Gopichand 32 : ఇంత స్పీడా..? గోపీచంద్‌తో శ్రీను వైట్ల మూవీ అప్పుడే..!

శ్రీను వైట్ల దర్శకత్వంలో మాచో స్టార్ గోపీచంద్ చేస్తున్న మూవీ ఇటీవలే షూటింగ్ ని మొదలు పెట్టుకొని అప్పుడే..

Gopichand 32 : ఇంత స్పీడా..? గోపీచంద్‌తో శ్రీను వైట్ల మూవీ అప్పుడే..!

Srinu Vaitla Gopichand 32 movie completes first schedule shooting

Updated On : October 13, 2023 / 7:57 PM IST

Gopichand 32 : శ్రీను వైట్ల దర్శకత్వంలో మాచో స్టార్ గోపీచంద్ ఇటీవల ఒక సినిమా అనౌన్స్ చేసిన సంగతి తెలిసిందే. ఈ మూవీ షూటింగ్ ని శ్రీను వైట్ల శరవేగంగా ముందుకు తీసుకు వెళ్తున్నాడు. ఇటీవల ఇటలీలో ఈ మూవీ మొదటి షెడ్యూల్ కోసం లొకేషన్స్ ఫైనల్ చేసిన శ్రీను వైట్ల.. ఆ వెంటనే షూటింగ్ ని కూడా మొదలు పెట్టేశాడు. చిత్రీకరణ ఇలా మొదలు పెట్టాడో లేదో షెడ్యూల్ ని యమా స్పీడ్ లో పూర్తి చేసేశారు. ఈ విషయాన్ని చిత్ర యూనిట్ ట్వీట్ చేస్తూ తెలియజేసింది.

ఇటలీలో ఈ మూవీలోని కీలక సన్నివేశాలను తెరకెక్కించారు. అలాగే హీరోహీరోయిన్స్ తో సాంగ్ షూట్ ని కూడా పూర్తి చేసేశారు. ఈ మూవీలో చేయబోయే హీరోయిన్ గురించి ఇప్పటివరకు మేకర్స్ తెలియజేయలేదు. తాజాగా చేసిన పోస్టుతో హీరోయిన్ ఎవరనేది వెల్లడించారు. ఈ మూవీలో ‘కావ్య తపర్’ గోపీచంద్ కి జంటగా కనిపించబోతుంది. ఇక వీరిద్దరి మధ్య ఒక సాంగ్ ని శేఖర్ మాస్టర్ కోరియోగ్రఫీలో అక్కడ అందమైన లొకేషన్స్ లో చిత్రీకరించారు. ఈ సినిమాకి చైతన్య భరద్వాజ్ సంగీతం అందిస్తున్నాడు.

Also read : Rocking Rakesh : రాకింగ్ రాకేష్ హీరోగా మొదటి మూవీ.. KCR గా కనిపించబోతున్న..

గోపీచంద్ 32వ సినిమాగా తెరకెక్కుతున్న ఈ చిత్రాన్ని చిత్రాలయం స్టూడియోస్ నిర్మిస్తుంది. కాగా గోపీచంద్, శ్రీనువైట్ల ప్రస్తుతం ప్లాప్ ల్లో ఉన్నారు. దీంతో కమ్‌బ్యాక్ ఇచ్చేందుకు ఇద్దరు గట్టిగానే కష్టపడుతున్నట్లు తెలుస్తుంది. అయితే గోపీచంద్ ఈ సినిమా కంటే ముందే మరో మూవీతో ఆడియన్స్ ని పలకరించబోతున్నాడు. కన్నడ డైరెక్టర్ హర్ష దర్శకత్వంలో ‘భీమ’ అనే సినిమా చేస్తున్నాడు. ప్రస్తుతం షూటింగ్ దశలో ఉన్న ఈ మూవీలో గోపీచంద్ పవర్ ఫుల్ పోలీస్ ఆఫీసర్ గా కనపడబోతున్నాడు.