Hari Hara Veera Mallu : ‘హరిహర వీరమల్లు’ నుంచి ఫ‌స్ట్ సింగిల్ ప్రొమో వ‌చ్చేసింది.. ప‌వ‌న్ పాడిన పాట‌ను విన్నారా?
ప‌వ‌ర్ స్టార్ ప‌వ‌న్ క‌ళ్యాణ్ న‌టిస్తున్న సినిమాల్లో హరిహర వీరమల్లు ఒకటి.
- Published By: 10TV Digital Team ,Published On : January 14, 2025 / 12:33 PM IST
Pawan Kalyan Hari Hara Veera Mallu First Single promo Maatavinaali out now
Hari Hara Veera Mallu First Single promo : ప‌వ‌ర్ స్టార్ ప‌వ‌న్ క‌ళ్యాణ్ న‌టిస్తున్న సినిమాల్లో హరిహర వీరమల్లు ఒకటి. దాదాపు సగభాగం క్రిష్ జాగర్లమూడి దర్శకత్వం వహించగా మిగిలిన పోర్షన్ కు జ్యోతి కృష్ణ దర్శకత్వం వహిస్తున్నారు. సంక్రాంతి సంద‌ర్భంగా ఈ చిత్రం నుంచి తొలి పాట మాట వినాలి ప్రొమోను విడుద‌ల చేశారు.
పాట‌ను విడుద‌ల చేయ‌కుండా.. ఈ పాట‌లో ‘వినాలి.. వీర మ‌ల్లు మాట చెబితే వినాలి.’ అని ప‌వ‌న్ చెప్పిన డైలాగ్‌ను విడుద‌ల చేశారు. పూర్తి పాట‌ను జ‌న‌వ‌రి 17న ఉద‌యం 10 గంట‌ల 20 నిమిషాల‌కు విడుద‌ల చేయ‌నున్న‌ట్లు చిత్ర బృందం తెలిపింది. కాగా.. ఈ పాట‌ను స్వ‌యంగా ప‌వ‌న్ క‌ళ్యాణ్ పాడ‌డం విశేషం.
అత్యంత భారీ బడ్జెట్ తో ఈ చిత్రం తెర‌కెక్కుతోంది. ఆస్కార్ విన్నర్ ఎంఎం కీరవాణి ఈ చిత్రానికి సంగీతాన్ని అందిస్తున్నారు. సూర్య మూవీస్ బ్యానర్ పై ఏ ఎం రత్నం ఈ చిత్రాన్ని నిర్మిస్తున్నారు. నిధి అగర్వాల్ కథానాయికగా నటిస్తోంది. ఈ చిత్రాన్ని రెండు భాగాలుగా విడుద‌ల చేస్తామ‌ని ఇప్ప‌టికే చిత్ర బృందం తెలిపింది.
తొలి భాగం హరిహర వీరమల్లు-1 ది స్వార్డ్ వ‌ర్సెస్ స్పిరిట్ ఈ ఏడాది మార్చి 28న ప్ర‌పంచ వ్యాప్తంగా ప్రేక్ష‌కుల ముందుకు రానుంది.
