‌ బాగా వచ్చింది. ఈ చిత్రం కోసం గొప్ప స్టార్‌క్యాస్ట్‌ తీసుకున్నాం. కీలక పాత్ర పోషించిన మధుబాల గతంలో ఎన్నడూ చేయని పాత్ర ఈ చిత్రంలో చేశారు. న్యూ ఏజ్‌ కథతో రూపొందిన ఈ చిత్రం అందరికీ కనెక్ట్‌ అవుతుంది. మధుబాల పాత్రకు కుటుంబ ప్రేక్షకులు ఎంతగానో కనెక్ట్‌ అవుతారు. కార్తికేయ 2తో ప్రత్యేక గుర్తింపు తెచ్చుకున్న ఆదిత్య మీనన్‌ ఈ సినిమాలో కూడా ఓ ఇంటెన్స్‌ క్యారెక్టర్‌లో నటిస్తున్నాడు. నేహా సోలంకి నటనతోపాటు అందచందాలతో కూడా ఆకట్టుకుంటారు. శుభలేఖ సుధాకర్‌, కిరీటి, బిగ్ బాస్ వాసంతి, కీలక పాత్రలో అలరిస్తారు అని తెలిపారు.
అలాగే.. ఇటీవల విశ్వక్‌సేన్‌ విడుదల చేసిన టీజర్‌, అంతకుముందు వదిలిన పాటలకు స్పందన బావుంది. ప్రస్తుతం ట్రెండింగ్‌లో ఉన్న హైదరాబాద్‌ మ్యూజిక్‌ బ్యాండ్‌ నవాబ్‌ గ్యాంగ్‌ అందించిన సంగీతం సినిమాకు ఎసెట్‌ అవుతుంది. అనురాగ్‌ కులకర్ణి, హారిక నారాయణ్‌ పాడిన రెండో పాట ‘పడిపోతున్నా’ 2 రోజుల్లో 2 మిలియన్ల వ్యూస్‌ సాధించింది. ఆ స్పందనతో సినిమాపై మరింత నమ్మకం పెరిగింది. అరవింద్‌ విశ్వనాథన్‌ అద్భుతంగా విజువల్స్‌ ఇచ్చాడు. ప్రతి ఫ్రేమ్‌ మిమ్మల్ని ఓ కొత్త లోకంలోకి తీసుకెళుతుంది. అలాగే ఈ సినిమాకు మేము ప్రతి ప్రమోషన్‌ కూడా వినూత్నమైన రీతిలో చేస్తున్నాం. వేసవి కానుకగా ఈ సినిమాని విడుదల చేస్తాం అని అన్నారు.
ఇక గేమ్ ఆన్ సినిమా దర్శకుడు దయానంద్‌ మాట్లాడుతూ.. తెలుగులో ఇప్పుడు డిఫరెంట్‌ సినిమాలు రావడమే కాదు, సక్సెస్‌ కూడా అవుతున్నాయి. ఆ కోవలోనే గేమ్ ఆన్ సినిమా ఉంటుంది. ట్విస్టులు, టర్నులతో ఆధ్యంతం ఆసక్తిగా సాగుతుంది. ఈ సినిమాలో యాక్షన్‌, రొమాన్స్‌, ఎమోషన్స్‌… అన్ని రకాల ఎలిమెంట్స్‌ ప్రేక్షకులను ఆకట్టుకుంటాయి అని అన్నారు.
