ఏప్రిల్ 28 నా జీవితంలో మర్చిపోలేని రోజు..
- Published By: Mahesh ,Published On : April 29, 2020 / 06:27 AM IST
ఏప్రిల్ 28.. దర్శకేంద్రుడు రాఘవేంద్రరావు జీవితంలో ఎన్నటికీ మర్చిపోలేని రోజు. ఆయన దర్శకత్వంలో నటరత్న నందమూరి తారక రామారావు హీరోగా తెరకెక్కిన `అడవి రాముడు` 43 ఏళ్ల క్రితం ఏప్రిల్ 28న విడుదలై ఇండస్ట్రీ హిట్‌గా నిలిస్తే.. ఆయన సమర్ఫణలో రాజమౌళి తెరకెక్కించిన `బాహుబలి-2` మూడేళ్ల క్రితం అదే తేదీన విడుదలై ప్రపంచవ్యాప్తంగా తెలుగు సినిమా సత్తాని మరోసారి చూపించింది. ఈ సందర్భంగా తన జ్ఞాపకాలను రాఘవేంద్రరావు సోషల్ మీడియా ద్వారా అభిమానులతో పంచుకున్నారు.
ఈ సందర్భంగా `అడవిరాముడు` రికార్డుల రాముడిగా ఎలా మారాడో రాఘవేంద్రరావు కొన్ని ఉదాహరణలు పంచుకున్నారు. `అడవిరాముడు` సినిమా 4 సెంటర్లలో ఒక సంవత్సరంపాటు, 8 సెంటర్లలో 200 రోజులు, 35 సెంటర్లలో 100 రోజులు ప్రదర్శితమైనట్టు తెలిపారు. అలాగే ప్రపంచవ్యాప్తంగా పలు రికార్డులను తిరగరాసిన `బాహుబలి-2` చిత్రబృందానికి ధన్యవాదాలు తెలియజేశారు రాఘవేంద్రరావు.
