Kalki 2898AD : కల్కి సినిమాలో ఆ ఇద్దరు హీరోయిన్స్ కూడా గెస్ట్ అప్పీరెన్స్.. ఇంతమంది స్టార్లు నిజమేనా?
కల్కి సినిమాలో చాలా మంది స్టార్లు ఉన్న సంగతి తెలిసిందే.
- Published By: 10TV Digital Team ,Published On : June 3, 2024 / 04:08 PM IST
Kalki 2898AD Movie having another two star actress guest Appearance rumours goes Viral
Kalki 2898AD : ప్రభాస్ కల్కి సినిమా కోసం అభిమానులతో పాటు దేశమంతా ఎదురుచూస్తుంది. వైజయంతి మూవీస్ బ్యానర్ పై నాగ్ అశ్విన్ దర్శకత్వంలో దాదాపు 400 కోట్ల భారీ బడ్జెట్ తో గ్రాండ్ గా తెరకెక్కింది ఈ సినిమా. ఇప్పటికే రిలీజ్ చేసిన గ్లింప్స్, పోస్టర్స్, యానిమేషన్ సిరీస్ లతో ఈ సినిమాపై భారీ అంచనాలు నెలకొన్నాయి. ఇక ఈ సినిమాలో చాలా మంది స్టార్లు ఉన్న సంగతి తెలిసిందే.
కల్కిలో ప్రభాస్ తో పాటు కమల్ హాసన్, అమితాబ్ బచ్చన్, దీపికా పదుకోన్, దిశా పటాని.. ఉన్నారని ఆల్రెడీ మూవీ యూనిట్ అధికారికంగా ప్రకటించారు. అయితే ఈ సినిమాలో మరింతమంది స్టార్లు గెస్ట్ అప్పీరెన్స్ లు ఇవ్వబోతున్నారని ఇప్పటికే పలు వార్తలు వచ్చాయి. కల్కి సినిమాలో నాని, విజయ్ దేవరకొండ, రాజమౌళి, ఆర్జీవీ, దుల్కర్ సల్మాన్, రానా.. ఉన్నారని వార్తలు వచ్చాయి.
Also Read : Love Today : జాన్వీ కపూర్ చెల్లితో ‘లవ్ టుడే’ రీమేక్.. స్టార్ హీరో తనయుడు హీరోగా..
తాజాగా ఈ సినిమాలో మరో ఇద్దరు హీరోయిన్స్ ఉన్నట్టు వార్తలు వస్తున్నాయి. ప్రస్తుతం టాలీవుడ్ లో దూసుకుపోతున్న మృణాల్ ఠాకూర్ తో పాటు, సీనియర్ నటి శోభన కూడా కల్కి సినిమాలో గెస్ట్ పాత్రలు చేయబోతున్నట్టు వార్తలు వస్తున్నాయి. దీంతో ఈ సినిమాలో ఎంతమంది స్టార్స్ కనిపిస్తారో అని ప్రేక్షకులు ఎదురుచూస్తున్నారు. మరి ఈ వార్తలు అన్ని నిజమేనా తెలియాలంటే సినిమా రిలీజ్ వరకు ఆగాల్సిందే. ఇక కల్కి సినిమా జూన్ 27న ప్రపంచవ్యాప్తంగా రిలీజ్ కానుంది.
