Subham : చాన్నాళ్లకు మీడియా ముందుకు రాబోతున్న సమంత.. శుభం ప్రీ రిలీజ్ ఈవెంట్.. ఎక్కడ? ఎప్పుడు?
హీరోయిన్ సమంత నిర్మాత‌గా మారి తెర‌కెక్కిస్తున్న చిత్రం శుభం.
- Published By: 10TV Digital Team ,Published On : May 3, 2025 / 02:31 PM IST
Samantha Subham movie pre release event on may 4th
హీరోయిన్ సమంత నిర్మాత‌గా మారి తెర‌కెక్కిస్తున్న చిత్రం శుభం. ట్రాలాలా మూవింగ్‌ పిక్చర్స్‌ పతాకంపై ఈ చిత్రం నిర్మిత‌మ‌వుతోంది. ప్రవీణ్ కాండ్రేగుల ఈ చిత్రానికి ద‌ర్శ‌క‌త్వం వ‌హిస్తున్నారు. హర్షిత్ రెడ్డి, గవిరెడ్డి శ్రీనివాస్, శ్రియ కొణతం, షాలిని కొండేపూడి.. పలువురు కీలక పాత్రల్లో న‌టిస్తున్నారు.
విలేజ్ బ్యాక్ డ్రాప్ లో హారర్ కామెడీ సినిమాగా రూపుదిద్దుకుంటుంది. ఇటీవ‌లే ఈ చిత్ర ట్రైలర్ రిలీజ్ విడుద‌ల చేయ‌గా మంచి స్పంద‌న వ‌చ్చింది. ఇక ఈ చిత్రాన్ని మే 9న ప్ర‌పంచ వ్యాప్తంగా విడుద‌ల చేయ‌నున్నారు. ఈ క్ర‌మంలో చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది.
అందులో భాగంగా ప్రీ రిలీజ్ ఈవెంట్‌ను ఘ‌నంగా నిర్వ‌హించేందుకు ఏర్పాట్లు చేసింది. మే 4న వైజాగ్‌లోని ఆర్‌కే బీచ్‌లో నిర్వ‌హించ‌నున్నారు. సాయంత్రం 5 గంట‌ల నుంచి ఈవెంట్ ప్రారంభం కానుంది. ఈ విష‌యాన్ని తెలియ‌జేస్తూ చిత్ర బృందం ఓ పోస్ట‌ర్‌ను విడుద‌ల చేసింది.
