Bhari: వరుణ్ తేజ్ హీరోగా ‘బరి’.. క్లాప్ కొట్టి మొదలుపెట్టిన ఏపీ డిప్యూటీ సీఎం పవన్ కళ్యాణ్
ఏపీ డిప్యూటీ సీఎం పవన్ కళ్యాణ్ చేతుల మీదుగా మొదలైన వరుణ్ తేజ్ 'బరి(Bhari)' మూవీ.
- Published By: V Santhosh Kumar ,Published On : March 28, 2026 / 03:56 PM IST
Pawan Kalyan launches Varun Tej film bhari
- వరుణ్ తేజ్ హీరోగా ‘బరి’
- చీఫ్ గెస్ట్ గా వచ్చిన పవన్ కళ్యాణ్
- 2027 సంక్రాంతి బరిలో దిగనున్న మూవీ
Bhari: మెగా ప్రిన్స్ వరుణ్ తేజ్ హీరోగా, పింక్ ఎలిఫెంట్ పిక్చర్స్ బ్యానర్పై నిహారిక కొణిదెల నిర్మిస్తున్న కొత్త సినిమా ‘బరి(Bhari)’. ఈ సినిమా శనివారం(మార్చి 28) అత్యంత వైభవంగా ప్రారంభమైంది. ఈ చిత్ర ప్రారంభోత్సవానికి ఆంధ్రప్రదేశ్ ఉప ముఖ్యమంత్రి, పవర్ స్టార్ పవన్ కళ్యాణ్ ముఖ్య అతిథిగా విచ్చేశారు. ముహూర్తపు సన్నివేశానికి పవన్ కళ్యాణ్ క్లాప్ కొట్టి చిత్ర యూనిట్కు తన ఆశీస్సులు అందజేశారు. మైత్రీ మూవీ మేకర్స్ అధినేత నవీన్ యెర్నేని కెమెరా స్విచ్ ఆన్ చేయగా, దర్శకుడు మేర్లపాక గాంధీ, నిర్మాత రాజీవ్ రెడ్డి స్క్రిప్ట్ను దర్శకుడు యదు వంశీకి అందజేశారు.
ఈ సందర్భంగా హీరో వరుణ్ తేజ్ తన సంతోషాన్ని పంచుకుంటూ, తన కెరీర్ మొదట్లో వచ్చిన ‘ముకుంద’ తర్వాత మళ్ళీ బాబాయ్ పవన్ కళ్యాణ్ తన సినిమా ప్రారంభోత్సవానికి రావడం ఎంతో ఆనందంగా ఉందన్నారు. సొంత చెల్లెలు నిహారిక నిర్మాణంలో తాను హీరోగా నటించడం ఒక ప్రత్యేకమైన అనుభూతి అని, యదు వంశీ చెప్పిన అద్భుతమైన కథ వల్లే ఈ క్రేజీ కాంబినేషన్ సాధ్యమైందని తెలిపారు. ఈ సినిమా కోసం తాను ఇప్పటికే వాలీబాల్లో శిక్షణ తీసుకుంటున్నానని, వచ్చే సంక్రాంతికి ‘బరి’లోకి దిగుతామని చెప్పుకొచ్చారు.
Sahithi Dasari: సాహితి దాసరి బోల్డ్ లుక్ వైరల్.. లాంగ్ స్కర్ట్లో అదిరిపోయే హాట్ షో
నిర్మాత నిహారిక కొణిదెల మాట్లాడుతూ, గతంలో తన తండ్రి నాగబాబు తన అన్నదమ్ములతో కలిసి సినిమాలు నిర్మించినప్పుడు కలిగిన ఆ ఫీలింగ్ను ఇప్పుడు తాను అనుభవిస్తున్నానని చెప్పారు. ‘కమిటీ కుర్రోళ్లు’ వంటి సూపర్ హిట్ తర్వాత దర్శకుడు వంశీ స్పోర్ట్స్ బ్యాక్డ్రాప్లో ఒక విలేజ్ డ్రామాను అద్భుతంగా సిద్ధం చేశారని వివరించారు. పింక్ ఎలిఫెంట్ పిక్చర్స్ అంటేనే క్వాలిటీ సినిమా అనే నమ్మకాన్ని ప్రేక్షకుల్లో కలిగించడమే తన లక్ష్యమని ఆమె పేర్కొన్నారు.
దర్శకుడు యదు వంశీ మాట్లాడుతూ, ‘కమిటీ కుర్రోళ్లు’ తర్వాత ఏడాది పాటు కష్టపడి ఈ వాలీబాల్ నేపథ్య కథను సిద్ధం చేశానని తెలిపారు. వరుణ్ తేజ్ ఈ పాత్రకు పూర్తి న్యాయం చేస్తారని, పవన్ కళ్యాణ్ గారు స్వయంగా వచ్చి తమ లాంటి యువ బృందాన్ని ప్రోత్సహించడం మర్చిపోలేని అనుభూతి అని అన్నారు. సంగీత దర్శకుడు అనుదీప్ దేవ్ ఈ చిత్రంలో మ్యూజిక్ ‘కమిటీ కుర్రోళ్లు’ కంటే పది రెట్లు పవర్ఫుల్గా ఉంటుందని హామీ ఇచ్చారు. మొత్తానికి మెగా ఫ్యామిలీ మెంబర్స్ అందరూ కలిసి చేస్తున్న ఈ ‘బరి’ చిత్రం టాలీవుడ్లో హాట్ టాపిక్గా మారింది.
