Ravi Teja: పాటలో బూతు పదాలు.. అప్పుడేమో తప్పు కాదా.. సినిమా చూసి మాట్లాడమంటున్న రవి తేజ
మాస్ మహారాజ్ రవి తేజ హీరోగా వస్తున్న లేటెస్ట్ మూవీ "మాస్ జాతర". (Ravi Teja)లేటెస్ట్ బ్యూటీ శ్రీలీల హీరోయిన్ గా నటిస్తున్న ఈ సినిమాను కొత్త దర్శకుడు భాను భోగవరపు తెరకెక్కించాడు.
- Published By: 10TV Digital Team ,Published On : October 8, 2025 / 02:32 PM IST
Hero Ravi Teja comments on Ole Ole song Trolling
Ravi Teja: మాస్ మహారాజ్ రవి తేజ హీరోగా వస్తున్న లేటెస్ట్ మూవీ “మాస్ జాతర”. లేటెస్ట్ బ్యూటీ శ్రీలీల హీరోయిన్ గా నటిస్తున్న ఈ సినిమాను కొత్త దర్శకుడు భాను భోగవరపు తెరకెక్కించాడు. పక్కా మాస్, కామెడీ, కమర్షియల్ ఎంటర్టైనర్ గా వస్తున్న ఈ సినిమా పలు వాయిదాల తరువాత అక్టోబర్ 31న ప్రేక్షకుల ముందుకు రానుంది. ఇప్పటికే ఈ సినిమా నుంచి విడుదలైన టీజర్, సాంగ్స్ సినిమాపై మంచి హైప్ క్రియేట్ చేశాయి. దీంతో సినిమా విడుదల కోసం ఆడియన్స్ (Ravi Teja)ఈగర్ గా వెయిట్ చేస్తున్నారు.
ఇదిలా ఉంటే, కొంతకాలం క్రితం మాస్ జాతర సినిమా నుంచి “ఓలే ఓలే” అనే పాటను విడుదల చేశారు మేకర్స్. శ్రీకాకుళం యాసలో వచ్చే ఈ పాటను మ్యూజిక్ డైరెక్టర్ భీమ్స్ కంపోజ్ చేశారు. ఇన్స్టాంట్ కిక్ ఇచ్చిన ఈ పాటలో నీ అమ్మని.. నీ అక్కని.. నీ చెల్లిని అనే పదాలను వాడారు. ఈ పదాలను వాడటంపై ఆడియన్స్ నుంచి తీవ్ర వ్యతిరేకత వచ్చింది. బూతుపాట అంటూ, వంటనే ఆ పాటను బ్యాన్ చేయాలి అంటూ తీవ్రంగా ట్రోల్ చేశారు. అయితే, తాజాగా ఈ ట్రోలింగ్ పై స్పందించాడు హీరో రవి తేజ.
ఇటీవల మాస్ జాతర సినిమా ప్రమోషన్స్ లో పాల్గొన్న రవి తేజ ఈ పాట గురించి మాట్లాడుతూ.. “అందరూ ఆ పాటలో మొదటి పదాల గురించే మాట్లాడుతున్నారు. తర్వాత వచ్చే సాహిత్యాన్ని పట్టించుకోవడం లేదు. ఆ పాట అలా ఎందుకు పెట్టాల్సివచ్చిందో సినిమా చేస్తే అర్థమౌతుంది. సినిమాలో సిచ్యుయేషన్ కు అది పర్ఫెక్ట్. సినిమాలో ఒక సందర్భం ప్రకారం హీరోయిన్ ఫ్యామిలీ కాళ్లు మొక్కి పోతా అంటాడు హీరో. అందుకే ఆ పదాలను అలా పెట్టాము. ఒకప్పుడు బుర్రకథల్లో కూడా ఇలాంటి పాదాలను వాడేవారు. కానీ, అవి బూతులు కాదు. కుటుంబమంతా కలిసి ఆస్వాదించేవారు” అంటూ చెప్పుకొచ్చాడు రవితేజ. దీంతో రవి తేజ చేసిన కామెంట్స్ ఇప్పుడు వైరల్ అవుతున్నాయి.
