Save The Tigers 2 : ఇండియన్ టాప్ 3లో ‘సేవ్ ది టైగర్స్ 2’.. మూడో సీజన్‌కి ముహూర్తం..
తెలుగు సినిమాలు మాత్రమే కాదు తెలుగు వెబ్ సిరీస్ కూడా నేషనల్ వైడ్ లో అదుర్స్ అనిపిస్తున్నాయి. ఇండియన్ టాప్ 3లో ‘సేవ్ ది టైగర్స్ 2’.
- Published By: 10TV Digital Team ,Published On : April 4, 2024 / 04:14 PM IST
Mahi V Raghav about Save The Tigers 2 success and season 3 update
Save The Tigers 2 : ప్రస్తుతం నేషనల్ వైడ్ లో తెలుగు సినిమాలు మాత్రమే కాదు తెలుగు వెబ్ సిరీస్ కూడా అదుర్స్ అనిపిస్తున్నాయి. రీసెంట్ గా తెలుగులో రిలీజైన్ ‘సేవ్ ది టైగర్స్’ సీజన్ 2 సూపర్ హిట్ స్ట్రీమింగ్ ని అందుకొని రికార్డులు సృష్టిస్తుంది. యాత్ర ఫేమ్ మహి వి.రాఘవ్ రచయితగా, షో రన్నర్‌గా, నిర్మాతగా వ్యవహరిస్తూ తీసుకు వచ్చిన ఈ సిరీస్ మొదటి సీజన్ గత ఏడాది రిలీజయ్యి సూపర్ హిట్టుగా నిలిచింది.
దీంతో ఇటీవల ఈ సిరీస్ సెకండ్ సీజన్ ని తీసుకు వచ్చారు. డిస్నీప్లస్ హాట్ స్టార్ లో రిలీజైన ఈ సీజన్ కామెడీతో పాటు ఫ్యామిలీ ఎమోషన్స్ తో ఆడియన్స్ ని ఆకట్టుకుంది. ఫ్యామిలీ ఆడియన్స్ నుంచి మాత్రమే కాదు యూత్ నుంచి కూడా ఈ సిరీస్ కి మంచి స్పందన వచ్చింది. దీంతో ఓటీటీలో అదిరిపోయే స్ట్రీమింగ్ ని అందుకుంది. కేవలం సౌత్ ఇండియా స్టేట్స్ లోనే కాదు, ఆల్ ఓవర్ ఇండియాలోనే ఈ సిరీస్ బిగ్గెస్ట్ బ్లాక్ బస్టర్ గా నిలిచింది.
Also read : Vijay Deverakonda : నా లవ్ స్టోరీ కంటే.. సుధీర్ రష్మీల లవ్ స్టోరీ ఫేమస్..
ఇండియన్ టాప్ వెబ్ సిరీస్ లో సేవ్ ది టైగర్స్ సీజన్ 2 మూడో స్థానంలో నిలిచి తెలుగు వెస్ సిరీస్ సత్తాని చాటుతుంది. ఇక ఈ సిరీస్ టాప్ 3లో నిలవడం పై షో రన్నర్ మహి వి.రాఘవ్ సంతోషం వ్యక్తం చేసారు. వెబ్ సిరీస్ లో ఒక సీజన్ బాగా క్లిక్ అయితే మరో సీజన్ అంతగా క్లిక్ అవ్వదు. కానీ ఈ సిరీస్ రెండు సీజన్స్ బ్లాక్ బస్టర్స్ గా నిలవడం సాధారణమైన విషయం కాదని మహి వి.రాఘవ్ చెప్పుకొచ్చారు.
ఇక ఈ సిరీస్ ని ఇంతటి హిట్ చేసినందుకు ప్రేక్షకులకు కృతజ్ఞతలు తెలియజేసారు. అలాగే మూడో సీజన్ పనులు కూడా మొదలు పెట్టినట్లు చెప్పుకొచ్చారు. ఈ ఏడాది జూన్ నెల నుంచి సీజన్ 3 షూటింగ్ సెట్స్ పైకి వెళ్తుందని పేర్కొన్నారు. ఇక అలాగే ఎవరైనా టాలెంటెడ్ ఫిల్మ్ మేకర్స్‌, ఔత్సాహిక రచయితలు ఉంటే.. వారి స్క్రిప్ట్స్, ఆలోచనలను తమకు పంపాలని మహి వి.రాఘవ్ కోరారు.
