Ram Mandir Opening Ceremony : వెండితెరపై రామ మందిర ప్రారంభోత్సవం లైవ్.. ఎక్కడ? ఎప్పుడు?

అయోధ్యలో రామ మందిర ప్రారంభోత్సవ కార్యక్రమాన్ని ప్రముఖ మల్టీప్లెక్స్ థియేటర్లు పీవీఆర్ ఐనాక్స్ ప్రత్యక్ష ప్రసారం ఇవ్వబోతున్నాయి. టిక్కెట్టు ధర.. సమయం వివరాల కోసం చదవండి.

Ram Mandir Opening Ceremony : వెండితెరపై రామ మందిర ప్రారంభోత్సవం లైవ్.. ఎక్కడ? ఎప్పుడు?

Ram Mandir Opening Ceremony

Updated On : January 21, 2024 / 2:52 PM IST

Ram Mandir Opening Ceremony : జనవరి 22న అయోధ్యలో జరగబోతున్న రామ మందిర ప్రారంభోత్సవ అపూరూప ఘట్టానికి మరికొన్ని గంటలు సమయం ఉంది. ఆ అద్భుత క్షణాలు వీక్షించడానికి ప్రజలంతా కళ్లు కాయలు కాసేలా ఎదురుచూస్తున్నారు. ఈ వేడుకను పీవీఆర్ ఐనాక్స్ థియేటర్లలో ప్రత్యక్ష ప్రసారం చేయబోతున్నారు.

Rukmini Vasanth : తెలుగులోకి మరో కన్నడ భామ.. ‘సప్త సాగరాలు దాటి’ హీరోయిన్.. స్టార్ హీరో సరసన..

అయోధ్య రామ మందిర ప్రారంభోత్సవ కార్యక్రమం వీక్షించడానికి దేశం యావత్తు ఎదురుచూస్తోంది. ఈ కార్యక్రమాన్ని ప్రత్యక్ష ప్రసారంలో చూపించడానికి మల్టీప్లెక్స్ దిగ్గజాలు పీవీఆర్ ఐనాక్స్  న్యూస్ ఛానెల్ ఆజ్ తక్‌తో ఒప్పందం కుదుర్చుకున్నట్లు ఈ సంస్థల కో-ఫౌండర్ గౌతమ్ దత్తా వెల్లడించారు. దేశ వ్యాప్తంగా ఉన్న కోట్లాదిమంది భక్తులు వీక్షించేలా తాము అవకాశం కల్పించడం అదృష్టంగా  భావిస్తున్నామని ఆయన చెప్పారు. ఇప్పటికే ఆన్ లైన్‌లో టిక్కెట్లు అందుబాటులో ఉంచారు. ఉదయం 11 గంటల నుండి మధ్యాహ్నం  1 గంట వరకు ఈ కార్యక్రమం ఉంటుంది.  టికెట్ ధర రూ.100 రూపాయలు కాగా  ప్రతి టికెట్‌పై పాప్ కార్న్ కాంబోను కూడా అందిస్తున్నారు. భారతదేశంలోని 160కి పైగా థియేటర్లలో ప్రత్యక్ష ప్రసారం చేయబోతున్నట్లు తెలుస్తోంది.

Ananyaa : ‘జర్నీ’ హీరోయిన్ ఏమైపోయింది? ఇప్పుడు ఏం చేస్తుంది?

ప్రపంచ వ్యాప్తంగా 11,000 మందికి పైగా అతిథులు ఈ కార్యక్రమంలో పాల్గొంటున్నారు. రజనీకాంత్, విరాట్ కోహ్లీ, అనుష్క శర్మ, రణ్‌బీర్ కపూర్, అలియా భట్, మోహన్‌లాల్, ధనుష్ వంటి సినీ సెలబ్రిటీలతో పాటు ప్రముఖ రాజకీయ నాయకులు కూడా ఈ కార్యక్రమానికి వస్తున్నారు. 1987 లో వచ్చిన ‘రామాయణ్’ టీవీ సీరియల్‌లో శ్రీరాముడు, సీతాదేవి పాత్రల్లో నటించిన అరుణ్ గోవిల్, దీపిక చిక్లియా కూడా ఈ వేడుకలో పాల్గొంటున్నట్లు తెలుస్తోంది.